ބޮޑާ ހާކާ މީހުން ދޫކޮށް މެމްބަރުންގެ ނިންމުމާ އެއްގޮތަށް ޕާޓީ ކުރިއަށް ދާނެކަން ހާމަވެއްޖެ: މޫކޭ
ބޮޑާ ހާކާ މީހުން ދޫކޮށް މެންބަރުންގެ ނިންމުމާ އެއްގޮތަށް ޕާޓީ ދާނީ ކުރިއަށްކަން ހާމަވެއްޖެ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) މެނޭޖިން ޑިރެކްޓަރު މޫސާ އަލި މަނިކު (މޫކޭ) ވިދާޅުވެއްޖެ އެވެ.
މޫކޭ މިހެން ވިދާޅުވީ، އިއްޔެ ކުރިއަށްދިޔަ ކ. ގުރައިދޫ ދާއިރާގެ ބައި އިލެކްޝަން އެމްޑީޕީގެ ކެނޑިޑޭޓް ކާމިޔާބު ކުރުމާ ގުޅިގެންނެވެ.
ގިނަ ދުވަސްތަކެއް ވަންދެން ޕީޕީއެމުން ތަމްސީލު ކުރަމުންދިޔަ މަޖިލީހުގެ ގުރައިދޫ ދާއިރާގެ ގޮނޑި ފަސޭހަކަމާއެކު ކާމިޔާބު ކޮށްފައި ވަނީ ސަރުކާރު ހިންގާ މައި ޕާޓީ އެމްޑީޕީގެ ކެނޑިޑޭޓު މުޙައްމަދު ޝާޒު އެވެ.
އެކަމާ ގުޅިގެން މޫކޭ ވިދާޅުވީ އެމްޑީޕީ އަކީ މީހެއް ނޫންކަމާއި ބޮޑާ ހާކާ މީހުން ދޫކޮށްލާފަ އެމްޑީޕީ ގެ އާންމު މެމްބަރުންގެ ނިންމުމާ އެއްގޮތަށް ޕާޓީ އާއި އެކު އެންމެން ދާނީ ކުރިއަށް ކަން އެނގިގެން ހިނގައްޖެ ކަމަށެވެ.
"އެންމެނާއި ދެކޮޅަށް ހޯދި ތާރީޚީ ބޮޑު ކާމިޔާބީ އަށް ހޫނު މަރުޙަބާ އެއް. މަރުޙަބާ އެމްޑީޕީ." މޫކޭ ވިދާޅުވިއެވެ.
މިހާތަނަށް އެ އިންތިޚާބުގައި ބަހައްޓާފައިވާ ވޯޓު ފޮށިތަކުގެ ނަތީޖާތަކަށް ބަލައި، ޝާޒު އިންތިޚާބު ކާމިޔާބުކޮށްފައިވާކަން އެމްޑީޕީގެ މަޖިލިސް މެމްބަރުންނާއި އިސް ބައެއް ވެރިން ވަނީ އިއުލާނުކުރައްވާފަ އެވެ. އެފަދައިން އިއުލާނު ކޮށްފައިވަނީ ނަތީޖާތަކަށް ބަލާއިރު، އިންތިޚާބުގެ ވަގުތީ ނަތީޖާ އިއުލާނު ނުކުރި ނަމަވެސް އެ ގޮނޑި ޝާޒަށް ކަށަވަރުވާ ވަރަށް ތަފާތު ބޮޑުކޮށް އޭނާ ކުރީގައި އޮތުމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
