ޑރ މުއިއްޒަށް ދިއްގަރުން ހޫނު މަރުހަބާއެއް ކިފައިފި
ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުޙައްމަދު މުއިއްޒުއަށް މ ދިއްގަރުން ހޫނު މަރުހަބާއެއް ކިޔައިފި އެވެ.
ޑރ މުއިއްޒަށް މަރުހަބާ ދެންނެވުމަށްޓަކައި ދިއްގަރު އޮތީ ވަރަށް ބޮޑަށް ޒީނަތްތެރިކޮށްފަ އެވެ. އަދި އެމަނިކުފާނަށް މަރުހަބާ ދެންނެވުމަށްޓަކައި ގިނަ އަދަދެއްގެ ސަޕޯޓަރުން ވަނީ ބަނދަރު ސަރަހައްދަށް އެއްވެފަ އެވެ.
ޑރ މުއިއްޒު ރަށަށް ވަޑައިގެން ވަނީ އެމަނިކުފާނުގެ ރިޔާސީ ކެންޑިޑޭޓު ނަންބަރު "ނަންބަރު 4" ޖަހާފައިވާ ބޯޑެއްގައި ހެޔޮފާހަގަ ޖައްސަވާ ސޮއިކުރައްވާފަ އެވެ. އެއީ މި ރަށުން ޑރ މުއިއްޒަށް މެޖޯރިޓީ ވޯޓު ހޯދާދޭނެކަމުގެ ރަމްޒީ ހަރަކާތެއްކަމަށް އެ ހަރަކާތް އިންތިޒާމު ކުރެއްވި ފަރާތްތަކުން ވަނީ ބުނެފަ އެވެ.
ޑރ މުއިއްޒު ވަނީ މި ރަށަށް ވަޑައިގެން ދިއްގަރުގައި ޕީޕީއެމްގެ ޖަގަހަ ރަސްމީކޮށް ހުޅުވާދެއްވާފަ އެވެ. އެފަހުން ދިއްގަރުގައި ވަނީ ޑރ މުއިއްޒުގެ ކެމްޕޭނު ޖަލްސާއެއް ވެސް ބާއްވާފަ އެވެ.
ޑރ މުއިއްޒު ދިއްގަރަށް ވަޑައިގެންފައިވަނީ މ އަތޮޅުގެ ބައެއް ރަށްތަކަށް ވަޑައިގަތުމަށް ފަހުއެވެ.
މ އަތޮޅަށް ޑރ މުއިއްޒުގެ ވެރިކަމެއްގައި ކޮށްދެއްވާނެ މުހިންމު ކަންތަކުގެ ވާހަކަ ޑރ މުއިއްޒު ވަނީ ވިދާޅުފަ އެވެ. އެމަނިކުފާނު ވަނީ ރައްޔިތުން އިޚްލަސްތެރިކަމާއެކު ގައުމީ ފިކުރުގައި ވޯޓުދެއްވުމަށް އިލްތިމާސް ކުރައްވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
