ޕްރެމިއާ ލީގަށް ބަދަލުވާން ޝައުގުވެރިކަމެއް ނެތް : ރޮޑްރީގޯ

ރެއާލް މެޑްރިޑަށް ކުޅެމުން އަންނަ ބްރެޒިލްގެ ޒުވާން ފޯވާޑް ރޮޑްރީގޯ ޕްރެމިއާ ލީގަށް ބަދަލުވާން އުޅޭކަމަށް ދެކެވޭ ވާހަކަތައް ދޮގުކޮށްފި އެވެ.

ރޮޑްރީގޯ އާއި ހަވާލާދީ މީޑިއާ ރިޕޯޓްތައް ބުނާގޮތުގައި ޕްރެމިއާ ލީގާއި މެދު އޭނާގެ އެއްވެސް ޝައުގުވެރިކަމެއް ނެތެވެ. "އަހަންނަށް ސައުދީ ލީގުން އެއްވެސް ހުށަހެޅުމެއް ލިބިފައެއް ނެތް"، އަދި ތެދަށް ބުނަންޏާ ޕްރެމިއާ މެދު އަހަރެންގެ އެއްވެސް ޝައުގުވެރިކަމެއް ނެތެވެ.

"އަހަރެން ބޭނުންވަނީ ރެއާލް މެޑްރިޑަށް ކުޅެން، އަދި މިކުލަބުގައި އަހަރެން މިހުރީ ވަރަށް އުފަލުން" ރޮޑްރީގޯ މީޑިއާއަށް ދިން އިންޓަވިއުއެއްގައި ބުނެފައިވެއެވެ.

2018 ވަނަ އަހަރު 45 މިލިއަން ޔޫރޯގެ ޓްރާންސްފާ ފީއެއްގައި ބްރެޒިލްގެ ސަންތޯސް އިން ރެއާލް މެޑްރިޑަށް ވަދަލުވި، އުމުރުން 22 އަހަރުގެ ފޯވާޑް އެކުލަބާއި އެކު ހަދާފައިވާ އެއްބަސްވުން ދާދިފަހުން ވަނީ 2028 ވަނަ އަހަރާއި ހަމައަށް އިތުރުކޮށްފައެވެ. އަދި މިސީޒަނުގައި ރޮޑްރީގޯ ވަނީ ރެއާލް މެޑްރިޑަށް ކުޅެދިން 17 މެޗުގައި ފަސް ލަނޑު ކާމިޔާބުކޮށްދިނުމުގެ އިތުރުން އިތުރު ހަތަރު ލަނޑު ޖެހުމަށް އެހީތެރިވެދީފައެވެ.