ރައީސް ޞާލިޙް މުއްޔަށް ވަޑައިގެންފި
ރައީސް އިބްރާހިމް މުޙައްމަދު ޞާލިޙް މ މުއްޔަށް ވަޑައިގެންފިއެވެ.
އެމަނިކުފާނު މ.އަތޮޅަށް ކުރައްވަމުން ގެންދަވާ ކެމްޕޭނު ދަތުރުފުޅުގައި މިއަދު މ އަތޮޅުގެ 4 ރަށަކަށް ވަޑައިގަންނަވާގޮތައް އޮތީ ހަމަޖެހިފައެވެ. އެގޮތުން އެންމެ ފުރަތަމަ އެމަނިކުފާނު ވަޑައިގަތީ މ ކޮޅުފުއްޓަށެވެ.
ކޮޅުފުއްޓަށް ވަޑައިގެން އެރަށުގައި ނިމިފައިހުރި ތަރައްޤީޤެ މަޝްރޫޢުތައް ވަނީ އިފްތިތާޙު ކޮށްދެއްވާފައެވެ. އެގޮތުން ކޮޅުފުށީ ފެނުގެ ނިޒާމް އިފްތިތާޙް ކޮށްދެއްވައިފައެވެ. އަދި އެރަށު ގޮނޑުދޮށް ހިމާޔަތްކުރުމުގެ މަސައްކަތް ނިމުންވެސް ވަނީ ފާހަގަ ކުރައްވައިފައެވެ.
މީގެ އިތުރުން މ. އަތޮޅު މަދަރުސާގެ މަލްޓި ޕާޕޯސް ހޯލާއި އާ އަށް ކްލާސް ރޫމްގެ އިމާރާތް ހުޅުއްވައިދެއްވައިފައިވެއެވެ. ކޮޅުފުއްޓަށްފަހު އެމަނިކުފާނާއި އެމަނިކުފާނުގެ ޓީމު ދެން ވަޑައިގަތީ މ ނާލާފުއްޓަށެވެ. މ. އަތޮޅަށް މިއަދު ފެއްޓެވި ކެމްޕޭން ދަތުރުފުޅު ނިންމަވާލެއްވުމަށް ފަހު ރިޔާސީ އިންތިޚާބުގެ ކެމްޕޭންގައި ރައީސް ޞާލިހު ދެން ވަޑައިގަންނަވާނީ ވ. އަތޮޅަށެވެ.
ވ. އަތޮޅަށް ރައީސް ކުރައްވާ ދަތުރުފުޅުގައި ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގަތުމަށް ވަނީ ހަމަޖެހިފަ އެވެ.
ރައީސް އިންތިޚާބުގެ ކެމްޕޭންގައި ރައީސް ޞާލިޙް މިދިޔަ ހަފްތާގައި ވަނީ ށ. އަދި ކ. އަތޮޅުގެ ބައެއް ރަށްރަށަށް ވަޑައިގެންފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
