މިފަށަނީ ވަރަށް މުހިންމު ދަތުރެއް: ޑރ.މުއިއްޒު
ކުރިއަށް ފަށްޓަވަނީ ވަރަށް މުހިންމު ދަތުރެއް ކަމަށް އިންތިހާބީ ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.
މިފަދައިން އިންތިހާބީ ރައީސް ވިދާޅުވީ 14 ހަފްތާގެ 172 ވައުު ފޮތް އިފްތިތާހް ކުރުމުގެ ޖަލްސާގައި ވާހަކަފުޅު ދައްކަވަމުންނެވެ.
" ގައުމުގެ މިނިވަންކަން، ގައުމުގެ އިސްތިގުލާލު ސަލާމަތް ކުރުމުގެ ދަތުރު. އަޅުގަނޑުމެންގެ އިގްތިސާދު ނަގާ ކޮޅަށް ޖެހުމުގެ ދަތުރު. އަޅުގަނޑުމެންގެ އުމްރާނީ ތަރއްގީ މިހާރު ސޮއްސާލާފައި އޮތް ހިސާބުން ނަގައި އަޅުގަނޑުމެން އެދޭ ހިސާބަށް ގެންދިއުމުގެ ދަތުރު." ޑރ.މުއިއްޒު ވިދާޅުވިއެވެ.
މީގެ އިތުރުންވެސް އިންތިހާބީ ރައީސް ޑރ.މުއިއްޒު ވިދާޅުވީ ދިވެހީންގެ ތެރެއިން ގެއްލިފައިވާ ރީތި އާދަތައް ގެނެސް އެކަކު އަނެކަކަށް އުފަލާއި އެކީގައި އާދަ ތަކާއި އެކީގައި އުޅެން ކެރޭ އުޅޭ ދުވަސް ތަކެއް އެމަނިކުފާނުގެ ވެރިކަމެއްގައި ދައްކުވައިދެއްވާނެ ކަމަށެވެ.
ހުކުރު ދުވަހު ރަސްމީ ކޮށް ސަރުކާރުގެ މަސައްކަތްތައް ފަށާ ހިސާބުން 14 ހަފްތާގެ 172 ވައުދުގެ އިތުރުން މުޅި މެނިފެސްޓޯ ވެގެން ރައްޔިތުންނާއި އެކީގައި ކަންކަން ހާސިލު ކުރުމަށް މަސައްކަތް ކުރައްވާނެ ކަމުގެ ޔަގީންކަން ޑރ.މުއިއްޒު ދިވެހި ރައްޔިތުންނަށް އެރުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
