ރައީސް ޞާލިޙް މެންބަރު އަފީފާއި ބައްދަލުކުރެއްވައިފި
ރައްޔިތުންގެ މަޖިލީހުގެ ރިޔާސަތު ބައްލަވަމުން ގެންދަވާ، ވިލިފުށީ ދާއިރާގެ މެމްބަރު ހަސަން އަފީފް ރައީސް އިބްރާހިމް މުޙައްމަދު ޞާލިޙާއި ބައްދަލުކުރައްވައިފިއެވެ.
އަފީފް ރައީސް އޮފީހަށް ވަޑައިގަންނަވާ މަންޒަރު ފެންނަ ވީޑިއޯއެއް މިހާރު މީސްމީޑިއާގައި ވަނީ ދައުރުވެފައެވެ. އަފީފު ރައީސް އޮފީހަށް ވަޑައިގެންނެވީ މިއަދު މެންދުރު 12:30 އެހާއިރުއެވެ.
މިކަމާއި ގުޅިގެން ރައީސް އޮފީހުގެ ތަރުޖަމާނު މިއުވާން މުހައްމަދު މީޑިއާއަށް ވިދާޅުވެފައި ވަނީ ރައީސް ޞާލިޙް, އަފީފްއާ މިއަދު ބައްދަލުކުރެއްވީ އަފީފްގެ އެދިވަޑައިގަތުމަކަށް ކަމަށެވެ. އަދި އެ ބައްދަލުވުމުގައި މަޝްވަރާ ކުރެއްވީ މަޖިލީހުގެ މަސައްކަތްތައް ހިނގައި ނުގަނެ ހުއްޓިފައި ވާތީ އެކަމާ މެދު ކަމަށް ވެސް މިއުވާން ވިދާޅުވިއެވެ. ނަމަވެސް އިތުރު ތަފްސީލެއް ހަމަކުރައްވައިފައެއް ނުވެއެވެ.
މެމްބަރު ހަސަން އަފީފް މަޖިލީހުގެ ރިޔާސަތާއި ހަވާލުވެފައިވަނީ، މަޖިލީހުގެ ރައީސް މުޙައްމަދު ނަޝީދު މަޖިލީހުގެ ރިޔާސަތި ބެލެހެއްޓެވުމާއި ދެކޮޅުހައްދަވައިފައިވާތީއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
