ޖޭޕީ އިން ސަރުކާރާއި އެކު މަސައްކަތް ކުރަން ބޭނުން ނޫންނަމަ ސަރުކާރުން ވަކިވާންވީނު: ޝަރީފް
ޖުމްހޫރީ ޕާޓީ އިން ސަރުކާރާއި އެކު މަސައްކަތް ކުރަން ބޭނުން ނޫންނަމަ ސަރުކާރުން ވަކިވުމަށް މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ޝަރީފް މިހެން ވިދާޅިވެފައިވަނީ އޭނާ ކުރައްވާފައިވާ ޓްވީޓެއްގައެވެ.
"ސަރުކާރާއި އެކު މަސައްކަތް ކުރަން ބޭނުން ނުވަންޏާ ދެން އަވަހަށް ސަރުކާރުން ވަކިވާންވީނު، ދެއިރު ދެދަޅަޔަށް އެހެން ނުކިޔާ" ޝަރީފްގެ ޓްވީޓުގައި ވިދާޅުވެފައިވެއެވެ.
ޝަރީފް ކުރައްވާފައިވާ އެހެން ޓްވީޓެއްގައި ވިދާޅުވެފައިވަނީ ޤާސިމް އިބްރާހިމާއި މުޙައްމަދު ނަޝީދާއި ނުލައި މިފަހަރު އެމްޑިޕީގެ ކެނޑިޑޭޓް އިބްރާހިމް މުހައްމަދު ޞާލިޙް އިންތިޚާބު ފަސޭހަ ކަމާއި އެކު ކާމިޔާބު ކުރައްވާނެ ކަމަށެވެ.
އަދި ރައްޔިތުން ބޭނުންވަނީ މަސަލަސް ކަން ކަމަށާއި ތަފާތުނުކޮށް އެންމެންނަށް ތަރައްޤީގެ ފޮނި މީރު ކަމާއި ބޯހިޔާވަހިކަން ލިބުންކަމަށެވެ.
މިއާއި ގުޅިގެން ކުރައްވާފައިވާ އެހެން ޓުވީޓެއްގައި ވިދާޅުވެފައިވަނީ މިފަހަރު ޖުމްހޫރީ ޕާޓީ ގެ ބަދަލުގައި ހަމަ އެވަރުގެ އަނެއް ޕާޓީ އެމްޑީއޭ އެ އޮތީ އެމްޑީޕީ އާއި އެކު ކޯލިޝަން ހަދައިފައިކަމަށެވެ.
"ވީމާ މިފަހަރު ގެ ކޯލިޝަންވެސް ވަކި ކުޑައެއް ނޫން، ހާސް ކަމެއް ނެތް" ޝަރީފް ވިދާޅުވެފައިވެއެވެ.
ޖޭޕީއިން ސަރުކާރާއި އެކު ކޯލިޝަން ހަދައިފައިވަނީ މިހާރު ހިނގަމުންދާ ސަރުކާރު ގެނައުމަށެވެ. އެއާއި އެކު އަދިވެސް ސަރުކާރުގައި ޖޭޕީ ދެމިއެބައޮތެވެ. ކެބިނެޓްގައި ތިބި ޖޭޕީގެ މިނިސްޓަރުން މަޤާމުތަކުގައި އަދިވެސް ދެމި އެބަތިއްބެއެވެ.
ނަމަވެސް މިއަަހަރު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި އެމްޑީޕީއާއި އެކު ކޯލިޝަން ނުހަދާނެ ކަމަށް މިހާރު ޖޭޕީ އިން ވަނީ ރަސްމީކޮށް އެމްޑީޕީއަށް އަންގައިފައެވެ.
އަދި ޖޭޕީގެ ރިޔާސީ ކެނޑިޑޭޓެއްގެ ގޮތުގައި އެޕާޓީގެ ލީޑަރ ގާސިމް އިބްރާހިމަށް ޓިކެޓް އަރުވައި މިހާރު ވަނީ ކެމްޕޭނު ވެސް ފަށައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
