މުއިއްޒުގެ ހަފްތާ 14 ގެ 172 ވައުދު އިއުލާން ކޮށްފި
އިންތިހާބީ ރައީސް ޑރ. މުހައްމަދު މުއިއްޒުގެ ސަރުކާރުގެ ފުރަތަމަ 100 ދުވަހުގެ ޕްލޭން އިއުލާންކޮށްފި އެވެ.
މުއިއްޒު ސަރުކާރުގެ ފުރަތަމަ 100 ދުވަހު އިސްކަންދޭނެ ކަންކަމާއި ތަންފީޒުކުރާނެ ސިޔާސަތުތައް ހިމަނާފައިވާ މި ޕްލޭން ނެރެފައި ވަނީ ދަރުބާރުގޭގެ ރަންނަބަޑޭރި މާލަމުގައި ކުރިއަށްދާ ރަސްމިއްޔާތުގަ އެވެ.
މި ރަސްމިއްޔާތުގައި ވާހަކަ ދައްކަވަމުން ޑރ. މުއިއްޒުގެ ވިދާޅުވީ، އެމަނިކުފާނު ހުކުރު ދުވަހު ހުވާ ކުރެއްވުމުން ފެށިގެން އެ 14 ހަފްތާގެ ޕްލޭން އާއި، އެމަނިކުފާނުގެ ވައުދުތައް ފުއްދުމުގެ މަސައްކަތް ފަށްޓަވާނެ ކަމަށެވެ. އަދި އެމަނިކުފާނަކީ ބަހާއި އެއްގޮތަށް އަމަލުކުރައްވާނެކަމުގެ ބޭފުޅެއް ކަމަށާ ފުރަތަމަ 14 ހަފްތާގެ ތެރޭގައި ކުރުމަށް ކަނޑައެޅިފައިވާ މަސައްކަތްތައް އިއުލާނުކުރެއްވީވެސް އެ މަގުސަދުގައިކަމަށް ވިދާޅުވި އެވެ.
އަދި 14 ހަފްތާގެ ވަޢުދަކީ އެމަނިކުފާނުގެ މުޅި މެނިފެސްޓޯ ނޫން ކަމަށާޒ އެއީ އެމަނިކުފާނު ހަމައެކަނި ކުރާނެ މަސައްކަތްތައް ނޫންކަމަށް މުޢިއްޒު ވިދާޅުވިއެެވެ. އަދި އެމަނިކުފާނުގެ ސަރުކާރުގެ ވުޒާރާތަކުން ކުރާ ބުރަ މަސައްކަތްތަކުގެ ނަތީޖާއެއްގެ ގޮތުން 14 ހަފްތާގެ ވަޢުދުގައި ހިމެނޭ ކަންކަމަށްވުރެ ގިނަ ކަންކަން ވެސް ހާސިލްވެގެން ދާނެކަމަށް މުޢިއްޒު ވިދާޅުވިއެެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
