ޑރ މުޢިއްޒު ކެމްޕޭނަށް ހދ، ހއ އަދި ށ އަށް

ރިޔާސީ އިންތިޚާބުގެ ދެވަނަ ބުރުގެ ކެމްޕޭނަށް ޕީއެންސީ ޕީޕީއެމްގެ ކެންޑިޑޭޓް ޑރ މުޙައްމަދު މުޢިއްޒު ހދ، ހއ އަދި ށ އަތޮޅަށް ކުރައްވާ ދަތުރުފުޅެއްގައި ފުރައި ވަޑައިގެންފިއެވެ.

މިއަދު ހެނދުނު ޑރ މުޢިއްޒު އަތޮޅުތަކަށް ފެއްޓެވި ދަތުރު ފުޅުގައި ޕީޕީއެމް ޕީއެންސީގެ މިހާރުގެ އިސް ލީޑާރު ކުރީގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުالله އާއި މިހާރު އެ ކޯލިޝަނާއި ބައިވެރިވެފައިވާ އެމްއެންޕީގެ ރައީސް އަދި ދަނގެތި ދާއިރާގެ މެމްބަރު މުޙައްމަދު ނާޒިމްވެސ ބައިވެރިވެރިވެ ވަޑައިގަންނަވައެވެ. އެދެބޭފުޅުންގެ އިތުރުން ޑރ މުޙައްމަދު ޝަހީމް ޢަލީ ސަޢީދުވެސް ބައިވެރިވެވަޑައިގަންނަވައެވެ.

ދެވަނަ ބުރުގެ ކެމްޕޭނަށް މިއަދު ބޮދު ތިލަދުން މައްޗަށް ޑރ މުޢިއްޒުގެ ޓީމުން ވަޑައިގަންނަވާއިރު ފާއިތުވި ހަފްތާގައި އއ އަދި އދ ގެ ބައެއް ރަށްރަށަށް ވަޑައިގެންފައިވެއެވެ.

މީގެ އިތުރުން އިއްޔެ ހަވީރު ޑރ މުޢިއްޒު ވަނީ ހުޅުމާލެ ދެވަނަ ފިޔަވަހީގެ ހިޔާ ފްލެޓްތަކުގައި ދިރި އުޅޭ ރައްޔިތުންނާއި ބައްދަލުކުރައްވައިފައެވެ. އަދި ރޭ މާލެ ހެންވޭރު އާޓިފިޝަލް ބީޗުގައި ވަނީ ޖަލްސާ އެއްވެސް ބާއްވައިފައެވެ.