ޕޯލިއޯ ވެކްސިން ދިނުމުގެ ދެވަނަ ބުރު ޣައްޒާގައި ފަށައިފި
ފަލަސްތީނުގެ ޣައްޒާގައި ދިރިއުޅެމުންދާ ކުޑަކުދިންނަށް އަމާޒުކޮށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ފަށާފައިވާ ޕޯލިއޯ ވެކްސިން ކެމްޕޭންގެ ދެވަނަ ބުރު ފަށައިފިއެވެ.
މިއީ ޑަބްލިއުއެޗްއޯގެ އިތުރުން، އދ ގެ ކުޑަކުދިންގެ ހައްގުތަކަށް މަސައްކަތްކުރާ ޖަމިއްޔާ (ޔުނިސެފް) އާއި ފަލަސްތީނުގެ ރެފިއުޖީންގެ ހައްގުގައި މަސައްކަތްކުރާ ޖަމިއްޔާ (އަންރުއާ) ގެ އިތުރުން ފަލަސްތީނުގެ ރެޑް ކްރެސެންޓާއި ގުޅިގެން ފަށާފައިވާ ކެމްޕޭނެކެވެ.
މިކަމާއި ގުޅިގެން އަންރުއާ އިން ބުނީ، މި ބުރުގައި އަމާޒަކީ ދިހަ އަހަރުން ދަށުގެ 590,000 ކުޑަކުދިންނަށް ޕޯލިއޯ ވެކްސިންގެ ދެވަނަ ޑޯޒް ދިނުންކަމަށާއި، މިއީ ތިން ދުވަހު ކެމްޕޭނެއް ނަމަވެސް، އިތުރު ދުވަހަކަށް މުއްދަތު އިތުރުކުރުން އެކަށީގެންވާކަމަށެވެ.
މި ކެމްޕޭން ޖުމްލަ 5 ކްލިނިކެއްގައި ކުރިއަށްދާއިރު، މި ކެމްޕޭންގެ ތެރެއިން ވެކްސިންގެ އިތުރުން، ވިޓަމިން އޭ ހިމެނޭ ބޭސް ވެސް ދިނުމަށް ވަނީ ހަމަޖެހިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
