އިދިކީލަ ވިސްނުމުގެ ބަޔަކު ތިބެއްޖެނަމަ ތަރައްޤީގެ ކަންކަން ލަސްވުން ނޫންކަމެއް ނުވާނެ: އާދަމް ޝަރީފް

ސަރުކާރާ އިދިކީލަ ވިސްނުމުގެ ބަޔަކު ތިބެއްޖެނަމަ ތަރައްޤީގެ ކަންކަން ލަސްވުން ނޫންކަމެއް ނުވާނޭކަމަށް ލޯކަލް ގަވަރނަންސް މިނިސްޓަރު އާދަމް ޝަރީފް ވިދާޅުވެއްޖެއެވެ.

ކޮންގްރެސް ޕާޓީން މިރޭ ބޭއްވި ހެންވޭރު އުތުރު ދާއިރާގެ ކެމްޕެއިން ޖަގަހަ ހުޅުވުމުގެ ހަފްލާގައި ވާހަކަދައްކަވަމުން އާދަމް ޝަރީފް ވިދާޅުވީ، ޕީއެންސީން މަސައްކަތްކުރަނީ، ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ތަސައްވަރާ އެއްގޮތަށް ތަރައްޤީގެ ކަންކަން ހާސިލްކުރުމަށް ކަމަށެވެ. މިނިސްޓަރު ވިދާޅުވީ، ޕީއެންސީން މަސައްކަތްކުރަނީ ސަރުކާރުން ރައްޔިތުންގެ މަންފާއަށްޓަކައި ކުރުމަށް ރާވާފައިވާ ތަރައްޤީގެ ކަންކަން އަވަހަށް ގެނެސްދިނުމަށް ކަމަށާއި، މިގޮތުން ކުރިއަށްއޮތް ލޯކަލް ކައުންސިލް އިންތިހާބުގައި ޕީއެންސީއަށް ބޭނުންވަނީ ސަރުކާރު ވިސްނުމާ އެއްގޮތަށް މަސައްކަތް ކޮށްދޭނޭ މަދަދުގާރުންކަމަށެވެ.

އެގޮތުން އެ ވިސްނުމާ އިދިކީލަ ބަޔަކު ތިބެއްޖެނަމަ ސަރުކާރުން ހުށަހަޅާފައިވާ ތަރައްޤީގެ ކަންކަން އައުން މަޑުޖެހިގެންދާނޭކަމަށް މިނިސްޓަރުގެ ވާހަކަފުޅުގައި ފާހަގަކުރެއްވިއެވެ.

ރައީސުލްޖުމްހޫރިއްޔާގެ ތަސައްވުރެއް އޮވެގެން ރައްޔިތުންނަށް ބޭނުންވާ ވަރަށް ހާއްސަ މަގުސަދުތަކެއް ހާސިލްކުރުމަށްޓަކައި ކުރަންހުރި ކަންތައްތަކެއް ބޮޑު ފޮތެއްގެ ސިފައިގައި ލިޔުއްވައިގެން ނުކުންނެވި ހަމައެކަނި ވެރިއަކީ ރައީސް ޑރ. މުޙައްމަދު މުއިއްޒު ކަމަށްވެފައި އެމަނިކުފާނުގެ ލީޑަރޝިޕްގައި ޕާޓީ ނުކުމެ މި ކުރަން އުޅޭ މަސައްކަތަކީ ގައުމު ކުރިއަށް ގެންދިއުމުގައި ރައްޔިތުންނަށް ބޭނުންވާ ހިދުމަތްތައް އަވަހަށް ފޯރުކޮށްދިނުމަށްޓަކައި މަސައްކަތް ކުރާނެ އިތުރު މަދަދުގާރުންތަކެއް ހޯދުމުގެ މަސައްކަތް

މިނިސްޓަރުއާދަމް ސަރީފް

ދިވެހިރާއްޖޭގައި މިވަގުތު އޮތް އެންމެ ހަރުދަނާ ސިޔާސީ ޕާޓީއަކީ، އަދި މިވަގުތު ރާއްޖޭގެ ރައްޔިތުންގެ މަސްލަހަތަށްޓަކައި، ގައުމުގެ ހަމަޖެހުމަށްޓަކައި، ތަރައްގީއަށްޓަކައި، އަދި ހަމަހަމަކަން ގާއިމު ކުރުމަށްޓަކައި މަސައްކަތްކުރާ ޕާޓީއަކީ ޕީއެންސީކަން ފާހަގަކުރައްވަމުން މިނިސްޓަރު ވިދާޅުވީ ކުރިއަށްއޮތް ލޯކަލް ކައުންސިލް އިންތިހާބުގައި ދޫންޏަށް ވޯޓުދޭންވީ އެ ސަބަބަށްޓަކައި ކަމަށެވެ.

މިރޭގެ ހަފްލާގައިވަނީ ޕީއެންސީ ހެންވޭރު އުތުރު ދާއިރާގެ ކެމްޕެއިން ޖަގަހަ ހުޅުވާފައެވެ. މި ޖަގަހަ ހުޅުވައިދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދެވެ. މި ހަފްލާގައި ޕީއެންސީގެ ފަރާތުން މާލޭ މޭޔަރު ކެނޑިޑޭޓާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސްކަމަށް ވާދަކުރައްވާ ކެނޑިޑޭޓުގެ އިތުރުން އެ ދާއިރާއަށް ކުރިމަތިލާ ކެނޑިޑޭޓުންގެ އިތުރުން ޕާޓީ މެމްބަރުންނާއި ދާއިރާއަށް ނިސްބަތްވާ ރައްޔިތުން ބައިވެރިވިއެވެ.