ޤާސިމްގެ ބައިވެރިވުން ނުލިބުނު ނަމަ ޔާމިންގެ ތަރައްޤީ ދިވެހިން ހާަސިލެއް ނުކުރާނެ : ނިހާން
2013 ގައި ޤާސިމް އިބްރާހިމް ގެ ބައިވެރިވުން ނުލިބުނު ނަމަ، ރައީސް ޔާމީން ގެނެސްދިން ތަރައްގީގެ އަހަރުތައް ދިވެހިން ހާަސިލެއް ނުކުރީސް ކަމުގައި ކުރިން ޕީޕީއެމް ގެ ލީޑަރޝިޕްގައި މަސައްކަތް ކުރެއްވި އަދި މިހާރު ޖުމްހޫރީ ޕާޓީގައި ހުންނެވި އަހްމަދު ނިހާނު ހުސައިން މަނިކު ވިދާޅުވެއްޖެއެވެ.
އެ މަނިކުފާނު މިފަދައިން ވިދާޅުވީ، ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހީމްގެ ކެމްޕެއިންގައި ރާއްޖެތެރެއަށް ކުރައްވަމުން ގެންދަވާ ދަތުރުފުޅުގައި، ހދ ހަނިމާދޫއަށް ވަޑައިގެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.
ނިހާން ގެ ވާހަކަފުޅުގައި ވިދާޅުވީ 2013 ގެ ރިޔާސީ އިންތިހާބުގެ ފުރަތަމަ ބުރުގައި ޕީޕީއެމްގައި އެންމެ އިސްކޮށް މަސައްކަތް ކުރެއްވި ފަރާތެއްގެ ހައިސިއްޔަތުން އެ ބޭފުޅުން އެންމެ ބޮށް ސިއްސުވައިލީ ފުރަތަމަ ބުރުގެ ނަތީޖާގައި ޖުމްހޫރީ ޕާޓީން ޕީޕީއެމްއާއި އެންމެ 1300 ވޯޓާއި ގާތްކުރުމުން ކަމުގައެވެ. އެއީ އަބަދުވެސް ކުޑަ ޕާޓީއެއްގެ ގޮތުގައި ސިފަކުރަމުން އައި ޖުމްހޫރީ ޕާޓީއަކަށް އެ ޕާޓީ ވުމުން ކަމުގައެވެ.
ނިހާން ވިދާޅުވީ 2013 ގެ ރިޔާސީ އިންތިހާބުގެ ދެވަނަބުރަށް ދިއުމާއެކު ގާސިމް އަވަސްވެ ވަޑައިގަތި އެތަނުން އެންމެ ރަނގަޅު ކެންޑިޑޭޓަކާއެކު މި ގައުމަށް ރަނގަޅު މަގު ހޯއްދަވައި ދެއްވަން ކަމަށެވެ.
އެހެންވީމަ 2013 ވަނަ އަހަރު ނިކުނތް ނަތީޖާގެ އަލީގައި މި ގައުމަށް ހެޔޮކަމެއް އައިއްސަ ހުރެއްޖެނަމަ އެކަމުގެ 50 އިންސައްތަ އަޅުގަނޑުވެސް މިތާ ހުރެ ގާސިމްއަށް ދޭން
ނިހާން ވިދާޅުވިއެވެ.
މީގެ އިތުރުން ނިހާން ވިދާޅުވީ، ކޮންމެ ވެރިކަމެއްވެސް ގެނައުމުގެ އެންމެ ބޮޑު އެންމެ ބިޔަ މަސްއޫލިއްޔަތު ހަގީގަތުގައި އުފުއްލަވަނީ ގާސިމް އިބްރާހިމް ކަމަށާއި އެއީ އެފަރާތަކުން ދިވެހި ރައްޔިތުންނަށް ފައިދާ ކުރުވަނިވި ނަމުން ވެރިކަމެއް ކޮށްދޭތޯ ކަމަށެވެ. އަދި އެކަމަށްޓަކައި ކޮންމެ އަހަރަކުވެސް ގާސިމް އިބްރާހިމް ރައްޔިތުންގެ ކިބައިން ނުހަނު އާދޭސް ދަންނަވާ ކަމުގައިވެސް ނިހާނު ވިދާޅުވިއެވެ.
މީގެ އިތުރުން އަލަތު ކައިވެނި ކުރާ ފަރާތްތަކަށް ފްލެޓް ދިނުމާއި ހުޅުލެއާއި މާލެއާއި ދެމެދު ބްރިޖް އެޅުންފަދަ މަޝްރޫއުތަކަކީ އެ މަނިކުފާނު އޭރު މާ ތަފްސީލުކޮށް ވާހަކަ ދައްކައިފައިވާ މެނިފެސްޓޯ ތަކެއްކަމުގައި ވިދާޅުވެ ނިހާން ވަނީ ޤާސިމަށް ވަރަށް ބޮޑަށް ތައުރީފް ކުރައްވައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
