ރައީސް ޞާލިހު މ އަތޮޅަށާއި ވ އަތޮޅަށް ކުރެއްވި ކެމްޕެއިން ދަތުރުފުޅު ނިންމަވާލައްވައިފި

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މ އަތޮޅަށާއި ވ އަތޮޅަށް ކުރެއްވި ކެމްޕެއިން ދަތުރުފުޅު ނިންމަވާލައްވާފިއެވެ.

އެގޮތުން މ އަތޮޅުގެ ރަށްތަކުގެ ތެރެއިން ރައީސް ޞާލުހު ވަޑައިގެންފައިވަނީ ކޮޅުފުށި، މުލި، ނާލަފުށި، މުލަކު، ރަތްމަންދޫ، މަޑުއްވަރީ، ދިއްގަރު އަދި ވޭވަށަށެވެ.

މިއާއިއެކު ވ އަތޮޅުގެ ރަށްތަކުގެ ތެރެއިން ރައީސް ޞާޅިހު ވަޑައިގެންފައިވަނީ ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫ އަށެވެ.

އެމަނިކުފާނުގެ އަރިހުގައި ދައުލަތުގެ ވަޒިރުންނާއި ރައްޔިތުން މަޖިލީހުގެ މެމްބަރުންނާއި ކޯލިޝަންގެ އިސް ބޭފުޅުން ވަނީ ވަޑައިގެންފައެވެ.

އަދި ކޮންމެ ރަށެއްގައި ބޭއްވުނު ރަސްމިއްޔާޓުގައި ވާހަކަފުޅު ދައްކަވައި އެނިކުފާނު ވަނީ ބައެއް ރަށްރަށުގައި ނިމިފައި ހުރި މަޝްރޫއުތައް އިފްތިތާހް ކޮށްދެއްވާފައެވެ.

ރައީސް ޞާޅިހުގެ ވާހަފުޅުގައި އެމަނިކުފާނު ވަނީ ކޮންމެ ރަށެއްގައި ވެސް 2018 ވަނަ އަހަރު އެމަނިކުފާނު ވެރިކަމަށް އައިރު ވެފައިވާ ވައުދުތަކަށް އަލިއަޅުވާލައި، ކުރިއަށް އޮތް ރިޔާސީ އިންތިޚާބުގައި އެމަނިކުފާނަށް އިތުރު ދައުރެއް ލިބިއްޖެނަމަ ކޮށްދެއްވާނެ ކަންތައްތަކުގެ ވާހަކަފުޅު ދައްކަވާފައެވެ.

ބައެއް ރަށްރަށުގައި އިދިކޮޅު ޕީޕއެމް އަށް ތާއީދު ކުރައްވާ ރައްޔިތުން ވަނީ ރައީސް ޞާލިހު ވަޑައިގަތުމުން މުޒާހަރާވެސް ކޮށްފައެވެ.

މިއަދު މި ދަތުރުފުޅު ނިންމާލައްވާ ނޫސްވެރިންގެ ބައްދަލުވުމުގައި ވަނީ ވާހަކަފުޅު ދައްކަވާފައެވެ.

އެގޮތުން ރަނިންގ މޭޓުގެ މަޝްބަރާ ކުރިއަށް ދާކަމަށާއި ރައީސް ނަޝީދުގެ ދަ ޑިމޮކްރެޓްސްއަށް ވުރެ ޕީޕީއެމް ޗެލެންޖަކަށް ވާނެ ކަމަށް ރައީށް ޞާލިހު ވަނީ ވިދާޅުވެފައެވެ

މިދިޔަ ހަފްތާގައި ރައީށް ޞާލިހާއި އެމަނިކުފާނުގެ ކެމްޕެއިން ޓީމް ވަނީ ށ އަތޮޅާއި ކ ގުރައިދޫގެ ދާއިރާގެ ރަށްރަށަށްވެސް ވަޑައިގެންފައެވެ.