ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު ރަސްމިއްޔާތުގައި ވާހަކަފުޅު ދައްކަވަނީ---ފޮޓޯ: އެމްޑީޕީ
ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު ރަސްމިއްޔާތުގައި ވާހަކަފުޅު ދައްކަވަނީ---ފޮޓޯ: އެމްޑީޕީ
ހަބަރު 16 Jul 2023 | 06:35

ކިތަންމެ ބާރަށް ތަކެތީގެ އަގު ބޮޑު ވެޔޭ ވާދަވެރިން ބުންޔަސް، އަގު މިހާރު ދަނީ ދަށަށް: ރައީސް ޞާލިހު

ކިތަންމެ ބާރަށް އަދި ކިތަންމެ އަޑު ހަރުކޮށް ތަކެތީގެ އަގު ބޮޑު ވެޔޭ ވާދަވެރިން ބުނިކަމުގައި ވީނަމަވެސް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނަނީ ތަކެތީގެ އަގު މިހާރު ދަނީ ދަށަށް ކަމުގައި ކަމަށް ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު ވިދާޅުވެއްޖެއެވެ.

ރައީސް ޞާލިހު މިފަދައިން ވިދާޅުވެފައިވަނީ މ އަތޮޅަށް ކުރައްވާ ކެމްޕެއިން ދަުތުރގެ ތެރެއިން މ. މުލަކަށް ކުރެއްވުނު ދަތުރުފުޅުގައި އެ ރަށުގައި އޮތް ރަސްމިއްޔާތެއްގައި ވާހަކަފުޅު ދައްކަވަމުންނެވެ.

އެގޮތުން ރައީސް ޞާލިހު ވަނީ މިއަދަކީ ކޮވިޑަށްފަހު ރާއްޖޭގެ ބޯޑަރު ހުޅުވިތާ 3 އަހަރު ފުރޭ ދުވަސް ކަމަށް ފާހަގަކުރައްވާ 2020 ވަނަ އަހަރު 3 މަސްދުވަހަށް ބޯޑަރު ބަންދުކުރިއިރު މުޅި އިގްތިޞާދު ހުއްޓުމަކަށް އައި ކަމަށް ވިދާޅުވެފައެވެ.

"މުޅި އިގްތިސޯދު ހުއްޓުމަކަށް އައި، އެ އަހަރު ދައުލަތަށް ލިބެން އޮތް އާމްދަނީގެ 14 ބިލިއަން ރުފިޔާ ނުލިބި ދިޔަ، ފައިސާ ހޯދަން ޖެހުނު، އެހެންނަމަވެސް އެ ދުވަހު އެ ނެގި ފިޔަވަޅާއެކު ބޯޑަރު ކްލޯސް ކޮށްފައި އޮތުމަށް ފަހު ޖުލައި 15 ވަނަ ދުވަހު އަޅުގަނޑުމެން ބޯޑަރު ހުޅުވާލީ، ވަރަށް ގިނަބަޔަކު ކަންބޮޑުވުންތައް އަޅުގަނޑުމެންނާ ހިސާބަށް ގެނައި. އެހެންނަމެވެސް އަޅުގަނޑު އެ ޑިސިޝަން ނެގިން." ރައީސް ވިދާޅުވިއެވެ.

ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު

މިއާއިއެކު ރައީސް ޞާލިހު ވިދާޅުވީ މިއަދު އަމާޒުކޮށްގެން ތިބީ މިއަހަރު 1.8 މިލިއަން ޓޫރިސްޓުން ރާއްޖެ ގެނައުމަށް ކަމަށާއި މާދާމައަކި 1 މިލއަން ވަނަ ޓޫރިސްޓު މީހާއަށް މަރުހަބާ ކިޔާ ދުވަސް ކަމަށެވެ.

"މިއަދުގެ ތަސައްވަރަކީ މިއަހަރު ނިމޭ އިރުގައި 1.9 މިލިއަން ޓޫރިސްޓުން ރާއްޖެ ގެނައުން، އިރާދަކުރެއްވިއްޔާ އަޅުގަނޑުމެންނަށް އެކަން ހާސިލު ވާ މަންޒަރު އެބަ ފެނޭ." ރައީސް ޞާލިހު ވިދާޅުވިއެވެ.

އެމަނިކުފާނު އިތުރަށް ވިދާޅުވީ ކޮވިޑްގެ އާލަމީ ވަބާއަށްފަހު ދެން ކުރިމަތިލާންޖެހުނީ ޔޫކްރެއިން ރަޝިއާ ހަނގުރާމައަށް ކަމަށާއި މިއީ މުޅި ދުނިޔޭގެ އިގްތިޞާދަށާއި ތަކެތީގެ އަގަށް ބޮޑެތިި ބަދަލުތަކެއް އައި ކަމެއް ކަމަށެވެ.

އެގޮތުން ހާއްސަކޮށް ތެލުގެ އަގު އިންތިހާއަށް ބޮޑު ވެގެން ދިޔަ ކަމަށާއި ސަރުކާރުން ބަޖެޓް ކޮށްފައި އޮތް ވަރުގެ އިތުރަށް ކޮންމެ މަހަކު 20 މިލިއަން ޑޮލަރު ބަޖެޓުން ހޭދަކުރެވުނު ކަމަށް ރައީސް ޞާލިހު ވިދާޅުވިއެވެ.

"ރައްޔިތުންނަށް ހެޔޮ އަގެއްގަ ތެޔޮ ފޯރު ކޮށްދިނުމަށްޓަކައި ސަރުކާރުން 2.3 ބިލިއަން ރުފިޔާ އަޅުގަނޑުމެން މިދޔަ އަހަރުވެސް ހޭދަކުރިން. މިދިޔަ 2 އަހަރު. އެ ތަކުލީފު ނުޖެއްސުން އަޅުގަނޑު މެންގެ ބޭނުމަކީ، ރައްޔިތުންނަށް. ސަރުކާރުން އެ ބުރަ އުފުލުން، އޭގެ ނަތީޖާ އިރާދަކުރެއްވިއްޔާ އެ ބަ ފެނޭ."

ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު

މިއާއިއެކު މިނެގި ފިޔަވަޅުތަކުން ރާއްޖޭގެ އިގްތިޞާދު 2 ގުނަ ވާނެ ކަމަށާއި 2018 ވަނަ އަހަރު ރާއްޖެއަށް ލިބުނު އާމްދަނީގެ 26 އިންސައްތަ އިތުރަށް މިދިޔަ 2022 ވަނަ އަހަރު ލިބުނު ކަމަށް ރައީސް ޞާލިހު ވަނީ ފާހަގަކުރައްވާފައެވެ.

އަދި މިއަހަރު ނިމޭއިރުގައި ސަރުކާރުގެ އަމާޒަކީ 30 ބިލިއަނަށްވުރެ ގިނަ ރުފިޔާ ދައުލަތަށް އާންމުދަނީގެ ގޮތުގައި ހޯދުން ކަމަށްވެސް އެމަނިކުފާނު ވިދާޅުވިއެވެ.

"އަޅުގަނޑުމެންގެ މި 10 އަހަރު 2018 އިން ފެށިގެން 2028 އާއި ހަމައަށް ނިމޭއިރުގައި ރާއްޖޭގެ އިގްތިޞާދު ދެގުނަވެ ދައުލަތަށް ލިބޭ އާންމުދަނީ ދެގުނަ ވާތަން އެބަ ފެނޭ. އެދުވަހު ލޯން ނަގައިގެން އަޅުގަނޑުމެން ކުރި މަސައްކަތަކީ މީ. ރާއްޖޭގެ އިގްތިޞާދު ކޮއްޅަށްޖެހުން. ވިޔަފާރިތައް ބަނގުރޫޓު ވިޔަ ނުދިނުން. އޭގެ ނަތީޖާ މިއަދު މި ފެންނަނީ. ޕްލޭނެއް އޮވެ ރޭވުން ތަކެއް އޮވެގެން ކަންކުރީމާ ފެންނަ މަންޒަރު."

ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު

މީގެ އިތުރުން ރައީސް ޞާލިހު ވިދާޅުވީ އައިއެމްއެފްއާއި ވޯލްޑްބޭންކުން ރާއްޖޭގެ އިގްތިޞާދު މިއަހަރު ކުރިއަރާނެ ކަމަށް އަންދާޒާ ކުރީ 6 އިންސައްތަ އާއި 7 އިންސައްތަ އާއި ދެމެދު ނަމަވެސް މިއަދުގެ ރާއްޖޭގެ އިގްތިޞާދު އަންދާޒާއަކީ ނުވައެއް އިންސައްތަ ކުރިއެރުން ކަމަށެވެ.

"ރާއްޖޭގެ މުދަލުގެ އަގު ބޮޑު ވާނެ ކަމަށް، އިންފްލޭޝަން މައްޗަށް ދާނެ ކަމަށް، އަޅުގަނޑުމެންގެ ވާދަވެރިން ވަރަށް ބާރަށް އަޑުލާ ބުންމުންދިޔަ އަޑު ހަރުކޮށް." ރައީސްް ޞާލިހު ވިދާޅުވިއެވެ.

އެގޮތުން އައިއެމްއެފްއާއި ވޯލްޑްބޭންކުން އެދުހު އަންދާޒާ ކޮށްފަ އޮތީ ރާއްޖޭގެ އިންފްލޭޝަން ތަކެތީގެ އަގު 5.4 ޕަސެންޓަށް މައްޗަށް ދާނެ ކަމަށް ކަމުގައި އެމަނިކުފާނު ފާހަގަކުރެއްވިއެވެ.

އެހެންނަމަވެސް ސަރުކާރުން މި އަހަރު އަޅަން ފެށި ރަނގަޅު ފިޔަވަޅުތަކުގެ ސަބަބުން 3.4 ޕަސެންޓްގައި ގައި އިންފްލޭޝަން ހިފެހެއްޓިފައި އޮތް ކަމަށް ރައީސް ޞާލިހު ފާހަގަކުރެއްވިއެވެ.

އަދި ޔޫރަޕުގެ ގައުމުތަކާއި ރާއްޖެއާއި އަޅާކިޔާ ރައީސް ޞާލިހު ވިދާޅުވީ އެގައުމުތަކުގެ މިއަދުގެ އިންފްލޭޝަނަކީ 9 ޕަސެންޓު ކަމަށެވެ.

އެހެންކަމުން ރާއްޖޭގައި ތަކެތީގެ އަގު ބޮޑުވިޔަ ނުދީ ހިފެހެއްޓުމަށް މިކުރި ކުރި މަސައްކަތުގެ ހެޔޮ ނަތީޖާ މިއަދު ފެނިގެންދާ ކަަމަށް އެމަނިކުފާނި ވިދާޅުވި އެވެ.

"ކިތަންމެ ބާރަށް އަޑު ހަރުކޮށް ތަކެތީގެ އަގު ބޮޑު ވެޔޭ ބުނިޔަސް، އެމްއެމްއޭއިން ރާއްޖޭގެ ސެންޓްރަލް ބޭންކުން އެ ބުނަނީ ތަކެތީގެ އަގު މިހާރު ދަނީ ދަށަށޭ،"

ރައީސުލްޖުމްހޫރިއްޔާ އިބްރާޙިމް މުހައްމަދު ޞާލިހު

އަދި މިއީ ތަފާސްހިސާބުތަކާއި މައުލޫމާތުތައް އެއްކޮށްގެން އެބޭފުޅުން ވިދާޅުވާ ވާހަކައެއް ކަމަށާއި އެއީއަކީ އެއް އެމަނިކުފާނު އެތާ ހުރެ ދައްކާ ވާހަކައެއް ނޫން ކަމަށް އެމަނިކުފާނު ވިދާޅުވިއެވެ.

"އަޅުގަނޑުމެން މި ފިޔަވަޅުތައް އަޅަން ކަންތައްތަކެއް ކުރިން. އެ ބޭފުޅުން ދިރާސާ އެހައްދަވަނީ. އޭގެ ނަތީޖާ އެބޭފުޅުން އެވިދާޅުވަ. ނީއެހެންވީމާ ކޮންމެތާކު ކޮންމެ ބޭފުޅަކު ހުރެ ކޮންމެ ވާހަކައެއް ދެއްކިޔަސް ހަގީގަތް އޮތީ މި ގޮތަށް. އޮޅުވާލަން ދެއްކިދާނެ ކޮންމެ ފަދަ ވާހަކައެއްވެސް." ރައީސް ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.