އެމްއެމްއޭއިން ކުރިން ބޭއްވި ރިސާޗް ކޮންފަރެންސްއެއްގެ ތެރެއިން- ފޮޓޯ/ އެމްއެމްއޭ
އެމްއެމްއޭއިން ކުރިން ބޭއްވި ރިސާޗް ކޮންފަރެންސްއެއްގެ ތެރެއިން- ފޮޓޯ/ އެމްއެމްއޭ
ވިޔަފާރި 16 Nov 2026 | 13:07

އެމްއެމްއޭގެ ތިންވަނަ ރިސާޗް ކޮންފަރެންސް އަންނަ މަހު: ޚާއްސަކުރަނީ ދުނިޔެއަށް އަންނަ ބަދަލުތަކުގައި އިގްތިސާދީ ހަމަޖެހުން ދެމެހެއްޓުމަށް

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އިންތިޒާމުކޮށްގެން ބާއްވާ ތިންވަނަ ރިސާޗް ކޮންފަރެންސް އަންނަ ޑިސެންބަރު މަހުގެ 5 އިން 7 އަށް ބޭއްވުމަށް ނިންމައިފިއެވެ.

އެމްއެމްއޭއިން ބުނި ގޮތުގައި، ދިރާސާކުރާ ފަރާތްތަކާއި އިލްމީ މާހިރުން އަދި ސިޔާސަތު ކަނޑައަޅާ ފަރާތްތައް އެއްތަނަކުން ބައްދަލުވާ މި ކޮންފަރެންސް މި އަހަރު ޚާއްސަކުރަނީ ދުނިޔޭގެ މަޝްރަހަށް އަންނަ ބަދަލުތަކުގެ ތެރޭގައި އިގްތިސާދީ އަދި މާލީ ހަމަޖެހުން ދެމެހެއްޓުމަށެވެ.

އެގޮތުން މި އަހަރުގެ ކޮންފަރެންސްގެ ތީމަކީ "ދުނިޔޭގެ މަޝްރަހަށް އަންނަ ބަދަލުތަކާއި ނުތަނަވަސްކަމުގެ ތެރޭގައި ދެމެހެއްޓެނިވި ތަރައްގީއަށް އިގްތިސާދީ އަދި މާލީ ހަމަޖެހުން ގެނައުން" ކަމަށް އެ އޮތޯރިޓީން މައުލޫމާތުދެއެވެ.

ތިން ދުވަހުގެ މުއްދަތަށް ކުރިއަށްދާ މި ކޮންފަރެންސްގެ ފުރަތަމަ ދުވަހު އޮންނާނީ ދިރާސާ ކަރުދާސްތަކުގެ ޕްރެޒެންޓޭޝަންތައް ކަމަށާއި، މި ބައި ކުރިއަށްދާނީ އެމްއެމްއޭގައި ކަމަށް އެ އޮތޯރިޓީން ބުނެއެވެ. އަދި ކޮންފަރެންސް އެޖެންޑާގެ މައިގަނޑު ކަންތައްތައް ކުރިއަށްދާނީ ދުސިތުޑީ2 ފޭދޫ މޯލްޑިވްސްގައެވެ.

މި ކޮންފަރެންސްގެ މަގުސަދަކީ ދާރިސުންނާއި ސިޔާސަތު ކަނޑައަޅާ ފަރާތްތަކާއި ފަންނީ މާހިރުން ގުޅިގެން މަސައްކަތް ކުރުމަށް ބާރުއެޅުމާއި، ރާއްޖޭގެ އިގްތިސާދާއި މާލީ ދާއިރާއާ ގުޅުންހުރި އެކިއެކި ދިރާސާތައް ކުރުމަށް ހިތްވަރުދިނުމެވެ. އެގޮތުން، ރާއްޖެ ފަދަ ކުރިއަރަމުން އަންނަ ކުޑަ ގައުމުތަކަށް އިގްތިސާދީ ގޮތުން ދިމާވަމުންދާ އެކިއެކި ގޮންޖެހުންތަކާ ގުޅޭގޮތުން ފުޅާ ދާއިރާއެއްގައި މި ކޮންފަރެންސްގައި މަޝްވަރާކުރާނެ ކަމަށް އެމްއެމްއޭއިން ބުނެއެވެ.

މި އަހަރުގެ ރިސާޗް ކޮންފަރެންސްގައި މައިގަނޑު ގޮތެއްގައި އަލިއަޅުވާލާނެ ދާއިރާތަކުގެ ތެރޭގައި ހިމެނެނީ:

މަނިޓަރީ ސިޔާސަތާއި ބާޒާރުގެ އަގުތައް އެއްވަރެއްގައި ހިފެހެއްޓުން

މާލީ ހަމަޖެހުން ގާއިމުކުރުން

އިސްލާމީ މާލީ ނިޒާމު

ޑިޖިޓަލް ފައިނޭންސް

އިގްތިސާދު ސިންދަފާތުކުރުން

މޫސުމީ ރިސްކުތަކުގެ ތެރޭގައި ދެމެހެއްޓެނިވި ތަރައްގީ ހޯދުން

އެމްއެމްއޭއިން އެންމެ ފުރަތަމަ ރިސާޗް ކޮންފަރެންސެއް ބޭއްވީ 2024 ވަނަ އަހަރުއެވެ. މިއީ ޖެހިޖެހިގެން މި ކޮންފަރެންސް އެ އޮތޯރިޓީން ކުރިއަށް ގެންދާ ތިންވަނަ އަހަރެވެ.

މި ކޮންފަރެންސާ ގުޅޭ އިތުރު މައުލޫމާތު އެމްއެމްއޭގެ ރިސާޗް ކޮންފަރެންސް ވެބްސައިޓް https://researchconference.mma.gov.mv/ އިން ލިބެން ހުންނާނެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އެމްޓީސީސީގެ ލީޑަރޝިޕް ކޮންފަރެންސް 2026 ބާއްވައި ލީޑަރޝިޕް ސެޓިފިކެޓް ޕްރޮގްރާމް އިފްތިތާޙްކޮށްފި
16 Nov 2026 ވިޔަފާރި

އެމްޓީސީސީގެ ލީޑަރޝިޕް ކޮންފަރެންސް 2026 ބާއްވައި ލީޑަރޝިޕް ސެޓިފިކެޓް ޕްރޮގްރާމް އިފްތިތާޙްކޮށްފި

އެމްޓީސީސީގެ ލީޑަރޝިޕް ކޮންފަރެންސް 2026 ގައި ލީޑަރުންނަށް ޚާއްޞަ ސެޓިފިކެޓް ޕްރޮގްރާމެއް އިފުތިތާހުކޮށްފިއެވެ. 140 އަށްވުރެ ގިނަ ލީޑަރުން ބައިވެރިވި މި ކޮންފަރެންސް އިފުތިތާހުކޮށްދެއްވީ އެމްޑީ ސަޢުދީއެވެ.

ރިސޯޓްތަކުން ބޭންކިން ނިޒާމަށް ވަންނަންޖެހޭ ޑޮލަރު ހޯދަން އޮޑިޓެއް ހަދަންޖެހޭ: ގަވަރުނަރު
10 Nov 2026 ހަބަރު

ރިސޯޓްތަކުން ބޭންކިން ނިޒާމަށް ވަންނަންޖެހޭ ޑޮލަރު ހޯދަން އޮޑިޓެއް ހަދަންޖެހޭ: ގަވަރުނަރު

މީރާއިން ހިއްސާކޮށްފައިވާ ހިސާބުތަކާ ހަވާލާދެއްވައި ގަވަރުނަރު ވިދާޅުވީ، ރާއްޖޭގައި ހިންގާ 185 ރިސޯޓުގެ ތެރެއިން އިންކަމް ޓެކްސް (ބިޒްނަސް ޕްރޮފިޓް ޓެކްސް) ދައްކަނީ ގާތްގަނޑަކަށް 50 ވަރަކަށް ރިސޯޓުން ކަމަށެވެ.

އެމްއެމްއޭގެ ފަވަރަ ނިޒާމުގައި ބައިވެރިވުމަށް ފަހިޕޭއާއެކު އެއްބަސްވުމެއްގައި ސޮއިކޮށްފި
08 Nov 2026 ވިޔަފާރި

އެމްއެމްއޭގެ ފަވަރަ ނިޒާމުގައި ބައިވެރިވުމަށް ފަހިޕޭއާއެކު އެއްބަސްވުމެއްގައި ސޮއިކޮށްފި

މިއީ މި ނިޒާމާ ގުޅުނު ބޭންކް ނޫން ދެވަނަ ފައިސާގެ ހިދުމަތްދޭ ފަރާތެވެ. މި އެއްބަސްވުމުގެ ދަށުން، ފަހިޕޭއަށް ފަވަރަ ނިޒާމުގެ ތެރެއިން ހިދުމަތް ދިނުމަށް މަގުފަހިވެގެންދާނެއެވެ.

އެމްއެމްއޭއިން މަނީ ޗޭންޖަރުންނަށް ޑިޖިޓަލް ސިސްޓަމެއް
05 Nov 2026 ހަބަރު

އެމްއެމްއޭއިން މަނީ ޗޭންޖަރުންނަށް ޑިޖިޓަލް ސިސްޓަމެއް

1 ޑިސެމްބަރު 2026 އިން ފެށިގެން، މަނީ އެކްސްޗޭންޖް ލައިސަންސް އޮންނަ އެންމެހައި ފަރާތްތަކުން މުއާމަލާތްތައް ރެކޯޑުކޮށް ރިޕޯޓުކުރުމަށް މި ސިސްޓަމް ބޭނުންކުރުން ލާޒިމުވާނޭކަމަށް އެމްއެމްއޭއިން ބުނެއެވެ.

ޑޮލަރުން އާމްދަނީ ލިބޭ ފަރާތްތަކުން މިމަހު 28ގެ ނިޔަލަށް މާރުކޮށް ނިންމުމަށް ހަނދާންކޮށްދީފި
26 Oct 2026 ހަބަރު

ޑޮލަރުން އާމްދަނީ ލިބޭ ފަރާތްތަކުން މިމަހު 28ގެ ނިޔަލަށް މާރުކޮށް ނިންމުމަށް ހަނދާންކޮށްދީފި

އެމްއެމްއޭއިން ބުނީ، ސުންގަޑި ހަމަވާއިރު ވެސް ޤާނޫނާ އެއްގޮތަށް މާރުކުރުމުގެ އިންތިޒާމު ފުރިހަމަ ނުކުރާ ފަރާތްތަކުގެ ނަންތައް، ކަނޑައެޅިފައިވާ އުސޫލާ އެއްގޮތަށް އާންމުކުރެވޭނެ ކަމަށެވެ.

ބަންގްލަދޭޝްގެ ބޭންކުތަކުގެ ބްރާންޗްތައް ރާއްޖޭގައި ހުޅުވަން ހުށަހަޅައިފި
23 Oct 2026 ހަބަރު

ބަންގްލަދޭޝްގެ ބޭންކުތަކުގެ ބްރާންޗްތައް ރާއްޖޭގައި ހުޅުވަން ހުށަހަޅައިފި

ދިވެހިރާއްޖޭގައި މަސައްކަތްކުރާ އެއްލައްކައަށް ވުރެ ގިނަ ބަންގްލަދޭޝް މަސައްކަތްތެރިން ރަސްމީ ނިޒާމުގެ ތެރެއިން ގައުމަށް ފައިސާ ފޮނުވުން )ރެމިޓެންސް( ފަސޭހަކޮށް، ޚަރަދު ކުޑަކުރުމުގެ ގޮތުން ރާއްޖޭގައި އެ ގައުމުގެ ބޭންކުތަކުގެ ގޮފިތައް ހުޅުވުމުގެ ފުރުސަތުތައް ބަންގްލަދޭޝް ބޭންކް )ބީބީ( އިން ބަލަން ފަށައިފިއެވެ.

މިދިޔަ އޮގަސްޓް މަހު ރާއްޖޭގެ ކާބޯތަކެތީގެ އިންފްލޭޝަން ދަށަށް
22 Oct 2026 ހަބަރު

މިދިޔަ އޮގަސްޓް މަހު ރާއްޖޭގެ ކާބޯތަކެތީގެ އިންފްލޭޝަން ދަށަށް

މާލެއާއި އަތޮޅުތަކުގައި ކާބޯތަކެއްޗާއި ޚިދުމަތްތަކުގެ އަގުތައް މިދިޔަ އޮގަސްޓް މަހު ދަށަށް ގޮސްފައިވާ ކަމަށް މޯލްޑިވްސް މަނިޓަރީ އޮތޯރިޓީ )އެމްއެމްއޭ( ގެ ތަފާސްހިސާބުތަކުން ދައްކައިފިއެވެ.