ވިލާ ފައުންޑޭޝަންގެ ސްޓޫޑެންޓް ލޯން މާފުކުރި ލިޔުން ދެނީ!
ވިލާ ގުރޫޕްގެ ޗެއާމަން، ގާސިމް އިބްރާހިމްގެ ހަރަދުގައި މަތީ ތައުލީމަށް ކިޔަވަން ދަރިވަރުންނަށް ދޫކުރި ލޯނު މާފުކުރި ކަމުގެ ލިޔުން ހަވާލު ކުރުމުގެ މަަސައްކަތް ވިލާ ފައުންޑޭޝަނުން ފަށައިފި އެވެ.
ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމް އިބްރާހީމް އޭނާގެ އިންސާނީ އެހީ ފޯރުކޮށްދޭ ވިލާފައުންޑޭޝަންގެތެރެއިންނާއި އަދި އޭނާގެ އަމިއްލަ ނަންފުޅުގައި މަތީ ތައުލީމް ހާސިލް ކުރުމަށް އެތައް ހާސް ދަރިވަރުން ނަގާފައިވާ ލޯން މައާފްކޮށްދެއްވައިފިކަން އިއުލާން ކުރެއްވީ ދާދިފަހުން ޖުމްހޫރީ ޕާޓީގެ މައި ޖަގަހަ ކުނޫޒްގައި ގާސިމްގެ މެނިފެސްޓޯ އިއުލާން ކުރެއްވުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ވިލާ ސްކޮލަރޝިޕް ޕްރޮގްރާމް ފެށުނުފަހުން މިހާތަނަށް ހަތްހާހަށްވުރެ ގިނަ ދިވެހިން އެސްކޮލަރޝިޕް ޕްރޮގްރާމްގެތެރެއިން މަތީ ތައުލީމް ހާސިލްކޮށްފައިވެއެވެ. ގިނަ ކުދިން ތައުލީމް ހާސިލްކޮށްފައިވަނީ އެޕްރޮގްރާމްގެތެރެއިން ނަގާ ފައިސާގެ އެއްބައި އަނބުރާ ދައްކާގޮތަށެވެ.
"އެހުރިހާ ކުދިންގެ ހުރިހާ ފައިސާއެއް އަޅުގަނޑު މައާފްކޮށްފިން. އެންމެ ކުއްޖަކުވެސް ބޮޑުލާރިއެއްވެސް ދައްކާނެ ކަމެއް ނެތް އަޅުގަނޑަށް ވެރިކަން ލިބުނަސް ނުލިބުނަސް." ކުނޫޒްގައި ވާހަކަފުޅު ދައްކަވަމުން ގާސިމް ވިދާޅުވިއެވެ.
އެކަމާއި ގުޅިގެން ވިލާ ފައުންޑޭޝަނުން ކުރި އިއުލާނެއް ގައި ބުނީ، ދަރިވަރުންގެ ލޯނު މަޢާފުކުރި ކަމުގެ ލިޔުން ހަވާލު ކުރުމަށާ އިދާރީ މައުލޫމާތު ހޯދުމުގެ މަސައްކަތް ކުރަމުންދާ ކަމަށެވެ.
އެކަމަށްޓަކައި ވިލާ ފައުންޑޭޝަނުން އާންމުކޮށްފައިވާ ގޫގުލް ފޯމް މެދުވެރިކޮށް ނުވަތަ ކިޔުއާރް ކޯޑް ސްކޭންކޮށްގެން މި މަހުގެ 20 ވަނަ ދަވަހުގެ ކުރިން ދަރިވަތުންގެ މައުލޫމާތު ހިއްސާކުރުމަށް ވަނީ އެދިފައެވެ.
އަދި ލޯން މާފުކުރި ކަމުގެ ލިޔުން ދޫކުރުން މިމަހުގެ 27 އަދި 28 ވަނަ ދުވަހު ކުރިއަށް ދާނެ ކަމަށްވެސް ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
