އެއްވެ އުޅުމުގެ މިނިވަންކަން ހޯދީ އެތައް ރައްޔިތުންގެ ޤުރުބާނީ އިން: ޢަލީ ހުސެއިން
އެއްވެއުޅުމުގެ މިނިވަންކަން ހޯދީ އެތައް ރައްޔިތުންނެއްގެ ޤުރުބާނީއިން ކަމަށް ކެންދޫ ދާއިރާގެ މެމްބަރު ޢަލީ ހުސެއިން ވިދާޅުވެއްޖެއެވެ.
ޢަލީ ހުސެއިން މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޢަލީ ހުސެއިންގެ ޓްވީޓުގައި ވިދާޅުވެފައިވަނީ އެއްވެ އުޅުމުގެ މިނިވަން ކަމަކީ އެތަކެއް ރައްތިތުންގެ މިންނެތް މަސައްކަތާއި ޤުރުބާނީން ޙޯދާފައިވާ އަސާސީ ހައްޤެއްކަމަށެވެ.
"މި ސަރުކާރުންވެސް އެ ހައްޤު މި 5 އަހަރު ދުވަހު ހިފަަހައްޓާާާފައި ވަނީ ޤާނޫނު އަސާސީއާ ޚިލާފަށް. އިތުރަކަށް ނުހިފެހެއްޓޭނެ އިންޝާ الله" ޢަލީ ހުސެއިން ވިދާޅުވެފައިވެއެވެ.
ޢަލީ ހުސެއިން މިހެން ވިދާޅުވެފައިމިވަނީ ރޭ މ ދިއްގަރުގައި ބޭއްވި އެމްޑީޕީ ކެމްޕޭނު ޖަލްސާގައި ޢަދާލަތު ޕާޓީގެ ރައީސް ޢިމްރާން ޢަބްދުالله ދެއްކެވި ވާހަކަފުޅާއި ގުޅިގެނެވެ.
ޢިމްރާން ވިދާޅުވީ އިއްޔެ ރަށަށް އެރި އިރު އިދިކޮޅުން ދެއްކި މަންޒަރަކީ ރާއްޖޭގެ 2021 ވަނަ އަހަރުގެ ހާލަތާ އެއްގޮތަކަށް ވެސް މުނާސަބު ގާބިލު ވައްތަރު ހާލަތެއް ނޫންކަމަށެވެ. އަދި އެބޭފުޅުން އެތިއްބެވީ އެ ހާލަތު 2000 ގެ ކުރީ ކޮޅަށް ލައި، މާޒީގެ ސަފުހާ ތަކަށް ލައި ނިންމައިގެން ކަމަށެވެ.
ޢިމްރާން ވިދާޅުވީ، ދެން މުޒާހަރާ ކުރަން ޖާގައެއް ނުދޭނެ ކަމަށާއި ރާއްޖޭގެ ސިޔާސީ ހަރަކާތް ހިންގަން ދެނެއް "ގަޔަށް ބޮލަށް އަރާ، ފެން އުކާ ވެލި އުކާކަށް ޖާގައެއް ނުދޭނެ" ކަމަށެވެ. އަދި ސިޔާސީ ހަރަކާތް ހިންގުމަށް އަބަދު ކުރަން އޮތް ކަމަކީ މުޒާހަރާ ކުރުން ކަމަކަށް ނުދޭނެ ކަމަށްވެސް އޭނާ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
