ރައީސް ޞާލިހު ހޯރަފުށްޓަށް ވަޑައިގެންފި!
ކުރިއަށް އޮތް ރިޔާސީ އިންތިހާބުގެ ކެމްޕެއިނަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ތިލަދުންމަތީ އުތުރުބުރިއަށް ކުރައްވާ ދަތުރުފުޅުގެ ތެރެއިން އެ އަތޮޅު ހޯރަފުށްޓަށް ވަޑައިގެންފި އެވެ.
ރައީސް ޞާލިހު ހޯރަފުށްޓަށް ވަޑައިގެންނެވުމުން އެމަނިކުފާނަށް މަރުހަބާ ދެންނެވުމަށް އެ ރަށު ކުދި ބޮޑު މީހުން ވަނީ އެ ސަރަހައްދަށް އެއްވެފައެވެ.
ރައީސް ޞާލިހުގެ މިދަތުރުފުޅުގައި އެ ރަށުގެ ރައްޔިތުންނާއި ބައްދަލު ކުރައްވައި، މެނިފެސްޓޯ އެކުލަވާލުމަށް ބޭނުންވާ މައުލޫމާތު އެއްކުރުމަށް ހަމަޖެހިފައިވާ ކަމަށް އެމްޑީޕީން ބުނެއެވެ. އަދި މީގެ އިތުރުން އެ ރަށު ރައްޔިތުންނާއި ބައްދަލުކުރައްވާ އެ ރަށަށް ކުރިއަށް އޮތް ދައުރުގައި ކޮށްދެއްވާނެ ކަންކަން ވެސް ހިއްސާ ކުރައްވާނެ ކަމަށް އެ ޕާޓީން ބުނެއެވެ.
ރައީސްގެ މި ދަތުރުފުޅުގައި ހޯރަފުށީގެ އިތުރުން، ތުރާކުނާއި، އުލިގަމާއި، މޮޅަދޫގެ އިތުރުން އިހަވަންދުއަށް ވެސް ވަޑައިގަތުމަށް ހަމަޖެހިފައިވެއެވެ.
ރިޔާސީ އިންތިހާބުގެ ކެމްޕެއިނަށް މިހަފްތާ ތެރޭގައި ރައީސް ޞާލިހު ވަނީ ވ އަދި މ އަތޮޅުގެ ބައެއް ރަށްތަކަށްވެސް ޒިޔާރަތް ކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
