އިދިކޮޅުން މިރޭ ބޭއްވި ނޫސްވެރިންގެ ބައްދަލުވުމުގެ ތެރެއިން--ފޮޓޯ/ޕީޕީއެމް
އިދިކޮޅުން މިރޭ ބޭއްވި ނޫސްވެރިންގެ ބައްދަލުވުމުގެ ތެރެއިން--ފޮޓޯ/ޕީޕީއެމް
ހަބަރު 15 Dec 2022 | 22:38

"މަރު ކޮމިޝަނުން ކުރިން ބުނީ ރިޟްވާންގެ މައްސަލައާއި ރައީސް ޔާމީނާއި ގުޅުވޭނެ ހެއްކެއް ނެތްކަމަށް"

ގެއްލުވާލާފައިވާ ނޫސްވެރިޔާ އަހުމަދު ރިޟްވާންގެ މަރާއި ކުރީގެ ރައީސް ޔާމީން އަބްދުލްގައްޔޫމް އާއި ގުޅުވޭނެ އެއްވެސް ހެއްކެއް ލިބިފައި ނުވާކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އެންމެ ފުރަތަަމަ އެކުލަވައިލެއްވި މަރު ކޮމިޝަނުގެ ރައީސް ހުސްނުއްސުއޫދު ވިދާޅުވެފައިވާކަމަށް ޕީއެންސީގެ ރައީސް އަބްދުއްރަހީމް ވިދާޅުވެއްޖެެއެވެ.

މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުން މިއަދު ބޭއްވި ނޫސްވެރިންގެ ބައްދަލުވުމުގައި، ރައީސް ޔާމީނަށް ކުރި ތުހުމަތުތަކާއި ގުޅިގެން އިދިކޮޅުން މިރޭ ބޭއްވި ނޫސްވެރިންގެ ބައްދަލްވުމުގައި ވާހަކަ ދައްކަވަމުން ޕީއެންސީގެ ރައީސް އަބްދުއްރަހީމް (އަދުރޭ) ވިދާޅުވީ، މަރުކޮމިޝަނުން މިއަދު ހުށަހެޅި ރިޕޯޓަކީ އިދިކޮޅުން ގަބޫލުކުރާ ރިޕޯޓެއް ނޫން ކަމަށާ، އެއީ އެއްވެސް ހަގީގަތެއް އޭގައި ހިމެނޭ ރިޕޯޓެއް ނޫންކަމަށެވެ. އެއާއެކު އަދުރޭ ވިދާޅުވީ، ރިޟްވާން ގެއްލުވާލި މައްސަލައަކީ ރައީސް ޔާމީންގެ ވެރިކަމުގައި ބަލައި ނިންމާފައިވާ މައްސަލައެއް ކަމަށެވެ.

އަދި އެކަން އެގޮތަށް ކުރީ ސަރުކާރުން ކޮށްފައި ވަނިކޮށް، އަދުގެ ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ގެ މިސަރުކާރުން ވެސް އެ މައްސަލަ ތަހުގީގު ކުރުމަށްފަހު، ރިޕޯޓެއް ނެރުއްވައި އެ ރިޕޯޓާއި ގުޅިގެން ނޫސްވެރިންގެ ބައްދަލުވުމެއްވެސް ބާއްވާފައިވާ ކަމަށެވެ.

"އެއީ 1 ސެޕްޓެމްބަރު 2019 ގައި. އޭރުގެ އެ ކޮމިޝަންގެ ރައީސް، މިހާރު ސްޕްރީމްކޯޓުގެ ފަނޑިޔާރަކަށް ހުންނެވި ހުސްނުއްސުއޫދު އާއި، ނޫސްވެރިއަކު ސުވާލު ކުރެއްވި މި މައްސަލަ އާއި ރައީސް ޔާމީނާއި އެއްވެސް ގުޅުމެއްވޭތޯ؟ ނޫނީ ރައީސް ޔާމީނުގެ މައްޗަށް ދައުވާ ކުރައްވާނަންތޯ؟ (ހުސްނުއްސުއޫދު) ވިދާޅުވީ ރައީސް ޔާމީނާއި މި މައްސަލަ އާއި ގުޅުވޭނެ އެއްވެސް ހެއްކެއް ތިމަންނަމެންނަށް ލިބިފައެއް ނެތޭ."

ޕީއެންސީގެ ރައީސް އަބްދުއްރަހީމް (އަދުރޭ)

ހުސްނުއްސުއޫދު އެ ނޫސްވެރިންގެ ބައްދަލުވުމުގައި އެފަދައިން ވިދާޅުވި ވީޑިއޯވެސް އަދުރޭ ވަނީ ނޫސްވެރިންގެ ބައްދަލުވުމުގައި ދައްކަވާފައެވެ.

އެފަދައިން ކަން ނިމިފައި ވަނިކޮށް، 3 ފެބްރުއަރީ 2021 ގައި، ގަރާރެއް ނެރުއްވުމަށްފަހު ރައީސް ޞާލިހު ބޭނުންވާ ފަރާތްތަކެއް ހިމަނުއްވައިގެން އަލުން މަރުކޮމިޝަން އެކުލަވާލާފައިކަން އަދުރޭ ފާހަގަކުރެއްވިއެވެ.

އަދި، މިސަރުކާރުން ވެރިކަމަށް އަންނަންވެގެން އެންމެ އަޑު ހަރުކޮށް ދެއްކެވި ވާހަކައަކީ ރިޟުވާނާއި ޔާމީން ރަޝީދުގެ މަރުގެ ތަހުގީގު ކޮށް، ވެރިކަމަށް ހުވާކުރައްވާތާ 48 ގަޑިއިރު ތެރޭ އެކަން ރައްޔިތުންނަށް ހާމަކުރައްވާނެ ވާހަކަ ކަމަށާ، އެހެން ނަމަވެސް އެކަން ވީ އޭގެ ގާތްގަނޑަކަށް އެއް އަހަރު ފަހުން ކަމަށްވާއިރު, އެފަހަރުވެސް އެކަން ކުރެވުނީ ސަރުކާރުން ބޭނުންވާ ގޮތަށް ނޫން ކަމަށް އަދުރޭ ވިދާޅުވިއެވެ. އަދި ދެވަނަ ފަހަރަށް މަރުކޮމިޝަން އެކުލަވާލީވެސް އޭގެ ސަބަބުން ކަމަށް އޭނާ ވިދާޅުވިއެވެ.

"މިއީ ސިޔާސީ ކޮމިޝަނެއް. މި ކޮމިޝަނުން މި ދައްކާ ވާހަކަތަކަކީ ސިޔާސީ ވާހަކަތަކެއް. އެނގިވަޑައިގަންނަވާނެ މިއަދު މި ވާހަކަދެއްކެވި މިސްބާހުއަކީ ފެށުނީއްސުރެ ޒާތީ ގޮތުން ރައީސް ޔާމީނާއި ޖައްސާލާފައި ހުންނަ ބޭފުޅެއް. ރައީސް ޔާމީނަށް ގޯނާ ކުރުމާއި ދުއްތުރާ ކުރުމާއި، ރައީސް ޔާމީންގެ އަބުރު ކަތިލުމާ، މިހުރިހާ ކަމެއްގައި އަރާހުރި ބޭފުޅެއް މިނާއަކީ."

ޕީއެންސީގެ ރައީސް އަބްދުއްރަހީމް (އަދުރޭ)

އަދުރޭ ވިދާޅުވީ، މަރުކޮމިޝަން މިއަދު އެފަދަ ރިޕޯޓެއް ތައްޔާރުކޮށް ހުށަހަޅާފައިވަނީ މައިގަނޑު ތިން ސަބަބަކާއި ހުރެ ކަމަށެވެ.

"އެއްކަމަކީ، ރައީސް ޔާމީން އަކީ ޕީޕީއެމް/ޕީއެންސީގެ ރިޔާސީ ކެންޑިޑޭޓް. އަދި އޭގެ އިތުރަށް އެއީ ދިވެހި ރައްޔިތުންގެ ރިޔާސީ ކެންޑިޑޭޓް. އެހެންވީމާ އެމަނިކުފާނުގެ އަބުރު ކަތިލުން އެއީ އެއް ބޭނުން. އަނެއް ބޭނުމަކީ މި ސަރުކާރަށް ތާއީދެއް ނެތްކަން ޔަގީންވެ، މި ސަރުކާރަށް ރައްޔިތުން އިތުބާރު ނުކުރާކަން އެނގި، ދެވަނަ ދައުރެއް ނުލިބޭނެ ކަން ޔަގީންވީމާ ދެން އަނެއްކާވެސް ކުރެވުނު ގޮތަކުން ރައީސް ޔާމީނަށް ދުއްތުރާ ކުރުން. ހަމައެއާއެކީގައި ރައީސް ޔާމީންގެ ޝަރީއަތެއް މިހާރު ކްރިމިނަލް ކޯޓުގައި ހިނގަމުން އެބަދޭ. އެއަށް ޕްރެޝަރު ކުރުންވެސް މިއީ މިއަދުގެ ނޫސް ކޮންފަރެންސްއެއް ބާއްވާ ވާހަކަ ދެއްކުމުގެ މައިގަނޑު އެއް ސަބަބު ކަމަށް އަޅުގަނޑު މެން ގަބޫލުކުރަނީ." އަދުރޭ ވިދާޅުވިއެވެ.

އެހެންކަމުން މި މައްސަލާގައި މިސްބާހުގެ މައްޗަށް ދައުވާކުރުމަށް ނިންމަވާފައިވާ ކަމަށްވެސް އަދުރޭ ވަނީ ވިދާޅުވެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އާރަށް މައްސަލަ: ރައީސް ޔާމީންގެ ފަރާތުން އިސްތިއުނާފް ކުރެއްވި މައްސަލަ ބަލައިނުގަތުމަށް ހައިކޯޓުން ނިންމައިފި
02 Nov 2026 ހަބަރު

އާރަށް މައްސަލަ: ރައީސް ޔާމީންގެ ފަރާތުން އިސްތިއުނާފް ކުރެއްވި މައްސަލަ ބަލައިނުގަތުމަށް ހައިކޯޓުން ނިންމައިފި

ވ. އާރަށް ކުއްޔަށް ދިނުމުގެ މުއާމަލާތާ ގުޅިގެން ކުރީގެ ރައީސް ޢަބްދުالله ޔާމީން ޢަބްދުލްޤައްޔޫމްގެ މައްޗަށް ދައުލަތުން އުފުލާފައިވާ ދައުވާގައި، ހެކީގެ ގޮތުގައި ހުށަހަޅާފައިވާ ފޯން ކޯލް ރެކޯޑިންތައް ބަލައިގަތުމަށް ކްރިމިނަލް ކޯޓުން ނިންމި ނިންމުން އިސްތިއުނާފު ކުރުމަށް އެމަނިކުފާނުގެ ފަރާތްޕުޅުން ހުށަހެޅި މައްސަލަ ހައިކޯޓުން ބޭރުކޮށްލައިފިއެވެ.