ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ރަސްމިއްޔާތުގައި ވާހަކަފުޅު ދައްކަވަނީ---ފޮޓޯ: އެމްޑީޕީ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ރަސްމިއްޔާތުގައި ވާހަކަފުޅު ދައްކަވަނީ---ފޮޓޯ: އެމްޑީޕީ
ހަބަރު 15 Jul 2023 | 23:37

މިފްކޯއަށް ގެންނަ މަސް ކަލެކްޓިންގ 3 ބޯޓުގެ ތެރެއިން 1 ބޯޓު ބާއްވާނީ މި ސަރަހައްދުގައި: ރައީސް ޞާލިހު

މިފްކޯއަށް އަލަށް ގެންނަ މަސް ކަލެކްޓިންގ 3 ބޯޓުގެ ތެރެއިން 1 ބޯޓު ބާއްވާނީ މ. މުލަކުގެ މަސްވެރިންނަށްޓަކައި އެ ސަރަހައްދުގައި ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.

ރައީސް ޞާލިހު މިފަދައިން ވިދާޅުވެފައިވަނީ އެމަނިކުފާނުގެ ކެމްޕެއިންއަށް އެރަށަށް ވަޑައިގެން މިރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

އެގޮތުން ރައީސް ޞާލިހު ވިދާޅުވީ ރާއްޖޭގެ ތަރައްގީއަށްޓަކައި އެކި ރަށްރަށުގައި ގިނަ މަޝްރޫއުތަކެއް ސަރުކާރުން ހިންގާ ކަމަށާއި މުލަކުގައިވެސް މިފަދަ މަޝްރޫއުތަކުގެ ވައުދުތަކެއް ވެފައިވާ ކަމަށެވެ.

މީގެ ތެރެއިން ގިނަ މަޝްރޫއުތަކުގެ މަސައްކަތްތައް އަދިވެސް ކުރެވެމުންދާ ކަމަށާއި ބައެއް މަސައްކަތްތައް ރައްޔިތުން އެދޭ ބާރު ސްޕީޑުގައި ނުދާކަން އެމަނިކުފާނު ގަބޫލްކުރައްވާ ކަމަށް ރައީސް ޞާލިހު ވަނީ ފާހަގަކުރައްވާފައެވެ.

އަދި މިހެން ހުރި މަޝްރޫއުތައް ދެނެގަނެ އެ މަޝްރޫއުތައް ހަލުވިކަމާއިއެކު ކުރިއަށް ގެންދިއުމަށްޓަކައި އަޅަންޖެހޭ ފިޔަވަޅުތައް މިހާރު އަޅަމުންދާ ކަމަށްވެސް ރައީސް ޞާލިހު ވަނީ ފާހަގަކުރައްވާފައެވެ.

"އެގޮތުން މިރަށުގެ މަގުތައް ހެދުމާއި، ބަނދަރު ބޮޑުކުރުމާ އެހެންގޮސްް މިރަށަށް އަޅުގަނޑުމެން ވެފައިހުރި ވައުދުތަކުގެ ތެރެއިން މިހާރު މަޑުޖެހިފަ ހުރި މަސައްްކަތްތައް ހަލުވިކޮށް ކުރިއަށް ގެންދިޔުމަށްޓަކައި، ގިނަ ރޭވުންތަކެއް ރާވައިގެން އަލުގަނޑުމެން ކުރިއަށް އެބަ ގެންދަވަން."

ރައީސް ޞާލިހު ވިދާޅުވިއެވެ.

މިއާއިއެކު މެދުރާއްޖެތެރޭގައި މުލަކަކީ މަސްވެރި ރަށެއް ކަމަށް ފާހަގަކުރައްވާ ރައީސް ޞާލިހު ވިދާޅުވީ އެރަށުގެ މަސްވެރިންގެ އެދުމާއި އެއްގޮތަށް މިފްކޯގެ މަސް ކަލެކްޓިންގ ސެންޓަރެއް ހަދަން ވިސްްނައި އެ މަސައްކަތް ފެށިގެން މިހާރު ކުރިއަށްދާ ކަމަށެވެ.

އެގޮތުން ރަށުގެ ބަނދަރު ގާތްގަނޑަކަށް ނިމުމަކާއި ހަމައަށް ގޮސްފައިވާއިރު އިތުރު ވަސީލަތްތައް ތަރައްގީ ކުރުމުގެ މަސައްކަތްވެސް ކުރިއަށްދާ ކަމަށް ރައީސް ޞާލިހު ވިދާޅުވިއެވެ.

"ދެން އޮތީ ފްރީޒިންގ ކެޕޭސިޓީއާ ކޯލްޑް ސްޓޯރޭޖް ގާއިމްކުރުން. އިރާދަކުރެއްވިއްޔާ އެކަންވެސް މިވަނީ މިހާރު ޓެންޑަރ ކުރެވިފަ. ކުރިއަށް އޮތް ތަނުގައި ލަސްތަކެއް ނުވެ އެ މަސައްކަތްތަކުގެ އަމަލީ މަސައްކަތް ފެށޭވަރު އިރާދަކުރެއްވިއްޔާ އަޅުގަނޑުމެން ކުރާނަން. އަދި އެކަން ނިމެންދެން އިރާދަކުރެއްވިއްޔާ މަސްވެރިން އެ އެދުނު ގޮތަށް، މި ސަރަހައްދުން މަސް ގަނެވޭނެ، ކަލެކްޓިންގ ވެސަލްއެއް މިތާ ބޭއްވުމުގެ މަސައްކަތް އަޅުގަނޑު ފަށާނަން. މިފްކޯއަށް އަލަށް އެ ގެންނަ 3 ބޯޓުގެ ތެރޭން އިރާދަކުރެއްވިއްޔާ 1 ބޯޓު އަޅުގަނޑުމެން ބާއްވާނީ މި ސަރަހައްދުގަ."

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު

މީގެ އިތުރުންވެސް ރައްޔިތުން އެދޭ ފަދައިން އޭޓީއެމްގެ ޚިދުމަތް ދިނުމަށްޓަކައި އެންމެ އަވަހަށް އޭޓީއެމް ބަހައްޓާ ރަށްތަކުގެ ތެރޭގައި މުލައް ހިމެނިފައި އޮތް ކަމަށް ރައީސް ޞާލިހު ވިދާޅުވިއެވެ.

އެގޮތުން މިއަހަރުގެ ތެރޭގައި އޭޓީއެމްގެ ޚިދުމަތް ލިބޭ ގޮތް ހަމަޖައްސަވައި ދެއްވާނެ ކަމަށް އެމަނިކުފާނު ވިދާޅުވިއެވެ.

މިއާއިއެކު މިހާރު މުލަކު މަގު ހެދުމުގެ މަސައްކަތް ކުރިއަށް ދާއިރު، މީގެ އިތުރުން މުލަކުގައި ނުހަދާ ހުރި މަގުތައްވެސް ހިމަނައިގެން މުޅި ރަށުގެ ހުރިހާ މަގުތަކެއްވެސް ހެދުމަށް ރާވާފައިވަކަން ރައީސް ޞާލިހު ފާހަގަކުރެއްވިއެވެ.

އަދި އެމްޑީޕީގެ މެނިފެސްޓޯގަ މުލަކާއި، މުލީގެ ބޯހިޔާވަހިކަމުގެ ތަސައްވުރެއް އެބައޮތް ކަމަށާއި، ބޯހިޔާވަހިކަމަށް ހެޔޮ ބަދަލެއް ގެނެސްދެއްވާނެ ކަމަށް އެމަނިކުފާނު ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.