މިރެއަކީވެސް އޮނަހިރި ރެއެއް؛ ފަލަސްޠީނުގައި މިސްކިތެއް ބިނާ ކުރަން އެހީވެލަމާ!
ދިވެހީންގެ އެހީއާއެކު ފަލަސްތީނުގައި މިސްކިތެއް ބިނާ ކުރުމަށް އިންޓަނޭޝަނަލް އެއިޑް ކެމްޕޭން (އައިއޭސީ)އިން ކުރަމުންދާ މަސައްކަތަށް އެހީވުމުގެ ފުރުސަތު ހުޅުވާލެވިފައިވާ ކަމަށް އެ ޖަމިއްޔާ އިން ބުނެފި އެވެ.
އައިއޭސީން ބުނީ މިއީ އެ ޖަމިއްޔާއިން ހިންގާ ތަޖްރީގެ ޕްރޮޖެކްޓްގެ ތެރެއިން ހިންގާ ޕްރޮޖެކްޓެއް ކަމަށެވެ. ތަޖްރީގެ ތެރެއިން ޖުމްލަ 4 މިސްކިތެއް އެޅުމަށް އައިއޭސީއިން އަންނަނީ މަސައްކަތް ކުރަމުންނެވެ. އަދި ތަޖްރީ ޕްރޮޖެކްޓަށް ކޮންމެ ވަގުތަކުވެސް ކޮންމެ އަދަދެއްވެސް ދެވޭނެ ކަމަށާ އެއީ ދެމިގެންދަނިވި ޞަދަޤާތުގެ ފަންޑެއްކަމަށްވެސް އެޖަމިއްޔާ އިން ބުނެއެވެ. އެގޮތުން، މިސްކިތް ބިނާ ކުރުމުގެ އިތުރުން ސްކޫލް، ކޮމިޔުނިޓީ ސެންޓަރު ފަދަ ދެމެހެއްޓެނިވި ސަދަގާތްތަށް ދިވެހިންގެ ދީލަތި އެހީ އާއިއެކު މި ޕްރޮޖެކްޓް ގެ ދަށުން ކުރިއަށް ދާނެކަން އެޖަމިއްޔާއިން މައުލޫމާތުދެއެވެ.
ތަޖްރީގެ ދަށުން އަޅާ ހަތަރު މިސްކިތުގެ ތެރެއިން ފަލަސްޠީނުގައި އަޅާ މިސްކިތަކީ ތިން ފަންގިފިލާ ގެ މިސްކިތެއް ކަމަށް އައިއޭސީން މައުލޫމާތު ދެއެވެ. އަދި އެއީ ޖާގައިގެ ގޮތުން ތަނަވަސް ހިތްގައިމު މިސްކިތަކަށް ވާނެ ކަމުގެ ޔަގީންކަން އެ ޖަމިއްޔާ އިން ދެއެވެ.
"އަޅުގަނޑުމެންގެ އުންމީދަކީ މި ހިނގާ ރަމަޟާން މަސް ނިމުމުގެ ކުރިން މި ހަތަރު މިސްކިތަށް ފަންޑްލިބި މަސައްކަތް ފެށުން" އައިއޭސީން ބުނެ އެވެ.
މިއީ ދިވެހިންގެ އެހީގައި ފަލަސްޠީނުގައި އެޅޭ ފުރަތަަމަ މިސްކިތް ކަމަށް ވާއިރު މި ބަރަކާތްތެރި ރަމަޟާން މަހުގެ ފަހު ދިހައިގެ މި ދުވަސްތަކާއި ރޭ ތަކުގައި، މި މަތިވެރި ޝަރަފާއި ދަރުމަ ލިބެނިވި އަޅުކަމުގައި ބައިވެރިވުމަށް ބޭނުންވާ ފަރާތްތަކުން އަންނަނިވި އެކައުންޓަަށް ފައިސާ ޖަމާ ކުރުމުން އެކަން ހަމަޖެހިގެން ދާނެ ކަމަށް އައިއޭސީ އިން ބުނެއެވެ.
ބީއެމްއެލްގެ އިސްލާމިކް އެކައުންޓް
އެކައުންޓް ނަންބަރު: 7770000062742
އެކައުންޓް ނަން: International Aid Campaign
އެކައުންޓް ލޭބަލް: Sadaqa Jariya
އައިއޭސީގެ ޕްރޮޖެކްޓްގެ އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
