ވަޒީފާއާއި ބެހޭ ގާާނޫނަށް ގެނައުމަށް ނިންމި އިސްލާހުތައް ބަދަލުކުރަން ނިންމައިފި
ދިވެހިރާއްޖޭގެ ވަޒީފާއާއި ބެހޭ ގާނޫނަށް އިސްލާާހު ގެނައުމަށް ސަރުކާރުގެ ފަރާތުން ހުށައެޅި ބިލްގައިވާ ބައެއް ކަންތައްތައް ބަދަލުކުރުމަށް ނިންމައިފިއެވެ.
ސަރުކާރުގެ ފަރާތުން ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެންބަރު އަހުމަދު އީސާ ހުށައެޅުއްވި މި ބިލްގައިވާ ބައެއް ކަންތައްތަކާއި މެދު އާންމުންގެ ތެރެއިން ގިނަބަޔަކު ވަނީ ކަންބޮޑުވުން ފާޅުކޮށްފައެވެ. އެގޮތުން ޕްރޮބޭޝަންގެ މުއްދަތު ހަމަސް ދުވަހަށް ހެދުމަށް ހުށައެޅުމާއި، އެންމެ ދުވަހަކު ސަލާާމް ބުންޏަސް މެޑިކަލް ސެޓްފިކެޓެއް ހުށައަޅަން ޖެހުން ހިމެނެއެވެ.
މިއަދުގެ ވަގުތެއްގައި ކުރެއްވި ޓްވީޓެއްގައި އިކޮނޮމިކް މިނިސްޓަރ ފައްޔާޒް އިސްމާއިލް ވިދާޅުވީ އެ ގާނޫނަށް ގެންނަން ހުށަހަޅާފައިވާ އިސްލާހުތަކުގެ ތެރޭގައި ހިމެނޭ ޕްރޮބޭޝަންގެ މުއްދަތާއި ބަލިވެގެން ސަލާމް ބުނާ ކޮންމެ ފަހަރަކު އެމްސީއެއް ގެންނަންޖެހޭގޮތަށް ހުށަހަޅާފައިވާ އިސްލާހުތަކާއި މެދު ކަންބޮޑުވުންތަކެއް އެބަހުރިކަމަށެވެ.
އެހެންކަމުން އެ އިސްލާހުތަކަށް ކޮންމެހެން ގެންނަންޖެހޭ ބަދަލުތައް ގެނެސް އެކަމަށް ރަނގަޅު ހައްލެއް ހޯއްދަވާނެކަމަށް މިނިސްޓަރ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
