ގިސާސް ހިފަން އަންގަވާފައިވާ އާޔަތް ސަރުކާރަށް ފެންނާނެ ދުވަހެއް އައްނާނެ ބާ؟: މެންބަރު ނަޝީދު
ބަޤަރާ ސޫރަތުގެ 178 ވަނަ އާޔަތުގައި ގިޞާޞް ހިފަން އަންގަވާފައިވާއިރު އެ އާޔަތް ދިވެހި ސަރުކާރަށް ފެންނާނެ ދުވަހެއް އައްނާނެތޯ ނޮޅިވަރަމް ދާއިރާގެ މެންބަރު މުޙައްމަދު ނަޝީދު (މޮސްޓާ) ސުވާލު އުފައްދަވައިފިއެވެ.
ސަޢޫދީ ޢަރަބިއްޔާގައި ކީރިތި ރަސޫލާ ޞޢވ އަށް ފުރައްސާރަކުރި އެތީސްޓަކު މަރަން ޙުކުމްކުރި ޚަބަރަކާ ގުޅިގެން ކުރެއްވި ޓުވީޓެއްގައި މޮސްޓާ ވިދާޅުވީ، ޙަރާމް ކަންތަކާއި، ޚިލާފު އުފެދިފައިވާ ކަމެއްނަމަ ވަރަށް ފޯރީގައި ސައުދީ ގައި ވެސް ކުރިއޭ ބުނެ އެކަމެއް ކުރާ ކަމަށެވެ. ވީއިރު، ސަޢޫދީގައިވެސް ކުރާތީއޭ ކިޔާފައި ކީރިތި ރަސޫލާއަށް ފުރައްސާރަކުރާ މީހުންނަށް މަރުގެ ޙުކުމްކުރަން ވީނޫންތޯ ވެސް މޮސްޓާ ސުވާލު ކުރެއްވިއެވެ.
”ސަޢޫދީ ޢަރަބިއްޔާގައި ވެސް ކުރާތީއޭ ކިޔާފަ މިކަން (ރަސޫލާ ޞޢވ އަށް ފުރައްސާރަ ކުރާ މީހުން މަރަން ހުކުމް) ކޮށްލަން ވީނު. ޙަރާމް ކަންތަކާއި، ޚިލާފު އުފެދިފައިވާ ކަމެއްނަމަ ވަރަށް ފޯރީގައި ސައުދީ ގައި ވެސް ކުރިއޭ ބުނެ އެބަކުރޭ“
މެންބަރު މުހައްމަދު ނަޝީދު (މޮސްޓާ)
މިއާއެކު މޮސްޓާ ވަނީ، ބަގަރާ ސޫރަތުގެ 178 ވަނަ އާޔަތުގައި މަރަށް މަރު ހިފަން އަންގަވާފައިވާ އެންގެވުން ދިވެހި ސަރުކާރަށް ފެންނާނެ ދުވަހަކާއިމެދު ސުވާލު ކުރައްވާފައެވެ.
ދިވެހިރާއްޖެ އަކީ ސައްތައިން ސައްތަ މުސްލިމުން ދިރިއުޅޭ ގައުމެއް ކަމަށާ، މިގައުމުގައި ހިނގާނީ އިސްލާމީ ޝަރީޢަތް ކަމަށް ގާނޫނު އަސާސީގައިވެސް ލިޔެވިފައިވާ އިރު، އެކަން ތަންފީޒުވާ ތަނެއް މިހާތަނަށްވެސް ފެނިފައެއް ނުވެއެވެ. ރާއްޖޭގައި މީހުން މަރާ މީހުން މެރުމަށް ކޯޓު ތަކުން ހުކުމް ކުރާއިރު، އެކަން ތަންފީޒުކުރެވޭ ތަނެއް ނުފެންނަކަމީ ދިވެހި ރައްޔިތުން ނުހަނު ކަންބޮޑުވާ ކަމެކެވެ..
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
