މިނިސްޓަރު އިބްރާހީމް އަމީރު -- ފޮޓޯ/މަޖިލިސް
މިނިސްޓަރު އިބްރާހީމް އަމީރު -- ފޮޓޯ/މަޖިލިސް
ހަބަރު 14 Nov 2023 | 10:18

މިނިސްޓަރު އަމީރު އިންނެވީ މުޅި މަޖިލީހުގެ އިމްތިޔާޒަށް އަރާވަޑައިގެން: ޑިމޮކްރެޓްސް

ފިނޭންސް މިނިސްޓަރު އިބްރާހީމް އަމީރު އިންނެވީ މުޅި މަޖިލީހުގެ އިމްތިޔާޒަށް އަރާވަޑައިގެންފައިވާ ކަމަށް މަޖިލީހުގައި ހިމެނޭ ޑިމޮކްރެޓްސް އަށް ނިސްބަތްވާ މެންބަރުން ވިދާޅުވެއްޖެއެވެ.

ގިނަ ދުވަސް ތަކެއް ވަންދެން ދަންމާލެވުނު ބަޖެޓްގެ މަސައްކަތް ކުރިއަށް ގެންދިޔުމަށް ރައްޔިތުންގެ މަޖިލީހުގެ މިއަދުގެ ޖަލްސާގައި އެޖެންޑާކޮށްފައިވާއިރު، މިނިސްޓަރު އަމީރުވެސް ވަނީ ބަޖެޓް ހުށަހެޅުމަށް ވަޑައިގެންފައެވެ.

އެހެން ނަމަވެސް މީގެ ކުރިން ބަޖެޓްގެ މަސައްކަތް އެޖެންޑާ ކުރެވުނު ހުރިހާ ފަހަރެއްގައިވެސް އަމީރު މަޖިލީހަށް ވަޑައިނުގެން، މަޖިލީހުގެ ކޯރަމްވެސް ހަމަ ނުވުމުން ބަޖެޓް ހުށަހަޅަންޖެހޭ ދުވަހު އެމަސައްކަތް ކުރެވިފައި ނުވާތީ ޑިމޮކްރެޓްސް ގެ މެންބަރުން ވަނީ މަޖިލިސް ފެށުމާއެކު ނިޒާމީ ނުކުތާ ނަންގަވައި އެކަން ފާހަގަކުރައްވާފައެވެ.

މަޖިލީހުގެ ގަވާއިދުގެ 211 ވަނަ މާއްދާގައި އެބައޮވޭ، ގާނޫނު އަސާސީގެ 96 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެމަތިން، އެންމެ ލަސްވެގެން ކޮންމެ އަހަރެއްގެ ނޮވެންބަރު މަހުގެ 1 ވަނަ ދުވަހުގެ ކުރިން އެ އަހަރުގެ ދައުލަތުގެ ބަޖެޓް ހުށަހަޅަންޖެހޭނެ ކަމަށް. އަދި ދާދިފަހުން ސްޕްރީމްކޯޓުން ނިންމި ހުކުމުގައިވެސް އެބަވޭ، އިއްޒަތްތެރި ވަޒީރު މަޖިލީހަށް ވަޑައި ނުގަންނަން ދެއްވާފައި އޮތް ލަފައަކީވެސް ހަގީގަތުގައި ގާނޫނާ ޚިލާފް ލަފައެއްކަމަށް. އެހެންވީމާ މިކަމަށް ގޮތެއް ނުނިންމާ އަޅުގަނޑު ގަބޫލެއް ނުކުރަން މިއަދުވެ ސެޝަން ކުރިއަށް ގެންދެވޭނެ ކަމަށް.

މެދު ހެންވޭރު ދާއިރާގެ މެންބަރު ޢަލީ އާޒިމް

އާޒިމްގެ އެވާހަކައައި ގުޅިގެން މަޖިލީހުގެ ރިޔާސަތުގައި އިންނެވި, މަޖިލީހުގެ ރައީސް މުހައްމަދު އަސްލަމް ވަނީ، އެންމެ ފުރަތަމަ އޮތީ މަޖިލީހުގެ ސަޕްލިމެންޓްރީ ބަޖެޓުގެ މަސައްކަތް ކަމަށް ވިދާޅުވެ އެ މަސައްކަތް ކުރިއަށް ގެންދިޔުމަށް މަސައްކަތް ކުރައްވާފައެވެ.

އެއާއެކު މަޖިލީހުގެ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ވަނީ ނިޒާމީ ނުކުތާއެއް ނަންގަވައި، ސަޕްލިމެންޓްރީ ބަޖެޓަށް ވުރެ މާ "ސީރިއަސް މައްސަލައެއް" އުޅޭ ކަމަށް ވިދާޅުވެފައެވެ.

"ފިނޭންސް މިނިސްޓަރު މުޅި މަޖިލީހުގެ އިމްތިޔާޒަށް އަރާވަޑައިގެންފައިވާ ކަމަށް އަޅުގަނޑު ދެކެން. ސަބަބަކީ ގާނޫނުން ލާޒިމް ކުރާ ތާރީހުގައި ރައްޔިތުންގެ މަޖިލީހަށް ވަޑައިގެންނެވުމަށް ދަންނަވާފައި ވަނިކޮށް ގަސްތުގައި މަޖިލީހަށް ވަޑައިގެންފައި ނުވާތީ، އެއީ މުޅި މަޖިލީހުގެ އިމްތިޔާޒަށް އަރާ ވަޑައިގެންނެވުން ކަމަށް އަޅުގަނޑު ދެކެން."

މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ

އިންތިގެ ވާހަކައާއި ގުޅިގެން އަސްލަމް ވަނީ އިމްތިޔާޒަށް އަރާވަޑައިގެންފައިވާ ކަމަށް ބެލެވޭނެނަމަ، އެކަމަށް ޚާއްސަ ކޮމިޓީއަށް މައްސަލަ ހުށަހެޅުމަށް އެދިވަޑައިގަންނަވާފައެވެ.

އިންތިގެ ވާހަކައަށްފަހު މަޖިލީހުގެ ނާއިބު ރައީސާ ގަލޮޅު އުތުރު ދާއީރާގެ މެންބަރު އީވާ އަބްދުالله ވެސް ވަނީ އަމީރު އިންނެވީ ސްޕްރީމްކޯޓްގެ ގަވާއިދާ ޚިލާފް ވެވަޑައިގެން ކަމަށާ އަދި ހަމަ އެހެންމެ މުޅި މަޖިލީހުގެ އިމްތިޔާޒަށްވެސް އަރާވަޑައިގެން ކަމަށް ވިދާޅުވެފައެވެ. އެހެންކަމުން އެ މައްސަލަ ބަލަންޖެހޭނޭ ކަމަށް އީވާ ވިދާޅުވި އެވެ.

ނަމަވެސް އީވާގެ ވާހަކައަކީވެސް ނިޒާމާއި ގުޅޭ މައްސަލައެއް ނޫންކަމަށް ވިދާޅުވެ އަސްލަމް ވަނީ، ބަޖެޓް ހުށަހެޅުމަށް އަމީރަށް ފުރުސަތު ދެއްވާފައެވެ.

އެފުރުސަތު އަމީރަށް ނުދެއްވައި މަޖިލީހުގެ ކުރީގެ ރައީސް އަދި، މައްޗަންގޮޅި މެދު ދާއިރާގެ މެންބަރު މުހައްމަދު ނަޝީދު ވަނީ އަނެއްކާވެސް ނިޒާމީ ނުކުތާ ނަންގަވާފައެވެ.

"މާލީ ވަޒީރު މިތަނަށް ވަޑައިގެން އެ އިންނެވީ، ކުށުގެ ތުހުމަތުގައި އިންނަވައިގެން. މި މަޖިލީހަށް ބަޖެޓް ހުށަހެޅުމަށް މާލިއްޔަތު ގާނޫނު ވަރަށް ސާފުކޮށް ބަޔާން ކުރޭ އެކަން ކުރަންވީ މުއްދަތު. ސިޔާސީ ބޭނުމަށް އެބޭފުޅުން މިތަނުގައި އެކަން އަނބުރަމުން އެ ގެންދަވަނީ. ދިވެހި ދައުލަތުގެ ނިޒާމް ގެއްލުވާލައިގެން ނުވާނެ. މާލީ ވަޒީރު މިވަގުތު ޝަރީއަތަށް ފޮނުވުން އެއީ މިވަގުތު އަޅުގަނޑުމެން ކުރަން އޮތް އެންމެ މުހިންމު މަސައްކަތް. މީ ނިޒާމީ ނުކުތާއެއް. މިއީ މުޅި ރައްޔިތުންގެ މަޖިލީހުގައި އޮތް އެންމެ މުހިންމު ނިޒާމީ ނުކުތާ. މާލީ ވަޒީރަކަށް މަޖިލީހަކަށް ގޮމެއް ނުޖެހޭނެ"

މައްޗަންގޮޅި މެދު ދާއިރާގެ މެންބަރު މުހައްމަދު ނަޝީދު

ނަޝީދުގެ ވާހަކަ އެއާއެކު ވެސް އަސްލަމް ވަނީ އެވާހަކައަށް ރައްދު ދެއްވުމަށްފަހު، ސަޕްލިމެންޓްރީ ބަޖެޓް ހުށަހެޅުމުގެ މަސައްކަތް ފެއްޓެވުމަށް އަމީރަށް ފުރުސަތު ދެއްވާފައެވެ. ނަމަވެސް ބަޖެޓް ހުށަހަޅުއްވަން އަމީރު ފެއްޓެވުމުން ޑިމޮކްރެޓްސް ގެ މެންބަރުން ވަނީ މަޖިލީހުގައި އަޑު ގަދަ ކުރައްވަން ފަށްޓަވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.