ޚަމަދް ސްކޫލުގެ ވެބްސައިޓް އިފްތިތާހުކޮށްފި

ޚަމަދް ބިން ޚަލީފާ އާލް ޘާނީ ސްކޫލްގެ ވެބްސައިޓް އިފްތިތާހު ކޮށްފިއެވެ.

ހަމަދް ސްކޫލުގެ ވެބްސައިޓް އިފްތިތާހު ކޮށްފައިވަނީ އެ ސުކޫލަށް 22 އަހަރު ފުރުން ފާހަގަކުރުމުގެ ގޮތުން އިއްޔެ ބޭއްވި ރަސްމިއްޔާތުގައެވެ.

ލ.ގަމުގައި ހުންނަ ހަމަދު ސްކޫލުގެ ވެބްސައިޓް އިފްތިތާހު ކޮށްދެއްވީ އެޑިޔުކޭޝަން މިނިސްޓްރީގެ ސްޓޭޓް މިނިސްޓަރ އަހްމަދު ރިޔާޒެވެ.

ހަމަދް ސްކޫލުން މަޢުލޫމާތު ދީފައިވާ ގޮތުގައި މި ވެބްސައިޓުގެ ޒަރިއްޔާއިން ސްކޫލާއި ބެހޭ އެކި އެކި މަޢުލުމާތު ތަކާއި، ސްކޫލުން ނެރޭ އާންމު އިއުލާނުތަކާއި، އަދި ސްކޫލުގައި ބާއްވާ ހަރަކާތްތަކުގެ ފޮޓޯތައް ލިބެން ހުންނާނެއެވެ.

މީގެ އިތުރުން ހަމަދް ސްކޫލް އިން ބުނީ، މި ވެބްސައިޓާއި އެކު، މިއަހަރު އެ ސްކޫލުގައި މީޑިޔާ ކްލަބެއްވެސް ފެށިގެންދާނޭ ކަމަށާއި، ހަމަދް ސްކޫލުގެ ވެބްސައިޓުގައި އެ ކްލަބުގެ ދަރިވަރުން އަމިއްލައަށް ހިންގާ މީޑިޔާ ކްލަބް ކެޓަގެރީއެއްވެސް އިންނާނެ ކަމަށެވެ.

ހަމަދް ސްކޫލް ވެބްސައިޓަކީ "ލާމު މީޑިޔާ އިންސްޓިޓިއުޓް" އިން މުޅިން ހިލޭ ފަރުމާކޮށްދީފައިވާ ވެބްސައިޓެކެވެ. މި ވެބްސައިޓަކީ ލ،އަތޮޅުގައި މިހާތަނަށް ސްކޫލެއްގައި އިފްތިތާހު ކުރެވުނު ފުރަތަމަ ވެބްސައިޓެވެ.

ހަމަދް ސްކޫލަށް 22 އަހަރު ފުރުން ފާހަގަކޮށް ބޭއްވި ރަސްމިއްޔާތުގައި ވަނީ އެ ސްކޫލަށް އެކި ގޮތްގޮތުން އެހީވެފައިވާ ފަރާތްތަކަށާއި، ސްކޫލުގައި ގިނަ އަހަރުތަކެއް ވަންދެން މަސައްކަތްކޮށްފައިވާ މުދައްރިސުންނާއި، މުއައްޒަފުންނަށް، އެކަން ފާހަގަކޮށް ހަނދާނީ ފިލާ ދެއްވާފައެވެ.