ހޯރަފުށީ ކައުންސިލުން ބާއްވާ "ރަންއަޑު" ޤްރުއާން މުބާރާތް ޑިސެމްބަރު 22 ގައި

ހޯރަފުށީ ކައުންސިލްގެ "ރަންއަޑު" ޤުރްއާން މުބާރާތް 2023 މިމަހުގެ 22 ވަނަ ދުވަހު ފެށުމަށް ހަމަޖެހިއްޖެ އެވެ.

ހޯރަފުށީ ކައުންސިލްގެ ރައީސް މުހައްމަދު ވަހީދު ވޮއިސްއަށް މައުލޫމާތު ދެއްވަމުން ވިދާޅުވީ މި މުބާރާތަކީ ހޯރަފުށީ ކައުންސިލްގެ ފަރާތުން އިންތިޒާމްކޮށްގެން ހއ. އަދި ހދ. އަތޮޅުގެ ރަށްތަކަށް ބައިވެރިވުމުގެ ފުރުސަތު ހުޅުވާލެވިގެން ބާއްވާ މުބާރާތެއްކަމަށެވެ. އަދި މިއަހަރުގެ މުބާރާތުގައި ބައިވެރިވުމަށް ބޭއްވުނު އޮޑިޝަންގައި ބައިވެރިވި ދަރިވަރުންގެ ތެރެއިން ހޮވުނު 25 ދަރިވަރުންގެ މެދުގައި މުބާރަތް ކުރިއަށް ގެންދިއުމަށް ހަމަޖެހިފައިވަނީ ޑިސެމްބަރު މަހުގެ 22 ން 24 ވަނަ ދުވަހުގެ ނިޔަލަށެވެ.

މުބާރާތް ކުރިއަށް ގެންދިއުމަށް ހަމަޖެހިފައިވަނީ ހަތަރު ބުރަކަށް ބަހާލެވިގެންނެވެ. އެއީ ހަނަފީ، މާލިކީ، ހަންބަލީ، އަދި ޝާފިޢީ އެވެ. އަދި މުބާރާތުގެ އެއްވަނަ ހޮވޭ ފަރާތްތަކަށް 30,000 ރުފިޔާގެ ފައިސާގެ އިނާމެއް ހުށަހަޅާފައިވާއިރު، މުބާރާތުގެ ދަންފަޅިތައް އަޑުއެހުމަށްދާ ފަރާތްތަކުގެ މެދުގައި ނަސީބުވެރި ފަރާތެއް ހޮވައި އިނާމު ދިނުމަށްވެސް ވަނީ ހަމަޖެހިފައެވެ.

އެގޮތުން ކޮންމެ ދަންފަޅިއަކުންވެސް ދަރިވަރަކު އަދި އާއްމުންގެ ތެރެއިިން ގުރުއަތުން ހޮވޭ ފަރާތްތަކަށް އިނާމު ދިނުމަށް ވަނީ ހަމަޖެހިފައެވެ. ޢަދި މުބާރާތުގެ އިސް ފަނޑިޔާރުގެ ގޮތުގައި އިންސާފުކުރައްވަނީ މިދާއިރާގެ ތަޖުރިބާކާރު ބޭފުޅެއްކަމުގައިވާ އަލްޤާރީ އިބްރާހީމް ޝިފާޢު އެވެ.

އިތުރަށް ވާހަކަ ދައްކަމުން މުހައްމަދު ވަހީދު ވިދާޅުވީ މި މުބާރާތަށް ގިނަ އަދަދެއްގެ އިނާމް ހުށަހަޅާފައިވާކަމަށެވެ.