ހައުސިންގ މިނިސްޓަރު ޑރ. ޢަބްދުﷲ މުއްތަލިބް؛ ފޮޓޯ / ރައީސް އޮފީސް
ހައުސިންގ މިނިސްޓަރު ޑރ. ޢަބްދުﷲ މުއްތަލިބް؛ ފޮޓޯ / ރައީސް އޮފީސް
ހަބަރު 18 Oct 2026 | 17:08

ރަސްމާލޭ މަޝްރޫޢު ހިންގާ ކުންފުންޏަށް ލިބޭ އާމްދަނީންވެސް 3.1 ބިލިއަން ޑޮލަރު ލިބޭނެ

ރަސްމާލޭ މަޝްރޫއު ހިނގާ ކުންފުންޏަށް ލިބޭ އާމްދަނީން އެކަނިވެސް ދައުލަތުގެ ބައިތުލްމާލަށް 3.1 ބިލިއަން ޑޮލަރު ލިބޭނެ ކަމަށް ހައުސިންގ މިނިސްޓަރު ޑރ. ޢަބްދުﷲ މުއްތަލިބް ވިދާޅުވެއްޖެއެވެ.

މިނިސްޓަރ މިހެން ވިދާޅުވެފައިވަނީ، ގަލޮޅު އުތުރު ދާއިރާގެ މެމްބަރު މުހައްމަދު އިބްރާހީމް މިދިޔަ މަހުގެ 29 ގައި ފޮނުއްވި ސިޓީއަށް، މި މަހުގެ 15 ގައި ދެއްވި ޖަވާބުގައެވެ. އެ މަޝްރޫއާ ގުޅިގެން އާންމުންގެ ތެރޭގައި އުފެދެމުންދާ ސުވާލުތަކަށް ޖަވާބު ހޯދުމަށް މެމްބަރު އެދިވަޑައިގެންނެވީ މައިގަނޑު 20 ކަމެއްގެ ތަފްސީލެވެ. މިނިސްޓަރު ދެއްވި ޖަވާބުތައް މެމްބަރުގެ ވެބްސައިޓުގައި މިއަދު އާންމުކުރައްވާފައިވެއެވެ.

މިނިސްޓަރުގެ ޖަވާބުގައިވާ ގޮތުން، އީގަލް ހިލްސްއާއެކު ސޮއިކޮށްފައިވަނީ، މާލިއްޔަތު ގަވާއިދުގެ 10.22 ގެ (ނ) ގެ ދަށުން، އަމިއްލަ ފަރާތްތަކުން ހުށަހަޅާ މަޝްރޫއުތަކާ ގުޅޭ އުސޫލުގެ ދަށުންނެވެ. އަދި މިހާތަނަށް ސޮއިކޮށްފައިވަނީ، ކޮމާޝަލް ޓާމްސް އެއްބަސްވުމެއްގައި ކަމަށާއި، 99 އަހަރުގެ ކުލީގެ މުއްދަތާ ގުޅޭ ގޮތުން ފައިނަލް އެއްބަސްވުމުގައި ސޮއިކުރާނީ، ގާނޫނުއަސާސީއާއި ގާނޫނުތަކާ އެއްގޮތްވާ ގޮތަށް ކަމަށް މިނިސްޓަރު ވިދާޅުވެފައިވެއެވެ. އެއްވެސް ތަނެއްގެ ކުލީގެ މުއްދަތު އޮޓޮމެޓިކުން އާވާ ގޮތަށް އެއްބަސްވެފައި ނުވާނެ ކަމަށްވެސް އެ ޖަވާބުގައި ބުނެފައިވެއެވެ.

ބިމުގެ ޕްރިމިއަމްގެ ގޮތުގައި ޑިވެލޮޕަރުގެ ޖުމްލަ އާމްދަނީގެ %10 ދައުލަތަށް ދައްކަންޖެހޭނެ ކަމަށާއި، އެއީ 10 އަހަރުދުވަހުގެ ތެރޭގައި ގާތްގަނޑަކަށް 3.1 ބިލިއަން ޑޮލަރު ކަމަށް މިނިސްޓަރު ފާހަގަކުރައްވާފައިވެއެވެ. ބާޒާރުގައި ޕްރޮޕަޓީގެ އަގު މައްޗަށް ދާއިރު އެ އަދަދު އިތުރުވާނެ ކަމަށް ލަފާކުރާއިރު، އޭގެ ތެރެއިން، 500 މިލިއަން ޑޮލަރު އެޑްވާންސްކޮށް ހައުސިން މަޝްރޫއަށް ދައްކަން ކޮމާޝަލް ޓާމްސްގައި އެއްބަސްވެފައިވެއެވެ. ރަސްމާލޭގައި ހިންގާ އިގްތިސާދީ ހަރަކާތްތަކުން ދައުލަތަށް ޓެކްސް ލިބޭނެ ކަމަށާއި، ފަތުރުވެރިކަމުގެ ސިނާއަތާ ހިލާފަށް މި މަޝްރޫއަށް އިމްޕޯޓް ޑިއުޓީ މާފެއް ނުކުރާނެ ކަމަށްވެސް އެ ޖަވާބުގައިވެއެވެ. ހުޅުމާލޭގައި އެ ކުންފުނިން ކުރިއަށް ގެންދާ 5,000 ހައުސިން ޔުނިޓުގެ މަޝްރޫއަށް ދައުލަތުން އެއްވެސް މާލީ ޒިންމާއެއް ނުއުފުލާނެ ކަމަށް މިނިސްޓަރު ވިދާޅުވިއެވެ.

ބޭރު ފައިސާ ރާއްޖޭގެ އިގްތިސާދުގައި ދައުރުކުރުމަށް ހާއްސަ ފިޔަވަޅުތައް އަޅާފައިވާކަންވެސް މިނިސްޓަރު ފާހަގަކުރައްވާފައިވެއެވެ. އެގޮތުން، ޑިވެލޮޕަރުގެ ކޮންޓްރެކްޓަރުންނަށް ފައިސާ ދައްކާނީ އެމްއެމްއޭގެ ލައިސަންސް ލިބިފައިވާ ރާއްޖޭގެ ބޭންކަކުން ކަމަށާއި، އޮފްޕްލޭންކޮށް ޔުނިޓް ގަންނަ ފަރާތްތަކުގެ ފައިސާ ފުރަތަމަ ޖަމާކުރާނީ، ރާއްޖޭގެ ބޭންކެއްގައި ހުޅުވާ އެސްކްރޯ އެކައުންޓަކަށެވެ. އެ ފައިސާ ޑިވެލޮޕަރަށް ދޫކުރާނީ މަޝްރޫއު ކުރިއަށްދާ ނިސްބަތަށް ބެލުމަށްފަހު ކަމަށާއި، ސެކަންޑަރީ ބާޒާރުގެ މުއާމަލާތްތައްވެސް ހިންގާނީ ރާއްޖޭގެ ބޭންކެއް މެދުވެރިކޮށް ކަމަށް އެ ޖަވާބުގައިވެއެވެ.

މަޝްރޫއު ނުނިމިއްޖެނަމަ ވާނެ ގޮތް މައިގަނޑު އެއްބަސްވުމުގައި ހިމަނާނެ ކަމަށް ވިދާޅުވެ މިނިސްޓަރު ވިދާޅުވީ، މި މަޝްރޫއުން އެއްވެސް ތަނެއް ބޭރުގެ އެއްވެސް ފަރާތަކަށް މިލްކު ކުރުމަށް އެއްބަސްވެފައެއްނުވާނެ ކަމަށާއި އަދި ހުރިހާ ތަނެއްވެސް ކުއްޔަށް ދޭނީ ރާއްޖޭގެ ގާނޫނާއި ގަވައިދާ އެއްގޮތަށް ކަމަށެވެ.

ދިވެހިންނަށް ބޯހިޔާވަހިކަން ފޯރުކޮށްދިނުމަށް ހިއްކި ރަސްމާލެއަށް މި މަޝްރޫއުގެ ސަބަބުން ސަރުކާރުގެ ބޯހިޔާ ސިޔާސަތަށް ހުރަސެއް ނާޅާނެ ކަމަށާއި، މަޝްރޫއުން 54,000 ވަޒީފާ އުފެދި، މަސައްކަތް ނިމުމުން ދާއިމީ 15,000 ވަޒީފާ އުފެދޭނެ ކަމަށް ލަފާކުރާ ކަމަށް މުއްތަލިބް ވިދާޅުވެފައިވެއެވެ. ރަސްމާލެ ހިންގަނީ ބައިނަލްއަގުވާމީ އެންމެ ރަނގަޅު އުސޫލުތަކާ އެއްގޮތަށް ކަމަށާއި، މި މަޝްރޫއުގެ ސަބަބުން ބޭރު ގައުމުތަކާ އޮންނަ ގުޅުމަށް އަސަރުކުރާނެ ކަމަށް ނުބެލެވޭ ކަމަށްވެސް މިނިސްޓަރު ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް (1)

މޫސާރަޝީދު 1 month ago

މުއްދަތު ހަމަވުމުން މުއްދަތު އިތުރު ކޮށްދޭން ޖެހޭ ގޮތަށްތޯ އޮތީ ؟

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ