ކައިވެނި ނުކޮށް ތިބި ޒުވާނުންނަށް ދިރިއުޅެވޭނެ އެކޮމޮޑޭޝަނެއް އުފައްދަންޖެހޭ: އާޒިމާ
ވަޒީފާ އަދާކުރަން ބޭނުންވާ އަދި މިހާތަނަށް ކައިވެނި ނުކޮށް ތިބި ޒުވާނުންނަށް އެކަނި ދިރިއުޅެވޭނެ ފަދަ ގޮތެއް ހޯދައިދޭން ޖެހޭކަމަށް ކުރީގެ ބަންޑާރަ ނައިބު އަދި ޕީއެންސީ/ޕީޕީއެމް ޓިކެޓުގައި މާލެ ސިޓީ މޭޔަރު ކަމަށް ވާދަކުރައްވާ އާއިޝަތު އާޒިމާ ޝަކޫރު ވިދާޅުވެއްޖެއެވެ.
އާޒިމާ މިފަދައިން ވިދާޅުވީ ސަންގު ޓީވީން މިރޭ ބޭއްވި މާލޭ މޭޔަރު ކަމަށް ކުރިމަތިލައްވާފައިވާ ބޭފުޅުންގެ ބަހުސްގައި ގެދޮރުވެރި ކަމާއި ބެހޭގޮތުން ވާހަކަފުޅު ދައްކަވަމުންނެވެ.
"ވަޒީފާ އަދާކުރަން ބޭނުންވާ އަދި ކައިވެނި ނުކޮށް ތިބި ޒުވާނުންނަށް ދިރއުޅެވޭ ފެންވަރުގެ ސިންގަލް ޔޫތު އެކޮމޮޑޭޝަން ފެސިލިޓީސް އަކީ މިހާރު ކްރިއޭޓް ކުރަން ޖެހޭ އެއްޗެއް."
އާޒިމާ ވިދާޅުވިއެވެ.
މީގެ އިތުރުންވެސް އާޒިމާ ވިދާޅުވީ އަތޮޅުތަކުން މާލެއަށް ވަޒީފާ އަދާކުރުމަށް އައިސް ތިބޭ ގިނަ ޒުވާނުންނަކީ މި ކެޓަގަރީގައި ހިމެނޭ ބައެއް ކަމަށާއި މި ޒުވާނުންނަށް ހެޔޮ އަގެއްގައި ވަޒީފާ އަދާކުރެވޭނެ ގޮތެއް ހަމަޖައްސައިދޭން ޖެހޭކަމަށެވެ.
ރާއްޖޭގެ ތައުލީމީ މައި މަރުކަޒަކީ މާލެކަން ފާހަކުރައްވައި މާލޭސިޓީ ކައުންސިލް އިންތިހާބުގައި ވޯޓު ނުދިނަސް މާލެއަށް ކިޔެވުމަށް އައިސް ތިބި ކުދިންނަށް ވެސް ރައްކާތެރި އެކޮމޮޑޭޝަނެއް ފޯރުކޮށްދިނުމާ މެދު ވިސްނަން ޖެހޭކަމަށް އާޒިމާ ވިދާޅުވިއެވެ.
އާޒިމާ ވަނީ ހަމައެކަނި ގެދޮރު ވެރިކަމަށް ޓަކައި ޒުވާނުން ކައިވެނި ކުރަން ޖެހުމުގެ ބަދަލުގައި އެކި ފެންވަރުގެ ހައުސިން ތައާރަފް ކުރަން ޖެހޭކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
