މިއަދު މެންދުރަށް މިގޮތަށް މެގްނަމް ޕުޑިން ހަދާލަން ކިހިނެއް ވާނެ؟

ހުކުރު ދުވަހު މެންދުރު މީރުކޮށް ކެއުމަށްފަހު އަނގަ ފޮނި ކޮށްލުމަށް ކޮންމެވެސް އެއްޗެއް ކެއުމަކީ ގިނަ މީހުން ހަމަ ކޮންމެހެން ކުރަންޖެހޭ ކަމެކެވެ. 'ވޮއިސް' ގެ ބަދިގެއިން މި ހުކުރު ގެނެސްމިދޭ ރެސިޕީ މި ޚާއްސަ ކޮށްލަނީ އެފަދަ ފަރާތްތަކަށެވެ.

ބޭނުންވާ ތަކެތި

ޕެކެޓް މާރީ ބިސްކޯދު

1 ދަޅު ގެރި ކިރު

2 ބިސް

4 ސައި ސަމްސާ ޒުވާރީ ފުށް

1 ޕެކެޓް ފުލްކްރީމް މިލްކް (ބޮޑު)

1 ޗޮކްލެޓް (ބޮޑު)

ތައްޔާރުކުރާނެ ގޮތް

1) އެންމެ ފުރަތަމަ ގެރިކިރު، ބިސް، އަދި ޒުވާރީ ފުށް ކުޑަ ފުލްކްރީމް މިލްކް ފޮދެއް އަޅައިގެން މިކްސަރުން ރަގަނޅަށް ގިރާލާށެވެ.

2) ދެން ތެއްޔަކަށް ފުލްކްރީމް މިލްކް ޕެކެޓްގެ ބާކީބައި އެޅުމަށްފަހު ހޫނު ކޮށްލާށެވެ.

3) އެއަށްފަހު ރަނގަޅަށް ހޫނުވުމުން ކުރިން ގިރާފައިވާ ބައި ތެއްޔަށް އެޅުމަށް ފަހު މަޑުމަޑުން ހަލުވަމުން ގެންދާށެވެ.

4) ދެން އެ މިކްސްޗަރ އޮލަވުމުން އުނދުން ނިއްވާލުމަށްފަހު، ޓްރޭގެ ފުލުގައި އެއިން އެތިކޮޅެއް ރީތިކޮށް އަތުރާލާށެވެ.

5) ދެން އޭގެ މަތީގައި ބިސްކޯދު އަތުރާލުމަށްފަހު އަނެއްކާވެސް ޕުޑިން މިކްސްޗަރ އަޅައި އަތުރާލާށެވެ.

6) މިގޮތަށް އަދި އެއް ފަށަލަ ހަދާލާށެވެ. އެންމެ މަތީގައި އިންނަން ވާނީ ޕުޑިން މިކްސްޗަރ ގެ ފަށަލައެކެވެ.

7) އެއަށްފަހު އޭގެ މައްޗަށް ޗޮކްލެޓް ގާނާށެވެ. ދެން އައިސް އަލަމާރީގައި ކުޑަކޮށް ފިނިކޮށްލަން ބަހައްޓާށެވެ. މިހާރު އެހުރީ މެގްނަމް ޕުޑިން ތައްޔާރު ވެފައެވެ.