މިސްކިތްތަކަށް ކުރާ ޚަރަދު ތިން ގުނަ އިތުރު ކުރެއްވުމަށް ރައީސް މުޢިއްޒު ވެވަޑައިގެންނެވި ވަޢުދު ފުއްދަވައިފި!
މިސްކިތްތަކުގެ އާބާތުރަ ފިލުވައި ރީތިކޮށް ބެލެހެއްޓުމަށް ޓަކައި ކޮންމެ އަހަރަކު ދައުލަތުގެ ބަޖެޓުން ކުރެވޭ ޚަރަދު މިހާރަށްވުރެ ތިންގުނައަށް އިތުރުކުރެއްވުމަށް ރައީސް ޑރ. މުހައްމަދު މުޢިއްޒު ވެ ވަޑައިގެންނެވި ވައުދު ފުއްދަވައިފިއެވެ.
މިކަން އިޢުލާން ކުރައްވައި އިސްލާމީ ކަންތައްތަކާ ބެހޭ ވުޒާރާގެ ވަޒީރު ޑރ މުހައްމަދު ޝަހީމް ޢަލީ ސަޢީދު ވިދާޅުވީ މިސްކިތްތަކަށް ކުރާ ޚަރަދު ތިން ގުނަ އިތުރު ކުރައްވައި، މިހާރުވަނީ އެކަމަށް 15 މިލިއަން ހަމަޖައްސަވައިދެއްވާފައި ކަމަށެވެ.
މިސްކިތްތަކަށް ދައުލަތުން ކަނޑައަޅާ ބަޖެޓް ކުޑަވެ، މިސްކިތް މަރާމާތު ކުރުމަށް ބޭނުންވާ ފައިސާ ނުލިބޭ މައްސަލަ އަކީ އަބަދުވެސް ދިމާވާ ކަމެކެވެ. އެގޮތުން، މިސްކިތްތައް ޒީނަތްތެރި ކުރުމާއި މަރާމާތުކުރުން ފަދަ ކަންކަން އާއްމުކޮށް ކޮށް އުޅެނީ އާއްމުންގެ އެހީގައެވެ.
އެ މައްސަލަ ހައްލުކޮށް މިސްކިތްތަކުގެ ޙާލަތު މެދުނުކެނޑި ދެނެގަނެވޭނެ ނިޒާމެއް ޤާއިމުކޮށް، މިސްކިތްތައް އާބާތުރަ ފިލުވައި، ރީތިކޮށް ބެލެހެއްޓުމަށްޓަކައި ކޮންމެ އަހަރެއްގެ ބަޖެޓުން އެކަމަށް ކުރެވޭ ޚަރަދު މިހާރަށްވުރެ ތިންގުނައަށް އިތުރުކުރުމަކީ ރައީސް މުޢިއްޒުގެ ރިޔާސީ ވަޢުދުފުޅެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
