ޖަނާޒާގެ ތެރެއިން- ފޮޓޯ/ އަލްޖަޒީރާ
ޖަނާޒާގެ ތެރެއިން- ފޮޓޯ/ އަލްޖަޒީރާ
ދުނިޔެ 02 Oct 2026 | 10:46

އިސްރާއީލުން ޣައްޒާއަށް ދިން ހަމަލާތަކުގައި ޝަހީދުވި 105 މީހެއްގެ ޖަނާޒާ ބާއްވައިފި

އިސްރާއީލުން ޣައްޒާ ސިޓީއަށް ދިން ޢުދުވާނީ ހަމަލާތަކުގައި ޝަހީދުވި ފަލަސްތީނުގެ 105 މީހެއްގެ ހަށިގަނޑު އިމާރާތްތަކުގެ ދަށުން ހޯދައި، އެމީހުންގެ ޖަނާޒާ ބާއްވައި ފަސްދާނުލައިފިއެވެ.

ފަލަސްތީނުގެ ރަސްމީ ޚަބަރު ފަތުރާ ވަފާ އެޖެންސީން ރިޕޯޓުކޮށްފައިވާ ގޮތުގައި، އެމީހުންގެ މައްޗަށް ކަށުނަމާދު ކުރުމަށްފަހު ފަސްދާނުލާފައިވަނީ ޣައްޒާ ސިޓީގެ އުތުރު ހުޅަނގުގައި އޮންނަ ޝައިޚް ރަޟްވާން އަވަށުގެ ޝަހީދުންގެ ގަބުރުސްތާނުގައެވެ. މި ޖަނާޒާގައި އެތައް ސަތޭކަ ބަޔަކު ވަނީ ބައިވެރިވެފައެވެ.

މި ހަށިގަނޑުތަކަކީ އޮކްޓޫބަރު 25، 2023 ގައި އިސްރާއީލުން ޔަރްމޫކް މައިދާނުގައި ހުރި ހަތް ބުރީގެ އަލް-ތާޖް 3 އިމާރާތާއި ކައިރީގައި ހުރި އެހެން ގެތަކަށް އަމާޒުކޮށް 20 އަށް ވުރެ ގިނަ ބޮން އަޅައި ބިމާހަމަކޮށްލި ހާދިސާގައި ޝަހީދުވި މީހުންގެ ހަށިގަނޑުތަކެވެ. ޝަހީދުވި ގިނަ މީހުންނަކީ ޣައްޒާގެ އުތުރުން ގެދޮރު ގެއްލިގެން ރައްކާތެރިކަން ހޯދުމަށް އާއިލާތަކުގެ ގާތަށް އައިސް ތިބި އާންމުންނެވެ.

ޣައްޒާގެ ސިވިލް ޑިފެންސުން ބުނި ގޮތުގައި އިމާރާތްތަކުގެ ދަށުން ހަށިގަނޑުތައް ނެގުމުގެ މަސައްކަތް ކޮށްފައިވަނީ މިސްރުގެ ކޮމިޓީއަކާ ގުޅިގެންނެވެ. މިއީ ޤަތުލްއާއްމު ފެށުނު ފަހުން މިހާތަނަށް އެއްފަހަރާ އެންމެ ގިނަ އަދަދަކަށް ހަށިގަނޑު ފެނިގެން ނެގުނު ފަސްވަނަ އޮޕަރޭޝަނެވެ.

ސިވިލް ޑިފެންސް އޮޕަރޭޝަންސްގެ ޑިރެކްޓަރު އަބްދުލް އަލް-މަޖްދަލާވީ ވިދާޅުވީ، ހަމަލާ ދިން ދުވަސްވަރު އެ ހަށިގަނޑުތައް ނެގުމަކީ ކުރެވޭނެ ކަމެއް ނޫން ކަމަށެވެ. ސަބަބަކީ މަސައްކަތް ކުރުމަށް ބޭނުންކުރާ ބުލްޑޯޒަރުތަކާއި ވެހިކަލްތަކަށް އިސްރާއީލު ސިފައިން ގަސްދުގައި ހަމަލާދީ ހަލާކުކޮށްލަމުން ދިއުމެވެ.

މި ހަމަލާގައި އެއް އާއިލާއަކުން 37 މީހުން ޝަހީދުވި އުސާމާ ޝަރަފް ބުނި ގޮތުގައި، ހަނގުރާމައިގެ ކުރީކޮޅު ބައެއް މީހުންގެ ހަށިގަނޑު ފެނުނު ނަމަވެސް، އޭނާގެ މައިންބަފައިންނާއި އެއްބަނޑު އެއްބަފާ އެންމެން ހިމެނޭހެން އާއިލާގެ 16 މީހެއްގެ ހަށިގަނޑު ފެނުނީ މިފަހަރުއެވެ.

ފާއިތުވި އަހަރު ގަތުލްއާއްމު ހުއްޓާލުމަށް އެއްބަސްވުމެއް ގާއިމުކުރެވުނު ނަމަވެސް، އިސްރާއީލުން ގެންދަނީ އެ އެއްބަސްވުމާ ތަކުރާރުކޮށް ޚިލާފުވެ ޣައްޒާއަށް ހަމަލާތައް ދެމުންނެވެ. އެގޮތުން ވޭތުވެދިޔަ 24 ގަޑިއިރު ތެރޭގައި ވެސް އިސްރާއީލުގެ ހަމަލާތަކުގައި ނޫސްވެރިއަކާއި ކުޑަކުއްޖަކު ހިމެނޭހެން 8 މީހުން ޝަހީދުވެފައިވެއެވެ. އަދި ގަތުލްއާއްމު ”ހުއްޓާލި“ ފަހުން ވެސް އިސްރާއީލުގެ ހަމަލާތަކުގައި 1،431 އަށް ވުރެ ގިނަ ފަލަސްތީނު ރައްޔިތުން ވަނީ ޝަހީދުކޮށްލާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި
22 Nov 2026 ދުނިޔެ

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި

2035 ވަނަ އަހަރު އަންނަންވާއިރަށް ދުނިޔޭގެ އެންމެ ބޮޑު އާބާދީ އޮތް ދީނަކަށް އިސްލާމްދީން ވެގެންދާނެ ކަމަށް ދިރާސާއަކުން ދެއްކުމާ ގުޅިގެން، ކައިވެނިކޮށް ގިނައިން ދަރިން ހޯދުމަށް އެމެރިކާގެ ކުރީގެ ވައިޓް ހައުސް ޕްރެސް ސެކްރެޓަރީ ކެރޮލައިން ލީވިޓް ކްރިސްޓިއަނުންނަށް ގޮވާލައިފިއެވެ.

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި
22 Nov 2026 ދުނިޔެ

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި

އިސްރާއީލުގެ އާ ސަރުކާރެއް އެކުލަވާލުމުގެ މަސްއޫލިއްޔަތު ހަވާލުކުރެވިފައިވާ ކުރީގެ އަސްކަރީ ވެރިޔާ ގާޑީ އައިޒެންކޮޓް، ބެންޖަމިން ނަތަންޔާހޫގެ ކަނާތުފިޔައިގެ ލިކުޑް ޕާޓީއާ އެކު ކޯލިޝަން މަޝްވަރާތައް ފެށުމަށް ދައުވަތު ދީފިއެވެ.

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ
22 Nov 2026 ދުނިޔެ

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ

އުމުރުން ދުވަސްވާއިރު ދީނީ އަދި ރޫޙާނީ ކަންކަމަށް ލޯބިކުރާ މީހުންނަށް ދިރިއުޅުމުގައި ލިބޭ އުފާވެރިކަމާއި، ދިރިއުޅުމުގެ ފެންވަރު މާ ބޮޑަށް ރަނގަޅު ކަމަށް ބައިނަލްއަޤްވާމީ ފެންވަރުގައި ކުރެވުނު ދިރާސާއަކުން ދައްކައިފިއެވެ.

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި
18 Nov 2026 ދުނިޔެ

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި

އިސްރާއިލުން، ފަލަސްޠީނުގެ ހުޅަނގު އައްސޭރީގައި ބިން ފޭރުން އިތުރުކުރަމުންދާ މައްސަލައާ ގުޅިގެން، އިސްރާއީލުގެ ތިން ފަރުދަކަށާއި ހަތަރު ޖަމާޢަތަކާ ދެކޮޅަށް އޮސްޓްރޭލިޔާ ސަރުކާރުން ދަތިކުރުމުގެ ފިޔަވަޅު އަޅައިފިއެވެ.

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު
15 Nov 2026 ހަބަރު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ އެ ޤައުމުގެ ވެރިރަށް ކަމުގައި ކަނޑައަޅައިގެން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ
14 Nov 2026 ދުނިޔެ

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ

ފަލަސްތީނުގެ ރަސްމީ ނޫސް އެޖެންސީ، ވަފާއާ ހަވާލާދީ 'ކޮލޮނައިޒޭޝަން އެންޑް ވޯލް ރެސިސްޓެންސް ކޮމިޝަން' އިން މިކަން ވަނީ ކަށަވަރުކޮށްދީފައެވެ.

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް
12 Nov 2026 ދުނިޔެ

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް

އިސްރާއީލުން ދިން މި ހަމަލާގައި 6 މީހަކު ޝަހީދުވެ، މަދުވެގެން 20 މީހަކު ވަނީ ޒަހަމްވެފައެވެ.

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި
12 Nov 2026 ހަބަރު

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި

އިސްރާއީލުގެ ޓެރަރިސްޓް އިސްތިއުމާރީ ބާރުތަކުން ޣައްޒާގެ އެކި ސަރަޙައްދުތަކަށް ދިން ވަރުގަދަ ޙަމަލާތަކެއްގައި މަދުވެގެން ފަލަސްޠީނުގެ 9 މީހަކު ޝަހީދުކޮށްލައިފިއެވެ. މި ޙަމަލާތައް ދީފައި މިވަނީ، ޣައްޒާއަށް ބޯކޮށް ވާރޭވެހި ފެންބޮޑުވުމުގެ ސަބަބުން ޙާލުގައި ޖެހިފައިވާ އެތައް ލައްކަ ރައްޔިތުންނަށް ފެން ނުވަންނަ ފަދަ ޓެންޓުތައް ފޯރުކޮށްދިނުމަށް އދ. އިން އިލްތިމާސެއް ކޮށްފައިވާ ދަނޑިވަޅެއްގައެވެ.