ހެންވޭރު ހުޅަނގު ދާއިރާގެ މެންބަރު ހަސަން ލަތީފް -- ފޮޓޯ: މަޖިލީސް
ހެންވޭރު ހުޅަނގު ދާއިރާގެ މެންބަރު ހަސަން ލަތީފް -- ފޮޓޯ: މަޖިލީސް
ހަބަރު 18 Oct 2023 | 11:33

ފެނަކައިގެ 71.9 މިލިއަން ރުފިޔާގެ ކޮރަޕްޝަން އޭސީސީގައި އެބައޮތް: ހަސަން

ދައުލަތުގެ ޔުޓިލިޓީ ކުންފުނި ފެނަކަ ކޯޕަރޭޝަނަށް ތުހުމަތުކުރެވޭ ގާތްގަނޑަކަށް 72 މިލިއަން ރުފިޔާގެ ކޮރަޕްޝަން މައްސަލަތައް އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅާފައިވާ ކަމަށް ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވިދާޅުވެއްޖެ އެވެ.

ހަސަން ލަތީފް މިފަދައިން ވިދާޅުވީ، މަޑުއްވަރި ދާއިރާގެ މެންބަރު އާދަމް ޝަރީފް ހުށަހަޅުއްވާފައިވާ، ފެނަކައިން ކުދި ވިޔަފާރިތަކާއި ކުންފުނިތަކަށް ދޭންޖެހޭ ފައިސާދިނުން އަވަސްކުރުމަށާއި ފެނަކައިގެ މެނޭޖްމަންޓް އަދި ފައިނޭންޝަލް އޮޑިޓެއް ހެދުމަށާއި ދަރަނިތައް އަދާކުރާނެގޮތުގެ ޕްލޭނެއް އެކުލަވާލުމަށް ގޮވާލައި ހުށަހަޅާ ޤަރާރަށް މިއަދުގެ މަޖިލީހުގެ ޖަލްސާގައި ބަހުސް ކުރައްވަމުންނެވެ.

ހަސަން ލަތީފް ވިދާޅުވީ ފެނަކައިގެ މައްސަލައަށް ބަލާލާއިރު މައިގަނޑު ތިން ކަމެއް ފާހަގަކޮށްލަންޖެހޭ ކަމަށެވެ.

އެގޮތުން ފެނަކައިން ކުދި ކުންފުނިތައް ލައްވާ މަސައްކަތް ކުރުވުމަށްފަހު އެ ކުންފުނިތަކަށް ނުދައްކާވާ ފައިސާ، އަވަހަށް ދެއްކޭނެ ގޮތެއް ދައުލަތުގެ މާލިއްޔާއިން ހޯދައިދޭން ޖެހޭ ކަމަށެވެ.

އެހެނީ، ކުންފުނިތަކަށް އެ ލިބެންޖެހޭ ފައިސާ އަކީ އެ ކުންފުނިތަކުގެ މުވައްޒަފުންގެ މުސާރައާއި އެހެނިހެން ކަންކަމަށް ހޭދަކުރަންޖެހޭ ފައިސާއަށް ވާއިރު, ފެނަކައިގެ ސަބަބުން އެ ފައިސާ އެ ހުންނަނީ ދައުލަތުގައި ހިފެހެއްޓިފައި ކަމަށް ހަސަން ފާހަގަކުރެއްވި އެވެ. އޭގެ ނަތީޖާއެއްގެ ގޮތުން ކުންފުނިތަކާއި އެ ކުންފުނިތަކުގެ މުވައްޒަފުންނަށް ލިބޭ ނިކަމެތި ކަމަކީ ވިސްނާލަންޖެހޭ ކަންކަން ކަމަށްވެސް އޭނާ ވިދާޅުވި އެވެ.

ދެވަނަ ކަމަށް ހަސަން ފާހަގަކުރެއްވީ ފެނަކައިގެ ކޮރަޕްޝަންގެ ވާހަކައެވެ. އެގޮތުން ވިދާޅުވީ، ފެނަކައަށް ނިސްބަތްވާ 71.9 މިލިއަން ރުފިޔާގެ ކޮރަޕްޝަންގެ ތަފާތު 31 މައްސަލަ އޭސީސީގައި އެބައޮތް ކަމަށެވެ.

މިހާރުވެސް، 71.9 ގާތްގަނޑަކަށް 72 މިލިއަން ރުފިޔާގެ ކޮރަޕްޝަންގެ 31 މައްސަލަ އެންޓި-ކޮރަޕްޝަން ކޮމިޝަންގައި އެބައޮތް. މި މައްސަލަތަކަކީ ބެލެންޖެހޭނެ މައްސަލަތައް. އެ މައްސަލަތައް ނުބެލޭ ކަމަށް ވަންޏާ އަނެއްކާވެސް އެ ކަންކަން ކުރާ ފަރާތްތަކަށް، ކޮރަޕްޝަންގެ އެ އަމަލުތައް ހިންގާ ފަރާތްތަކަށް އެ ލިބެނީ ހިތްވަރެއް. އެއީ މިސަރުކާރުގެ ފެނަކަ ހިންގަން ތިބި ބޭފުޅުންނަށް އެކަންޏެއް ނޫން، ދެން އަންނަ ސަރުކާރަކަށްވެސް އެ ލިބެނީ ހިތްވަރެއް."

މެންބަރު ހަސަން ލަތީފް

ހަސަން ވިދާޅުވީ އެ ކޮރަޕްޝަންގެ މައްސަލަތައް ހުށަހަޅާފައިވަނީ ފެނަކައިގެ މުވައްޒަފުން ކަމަށްވެސް އޭނާ އަށް މައުލޫމާތު ލިބިލައްވާފައިވާ ކަމަށެވެ.

ތިންވަނަ ކަމަކަށް ފެނަކައިގެ ދަރަނީގެ ވާހަކައަށް އަލިއަޅުވާ ލައްވައި ވާހަކަ ދައްކަވަމުން ހަސަން ވިދާޅުވީ، އެ ދަރަނީގެ އޮޑިޓެއް ހެދުމަކީ ކޮންމެހެންވެސް ކުރަންޖެހިފައިވާ ކަމެއް ކަމަށެވެ.

އަދި ފެނަކައިން ކުދި ކުންފުނިތަކަށް ދައްކަންޖެހޭ ފައިސާ، ދައުލަތުގެ މާލިއްޔާއިން އަވަހަށް ހޯދޭނެގޮތް ހަމަޖައްސައިދޭންޖެހޭ ކަމަށްވެސް ހަސަން ވިދާޅުވި އެވެ.

"އެ ކުންފުނިތައް ބަނގުރޫޓްވީމާ އޭގެ މާނައަކީ، އެތައް ބައިބަރު ކުންފުނިތަކެއް ރާއްޖޭގައި ހުރި އެކި ރަށްރަށުގައި ހުރި ކުދި ކުދި ކުންފުނިތައް ބަނގުރޫޓްވީމާ އަޅުގަނޑުމެން ސްމޯލް އެންޑް މީޑިއަމް އެންޓަޕްރައިސްއަށް އިސްކަން ދެނިއްޔާ [ކިޔައިގެން] މި ދައްކާ އެއްވެސް ވާހަކައެއް ދެކޮޅެއް ނުޖެހޭ. އެ ކުންފުނިތަކަކީ ހަގީގަތުގައި މައިބަދަ. މުޅި އިގްތިސޯދުކުންފުނިތައް ބަނގުރޫޓްވާން ދޫކޮށްލުމުން އިގްތިސޯދު ކުރިއެރުވޭނެ ގޮތެއް ނުހޯދޭނެ"

މެންބަރު ހަސަން ލަތީފް

އޭނާ ވިދާޅުވީ ސަރުކާރު ހިއްސާވާ ކުންފުނިތަކަކީ ގާނޫނެއްގެ ތެރެއިން ހިނގާ ކުންފުނިތަކަކަށް ވެސް ވާނެ ޖެހޭ ކަމަށެވެ. ހަމަ އެހެންމެ ކުންފުނިތައް ހިނގާފައި ހުރި ގޮތް ބަލަން މަޖިލީހުން ބާރަށް މަސައްކަތް ކުރަން ޖެހޭ ކަމަށް އޭނާ ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.