މިއީ އޯރިއޯ މީރު މީހުން އަޖުމަ ބަލާލަން ކޮންމެހެންވެސް ޖެހޭ ކޭކެއް!

އޯރިއޯ އަކީ ވަރަށް މީރުކޮށް ތަފާތު ފޮނި ބާވަތްތައް ތައްޔާރު ކޮށްލުމަށް ބޭނުން ކުރެވޭ މީރު ބިސްކޯދެކެވެ. މިއަދު ވޮއިސް ގެ ބަދިގެއިން މި ގެނެސްދެނީ ވަރަށް މީރުކޮށް އޯރިއޯ ކޭކެއް އަޅާލާނެ ގޮތެވެ.

ބޭނުންވާ ތަކެތި

1 ½ ޖޯޑު ފުއް

28 އޯރިއޯ ބިސްކޯދު (ކްރީމް ވަކިކޮށް މުގުރާފައި)

1 ސައިސަމުސާ ބޭކިން ޕައުޑަރު

1 ޖޯޑު ދިޔާ ކިރު

1/2 ކޮކޯ ޕައުޑަރ

3 މޭޒުމަތީ ސަމުސާ ބަޓަރު

1 ޖޯޑު ހަކުރު

1 ދަޅު ނެސްލޭ ކްރީމް

3 ބިސް

¼ ސައިސަމްސާ ލޮނު

1 ސައި ސަމުސާ އެސެންސް

1/2 ޖޯޑު ޗޮކްލެޓް ޗިޕްސް (ޓޮޕިންގްސް ހަދަން)

ތައްޔާރުކުރާނެ ގޮތް

1) ފުށާއި ކޮކޯ ޕައުޑާރ، ބޭކިން ޕައުޑަރާއި ލޮނު ފުރާނާލާށެވެ. އެއަށްފަހު މުގުރާފައި ހުރި އޯރިއޯ ބިސްކޯދުތަށް އަޅާލުމަށްފަހު ރަނގަޅަށް ހުރިހާ އެއްޗެއް އެއްކޮއްލާށެވެ.

2) ދެން ހޭންޑް މިކްސަރެއް ބޭނުން ކޮށްގެން ބަޓަރާއި ހަކުރު ރަނގަޅަށް (ފުފެންދެން) އެއްކޮށްލާށެވެ. އެއައްފަހު އޭގެތެރެއަށް ބިހާއި އެސެންސް އެޅުމައްފަހުވެސް ރަނގަޅަށް ގިރާލާށެވެ.

3) އެއްކުރި މިކްސްޗަރ ގެ ތެރެއަށް ކުރި ތައްޔާރު ކުރި ފުށް މިކްސްޗަރ މަޑުމަޑުން އަޅަމުން އެކުލަވަމުންދާށެވެ.

4) އެއްކޮށް ފުށް މިކްސްޗަރ އަޅާ ނިމުމުން އޭގެ ތެރެއަށް ކިރު ޖޯޑު އަޅާލުމަށްފަހު ނެސްލޭ ކްރީމް ވެސް އަޅާލާށެވެ.

5) އެއަށްފަހު ޓްރޭއެއްގައި ތެޔޮ ނުވަތަ ބަޓަރު ހާކައި ފުއްކޮޅެއް ހާކާލުމަށްފަހު ގިރާފައި ހުރި ކޭކު ފުއްގަނޑު ޓްރޭގެ ތެރެއަށް އެޅުމަށްފަހު އަވަނަށް ލައި 180 ޑިގްރީގައި 45 މިނެޓް ވަންދެން ފިހެލާށެވެ. ފިހެ ނިމުމުން ކޭކު ހިހޫ ކުރަން ބަހައްޓާށެވެ.

6) ޓޮޕިންގްސް ތައްޔާރު ކުރުމަށް ތެއްޔަކަށް ކެކިކެކި ހުރި ހޫނުފެން އަޅާފައި އޭގެ މަތީގައި ބިއްލޫރި ތައްޓެއް ބަހައްޓައި ޗޮކްލެޓް ޗިޕް ކޮޅު ވިރެންދެން 1 ސައި ސަމުސާ ބަޓަރާއި އެކު އެއްކުރާށެވެ. މިކްސިން ބޯލް ބަހައްޓާނީ ފެނުގައި ނުޖެހޭ ވަރަށެވެ.

7) ދެން އޭގެ ތެރޭއަށް 6 އޯރިއޯ ބިސްކޯދުގެ ކްރީމް ގަނޑު އެޅުމަށްފަހު ރަނގަޅަށް އެކުލަވާލުމަށްފަހު ކުޑަކޮށް ހިހޫ ވުމުން ކޭކު މަތީގައި އުނގުޅާލާށެވެ.