އިސްލާމިކް މިނިސްޓަރުގެ މަގާމު އަދާލަތަށް ދިނުމުގެ މަޝްވަރާއެއް ނުހިނގާ: އަދާލަތު
އިސްލާމިކް މިނިސްޓަރުގެ މަގާމު އަދާލަތު ޕާޓީއަށް ދިނުމުގެ މަޝްވަރާއެއް ނުހިނގާ ކަމަށް ޢެ ޕާޓީން މިއަދު ބުނެފި އެވެ.
އެ ޕާޓީން މިހެން ބުނީ އިސްލާމިކް މިނިސްޓަރުގެ މަގާމު އަދާލަތަށް ދިނުމުގެ މަޝްވަރާތަކެއް ހިނގާ ކަމަށް ދެކެވޭ ވާހަކަތަކާއި ގުޅިގެންނެވެ. ބައެއް މީޑިއާތަކުން ވެސް އެ ހަބަރު ވަނީ ފަތުރާފަ އެވެ.
އެ ޕާޓީން ބުނީ ސަރުކާރާއި ޢަދާލަތު ޕާޓީއާ ދެމެދު މިފަދަ އެއްވެސް މަޝްވަރާއެއް ކުރެވެމުން ނުދާ ކަމަށެވެ.
އެފަދަ ވާހަކަތަކެއް ދެކެވެން ފެށީ ސަރުކާރުގައި ބައިވެރިވެ ރިޔާސީ އިންތިހާބުގައި ޕީއެންސީއާ ގުޅެން އަދާލަތު ޕާޓީން ނިންމުމާއި ގުޅިގެންނެވެ. ދެ ޕާޓީ ގުޅިގެން މަސައްކަތް ކުރުމަށް މިއަދު ރަސްމީކޮށް އެއްބަސްވުމުގައި ސޮއިވެސް ކުރަން ވަނީ ހަމަޖެހިފަ އެވެ.
އިސްލާމިކް މިނިސްޓަރު ކަމުގައި ހުންނެވީ އަދާލަތު ޕާޓީގެ އެއް މުއައްސިސް ޑރ. މުޙައްމަދު ޝަހީމް އަލީ ސައީދު އެވެ. އެމަނިކުފާނު މި ފަހުން އަދާލަތާއި ގުޅިވަޑައިގަތެވެ. އަދި ޕާޓީގެ ރައީސް ކަމަށް ކުރިމަތިލެއްވުމަށް ނިންމެވި އެވެ. ނަމަވެސް ފަހުން އެ ނިންމުން ބަދަލުކުރެއްވި އެވެ. އަދި އެ ޕާޓީން ވަކިވެވަޑައިގަތެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް