ރައީސް ޔާމީން ކޯޓަށް ވަޑައިގަންނަވަނީ/ ފޮޓޯ: ޕީއެސްއެމް
ރައީސް ޔާމީން ކޯޓަށް ވަޑައިގަންނަވަނީ/ ފޮޓޯ: ޕީއެސްއެމް
ހަބަރު 18 May 2023 | 12:26

މި ސަރުކާރަށް ފުއްދުނީ ރައީސް ޔާމީނު ޖަލަށް ލުމުގެ ވައުދު އެކަނި: މެމްބަރު ނަޝީދު

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ މި ސަރުކާރަށް ފުއްދުނު ހަމައެކަނި ވައުދަކީ ކުރީގެ ރައީސް އަބްދުالله ޔާމީން އަބްދުލްގައްޔޫމު ޖަލަށް ލާނެކަމަށް ވީ ވައުދު ކަމަށް ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެމްބަރު މުޙައްމަދު ނަޝީދު އަބްދުالله ވިދާޅުވެއްޖެ އެވެ.

އޭނާ މިފަދައިން ވިދާޅުވެފައިވަނީ ރައްޔިތުންގެ މަޖިލީހުގެ ދެވަނަ ދައުރުގެ ފުރަތަމަ ޖަލްސާގައި ވާހަކަދައްކަވަމުން ނެވެ.

އެގޮތުން މޮސްޓާ ވިދާޅުވީ މި ސަރުކާރު ގެންނަންވީ ވައުދުތަކުގެ ތެރެއިން އެއްކަމެއްގެ ގޮތުގައި ވައުދުވީ 2013 އިން 2018 ވަނަ އަހަރުގެ ނިޔަލަށް ވެރިކަން ކުރެއްވި އަބްދުالله ޔާމީން އަބްދުލްގައްޔޫމު ޖަލަށް ލުމުގެ ވައުދު ކަމަށެވެ.

ކޯޓުތަކަށް ނުފޫޒު ފޯރުވައިގެންނާއި، ބޭނުންވާ ވަގުތުތަކުގައި ކޯޓުތައް ހުޅުވައިގެން ނަމަވެސް ރައީސް ޔާމީންގެ ޝަރީއަތްތައް ހިންގާ އެމަނިކުފާނު ޖަލަށް ލުމުގެ ވައުދު މި ސަރުކާރުން ވަރަށް ރަނގަލަށް ފުއްދާފައިވާ ކަމަށާއި، އެ ނޫން އެއްވެސް ވައުދެއް މި ސަރުކާރުން ފުއްދާފައި ނުވާކަމަށް މޮސްޓާ ވިދާޅުވި އެވެ.

"ހަމައެކަނި މި ސަރުކާރަށް ފުއްދުނު ވައުދަކީ ސަރުކާރަށް އަންނަން ވެގެން ބުނި ކުރީގެ ރައީސުލްޖުމްހޫރިއްޔާ ކާމިނީގޭ ހުޅަނގުގޭ އަބްދުالله ޔާމީން އަބްދުލްގައްޔޫމެއް ނޫން.. 2013 ވަނަ އަހަރު ނޮވެމްބަރު މަހުގެ 17 ވަނަ ދުވަހުން ފެށިގެން 2018 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހާއި ހަމަޔަށް ދިވެހިރާއްޖޭގައި ވެރިކަން ކުރި ރައީސުލްޖުމްޙޫރިއްޔާ ޖަލަށްލާން. އެ ވައުދުނޫން އެއްވެސް ވައުދެއް އެގޮތް ތޯ ފުއްދިފަ؟

ނޮޅިވަރަމް ދާއިރާގެ މެމްބަރު މުޙައްމަދު ނަޝީދު އަބްދުالله

އޭނާ މިފަދައިން ވިދާޅުވެފައިވާއިރު ވާދަވެރި ސިޔާސީ ލީޑަރު އަދި ޕީޕީއެމްގެ ރިޔާސީ ކެންޑިޑޭޓު ރައީސް ޔާމިން މިވަގުވެސް ގެންދަވަނީ އެމްއެމްޕީއާރުސީގެ މެދުވެރިކޮށް ވ އާރަށް ކުއްޔަށް ދޫކުރުމުގެ މުއާމަލާތާއި ގުޅުވާ އެމަނިކުފާނުގެ މައްޗަށް މިދިޔަ ޑިސެމްބަރު މަހުގެ 25 ވަނަ ދުވަހު ކުރި 11 އަހަރުގެ ޖަލު ހުކުމް ތަންފީޒު ކުރައްވަމުންނެވެ.

މީގެކުރިން ވޮޑުމުއްލާ މައްސަލައިގައި ރައީސް ޔާމީންގެ މައްޗަށް އިއްވި ޖަލުހުމުމާއި ގުޅިގެން އެމަނިކުފާނަށް 700 އަށްވުރެ ގިނަ ދުވަސް ޖަލުގައި ހޭދަކުރައްވަން ޖެހިވަޑައިގަތެވެ.

އެފަހަރު އެމަނިކުފާނު މިނިވަންވެ ވަޑައިގަތީ ވޮޑުމުއްލާ މައްސަލައިގެ ހުކުމް ރާއްޖޭގެ ސުޕްރިމް ކޯޓުން ބާތިލުކޮށް އެމަނިކުފާނަކީ މައުސޫމު ބޭފުޅެއްކަމަށް ކަނޑައެޅުމާއި ގުޅިގެންނެވެ.

އާރަށު މައްސަލައިގެ ހުކުމް ތަންފީޒުކުރައްވަމުންދާއިރު، މިހާރުވެސް ދަށުކޯޓުގައި އެމްއެމްޕީއާރުސީގެ ޚިޔާނާތާއި ގުޅުވާ އުފުލާފައިވާ އިތުރު މައްސަލައެއްގެ ޝަރީއަތް ވަނީ ފަށާފައެވެ.

އެމްއެމްޕީއާރުސީގެ ޚިޔާނާތުގައި ބައިވެރިވިކަމަށް 270 މީހުންގެ ލިސްޓެއް އެކުލަވާލާފައިވާއިރު، ރައީސް ޔާމިނަށް އަމާޒުކޮށްގެން ފުލުފުލުގައި ދައުވާތައް އުފުލަމުންދާތީ ގިނަބައެއްގެ ފާޑުކިޔުން ދަނީ އަމާޒުވަމުންނެވެ.

އެގޮތުން ރައީސް ޔާމިންގެ މައްޗަށް އެކަނި ދައުވާތައް އުފުލުމަކީ އިންސާފު ނޫންކަމަށާއި، އެއީ ރައީސް ޞާލިހުގެ ރިޔާސީ ވާދަވެރިޔާއަށް ވީތީ، އެމަނިކުފާނު ސިޔާސީ މައިދާނުން އެއްފަރާތްކޮށް އެކަހެރި ކުރުމަށް ހިންގާ ޚުދުމުހުތާރު އަމަލެއްގެ ގޮތުގައި އިދިކޮޅު އިއްތިހާދުން ވެސް ގެންދަނީ ސިފަކުރަމުން ނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.