ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފް-- ފޮޓޯ: ސްޓެލްކޯ
ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފް-- ފޮޓޯ: ސްޓެލްކޯ
ވިޔަފާރި 19 Sep 2022 | 21:44

ސްޓެލްކޯ އަކީ ރައްޔިތުންނަށް ޚިދުމަތް ކޮށްދިނުމަށް ރައީސް ޞާލިހު އުފައްދާފައިވާ ކުންފުންޏެއް: ޝަރީފް

ސަރުކާރުގެ 100 އިންސައްތަ ހިއްސާވާ ކުންފުންޏެއް ކަމަށްވާ ސްޓެލްކޯ އަކީ، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު، ދިވެހި ރައްޔިތުންނަށް ޚިދުމަތް ކޮށްދެއްވުމަށް އުފެއްދެވި ކުންފުންޏެއް ކަމަށް އެކުންފުނީގެ މެނޭޖިންގ ޑިރެކްޓަރ އަޙްމަދު ޝަރީފް ވިދާޅުވެއްޖެއެވެ.

ޝަރީފް މިހެން ވިދާޅުވީ، އއ. އަތޮޅާއި އދ. އަތޮޅުގައި ސްޓެލްކޯއިން ޚިދުމަތްދޭ ރަށްރަށުގެ މަގުބައްތިތައް މަރާމާތުކޮށް ބެލެހެއްޓުމުގެ މަސައްކަތާ ސްޓެލްކޯއިން ޙަވާލުވެ، އެކަމުގެ އެއްބަސްވުމުގެ އެ ރަށްރަށުގެ ކައުންސިލްތަކާއެކު ސޮއިކުރުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ.

އެ ރަސްމިއްޔާތުގައި ވާހަކަދައްކަވަމުން ޝަރީފް ވިދާޅުވީ، ރާއްޖޭގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަކީ ލާމަރުކަޒީ ގޮތުން އިދާރީ ދާއިރާތައް ހިންގުމަށް ވަރަށް ހިކުމަތްތެރި ސިޔާސަތަކާއި ވިސްނުންފުޅެއް ގެންގުޅުއްވާ ބޭފުޅެއް ކަމަށެވެ.

"ތިބޭފުޅުންނަށް ހެއްކެއްގެ ގޮތުގައި ފުދޭނެ ކަންނޭގެ އެމަނިކުފާނު ރިޔާސަތާއި ހަވާލުވެ ވަޑައިގެން ރާއްޖޭގެ ރައްޔިތުންގެ މަޖިލީހުން އެންމެ ފުރަތަމަ ފާސްކުރި ބިލްތަކުގެ ތެރޭގައި އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ބިލަށް ބޮޑެތި އިންގިލާބީ ބަދަލުތަކެއް. ރާއްޖޭގެ ކައުންސިލް ތަކާއި ރާއްޖޭގެ އަތޮޅުތަކުގެ ރައްޔިތުން ބާރުވެރި ވެގެންދާ ގާނޫނެއް، އަދި ރާއްޖޭގެ ރައްޔިތުންގެ ތެރެއިން އަންހެން ކަނބަލުންނަށް ބާރުވެރިކަން އިހްސާސް ކޮށްދެވޭފަދަ ބަދަލުތަކެއް އެ ބަދަލަކީ." ޝަރީފް ވިދާޅުވިއެވެ.

މިއާއެކު ޝަރީފް ވިދާޅުވީ، ސްޓެލްކޯގެ އެންމެ އަސާސީ މަގުސަދަކީ ރާއްޖޭގެ ރައްޔިތުންނަށް ޚިދުމަތް ކޮށްދިނުން ކަމަށާއި، ރައީސް ޞާލިހު އެ ކުންފުނި އުފެއްދެވީވެސް ރައްޔިތުންނަށް ޚިދުމަތް ކޮށްދިނުމަށް ކަމަށެވެ.

"އަޅުގަނޑުމެންގެ މި ކުންފުންޏަކީ، ސްޓެލްކޯ އަކީ، ރާއްޖޭގެ ރައީސުލްޖުމްހޫރިއްޔާ، މިއަދުގެ ސަރުކާރުން ރައްޔިތުންނަށް ޚިދުމަތް ކޮށްދިނުމަށްޓަކައި އުފައްދަވާފައިވާ ކުންފުންޏެއް."

ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފް

ޝަރީފް ވިދާޅުވީ، އަތޮޅުތަކުގެ ރަށްރަށުގެ އިޖްތިމާޢީ ކުރިއެރުމަށް ކުރާ މަސައްކަތްތަކުގައި ކުންފުނީގެ ކެރިފޯރުންތެރިކަން ހުރި މިންވަރަކުން ސްޓެލްކޯއިން ބައިވެރިވާނެކަމަށެވެ. އަދި ރައްޔިތުންގެ ބައިވެރިއަކަށްވާން އެކުންފުނި ބޭނުންވާކަމަށެވެ.

"ރަށްރަށުގެ އިޖްތިމާޢީ ކަންކަމުގައި ކައުންސިލްތަކުން ކުރައްވާ މަސައްކަތްތަކުގައިއާއި އަދި އާއްމު ރައްޔިތުން، ޖަމިއްޔާ ޖަމާޢަތްތަކުން ކުރާ ކަންކަމުގައި އަޅުގަނޑުމެން ސްޓެލްކޯއިން ބޭނުން ތިބޭފުޅުންގެ ބައިވެރިންގެގޮތުގައި ބަލައިގަންނަން. އިރާދަކުރެއްވިއްޔާ އަޅުގަނޑުމެންގެ ފުދުންތެރިކަން ހުރި މިންވަރަކުން ތިބޭފުޅުންގެ ކަންކަމުގައި، ރަށްރަށުގެ އިޖްތިމާޢީ ކަންކަމުގައި، ރައްޔިތުން ކުރާ ކަންކަމުގައި، ކައުންސިލުން ކުރާ ކަންކަމުގައި އަޅުގަނޑުމެން ބައިވެރިވާނަން" ޝަރީފް ވިދާޅުވިއެވެ.

މީގެ އިތުރުން ޝަރީފު ވިދާޅުވީ، ރަށްރަށުގެ މަގުބައްތިތަައް މަރާމާތުކޮށް ބެލެހެއްޓުމާ ސްޓެލްކޯއިން ޙަވާލުވަނީ ހަމައެކަނި ނަމެއްގައި ކުރާގޮތަށްނޫންކަމަށެވެ. އަދި އެކުންފުނިން މިކަމާ ޙަވާލުވަނީ މަސައްކަތުގެ ތަޖުރިބާއާއި ޤާބިލުކަމާއެކު ކަމަށްވެސް އޭނާ ވިދާޅުވިއެވެ.

މި ރަސްމިއްޔާތުގައި އއ. އަތޮޅާއި، އދ. އަތޮޅުގެ މީހުން ދިރިއުޅޭ 14 ރަށެއްގެ މަގުބައްތިތައް މަރާމާތުކޮށް ބެލެހެއްޓުމާ ސްޓެލްކޯއިން ޙަވާލުވުމުގެ އެއްބަސްވުންތަކުގައި ވަކިވަކިން ވަނީ ސޮއިކޮށްފައެވެ. މި 14 ރަށުގެ ތެރޭގައި އއ. އަތޮޅުގެ 5 ރަށަކާއި، އދ. އަތޮޅުގެ 9 ރަށެއް ހިމެނެއެވެ. އެ ރަށްތަކަކީ އއ. މަތިވެރި، ބޮޑުފޮޅުދޫ، ފެރިދޫ، މާޅޮސް، ހިމެންދޫ، އދ. ހަންޏާމީދޫ، އޮމަދޫ، ކުނބުރުދޫ، މަހިބަދޫ، މަންދޫ، ދަނގެތި، ދިގުރަށް، ދިއްދޫގެ އިތުރުން އެއަތޮޅު ފެންފުއްޓެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އެލައިޑް އިންޝުއަރެންސްގެ "އައިފޯން ޑްރޮޕް" އަލުން ފަށައި، އައިފޯން 18 ޕްރޯ މެކްސްއެއް ހޯދުމުގެ ފުރުސަތު ހުޅުވާލައިފި
22 Nov 2026 ވިޔަފާރި

އެލައިޑް އިންޝުއަރެންސްގެ "އައިފޯން ޑްރޮޕް" އަލުން ފަށައި، އައިފޯން 18 ޕްރޯ މެކްސްއެއް ހޯދުމުގެ ފުރުސަތު ހުޅުވާލައިފި

ރާއްޖޭގެ އެންމެ ބޮޑު އިންޝުއަރެންސް ކުންފުނި ކަމަށްވާ އެލައިޑް އިންޝުއަރެންސުން، 2026 ވަނަ އަހަރުގެ ދެވަނަ އައިފޯން ގިވްއަވޭ "އެލައިޑް އައިފޯން ޑްރޮޕް 2" ރަސްމީކޮށް ލޯންޗުކޮށްފިއެވެ. މި ޕްރޮމޯޝަންގެ ދަށުން ނަސީބުވެރި އެއް ފަރާތަކަށް މުޅިން އާ އައިފޯން 18 ޕްރޯ މެކްސް އެއް ލިބިގެންދާނެއެވެ.

އުދަރެސްގެ 2 ވަނަ ޓަވަރުން ކަރަންޓު ކެނޑުނު ޔުނިޓްތަކަށް ކަރަންޓުގެ ހިދުމަތް އަލުން ދީފި
19 Nov 2026 ހަބަރު

އުދަރެސްގެ 2 ވަނަ ޓަވަރުން ކަރަންޓު ކެނޑުނު ޔުނިޓްތަކަށް ކަރަންޓުގެ ހިދުމަތް އަލުން ދީފި

އެފްޑީސީން ކުރިއަށްގެންދިޔަ ތަހުގީގުން ހާމަވެފައިވާ ގޮތުގައި، ކަރަންޓު ކެނޑެން މެދުވެރިވި ސަބަބަކީ އާތިންގ ނަރުތަކަށް ދިމާވި ޓެކްނިކަލް މައްސަލައަކާ ގުޅިގެންނެވެ. އަދި މި މައްސަލައިގެ ސަބަބުން ގިނަ އަދަދެއްގެ އީއެލްސީބީ ތަކަށް ވަނީ ގެއްލުން ލިބިފައެވެ.

މޯލްޑިވްސް ގޭހާއި ސްޓެލްކޯ ގުޅިގެން މަސައްކަތްކުރުމާ ގުޅޭގޮތުން މަޝްވަރާކޮށްފި
18 Nov 2026 ހަބަރު

މޯލްޑިވްސް ގޭހާއި ސްޓެލްކޯ ގުޅިގެން މަސައްކަތްކުރުމާ ގުޅޭގޮތުން މަޝްވަރާކޮށްފި

މި ބައްދަލުވުމުގައި މޯލްޑިވް ގޭހުގެ ފަރާތުން އިސްކޮށް ބައިވެރިވެވަޑައިގަތީ އެ ކުންފުނީގެ މެނޭޖިންގ ޑިރެކްޓަރ ޢަބްދުﷲ މުޙައްމަދެވެ. އަދި ސްޓެލްކޯގެ ފަރާތުން ބައިވެރިވެވަޑައިގަތީ އެ ކުންފުނީގެ މެނޭޖިންގ ޑިރެކްޓަރ ޑރ. ޢަލީ އަޒްވަރެވެ.

ރަށުމެދުގައި ހުރި އިންޖީނުގެތައް ބަދަލުކުރުމުގެ ބޮޑުބައެއް އަންނަ އަހަރު ނިންމާނަން: ޑރ. އަޒުވަރު
15 Nov 2026 ހަބަރު

ރަށުމެދުގައި ހުރި އިންޖީނުގެތައް ބަދަލުކުރުމުގެ ބޮޑުބައެއް އަންނަ އަހަރު ނިންމާނަން: ޑރ. އަޒުވަރު

ޑރ.އަޒުވަރު ވިދާޅުވީ ރަށްރަށުގެ މީހުން ދިރިއުޅެމުންދާ ސަރަހައްދުގައި ހުރި އިންޖީނުގޭތައް ނަގައި މީހުން ދިރިނޫޅޭ ސަރަހައްދަށް ބަދަލުކުރުމަކީ އެކުންފުނިން ވަރަށް ބޮޑު އިސްކަމެއް ދީގެން ކުރަމުން އަންނަ މަސައްކަތެއް ކަމަށެވެ. އެގޮތުން މި މަސައްކަތުގެ ބޮޑު ބައެއް، އަންނަ އަހަރުގެ ނިޔަލަށް ނިންމުމަށް އަމާޒު ހިފާފައިވާ ކަމަށެވެ.

ފެނާއި ނަރުދަމާގެ ހިދުމަތް ފުޅާކުރުމަށް ސްޓެލްކޯއާ ހަ މަޝްރޫޢެއް ޙަވާލުކޮށްފި
10 Nov 2026 ހަބަރު

ފެނާއި ނަރުދަމާގެ ހިދުމަތް ފުޅާކުރުމަށް ސްޓެލްކޯއާ ހަ މަޝްރޫޢެއް ޙަވާލުކޮށްފި

ސްޓެލްކޯއާ މި މަސައްކަތްތައް ޙަވާލުކުރުމަކީ ރައްޔިތުންނަށް ލިބޭ ޚިދުމަތުގެ ފެންވަރު އިތުރަށް ރަނގަޅުވެގެންދާނެ ކަމެއް ކަމަށް ސަރުކާރުން ބުނެ އެވެ.

ފީވަކު ނަރުދަމާ މަރާމާތުކުރަން ސްޓެލްކޯއާ ހަވާލުކޮށްފި
02 Nov 2026 ހަބަރު

ފީވަކު ނަރުދަމާ މަރާމާތުކުރަން ސްޓެލްކޯއާ ހަވާލުކޮށްފި

މަޝްރޫއުގެ ޖުމްލަ އަގަކީ 3،822،120.00 (ތިން މިލިއަން އަށް ލައްކަ ބާވީސް ހާސް އެއްސަތޭކަ ވިހި ރުފިޔާ) ދިވެހި ރުފިޔާއެވެ. އަދި މި މަސައްކަތް ނިންމުމަށް ހަމަޖެހިފައިވަނީ ސޮއިކުރާ ތާރީޚުން ފެށިގެން 60 ދުވަސް ތެރޭގައެވެ.

ރ. އަތޮޅުގެ ޔުޓިލިޓީ ހިދުމަތްތަކާ ސްޓެލްކޯއިން ރަސްމީކޮށް ހަވާލުވެ، ހިދުމަތް ދޭން ފަށައިފި
31 Oct 2026 ހަބަރު

ރ. އަތޮޅުގެ ޔުޓިލިޓީ ހިދުމަތްތަކާ ސްޓެލްކޯއިން ރަސްމީކޮށް ހަވާލުވެ، ހިދުމަތް ދޭން ފަށައިފި

މި ބަދަލާއެކު، ރ. އަތޮޅުގެ ރަށްތަކުގައި ކުރިން ފެނަކައިން ދެމުން އައި ޔުޓިލިޓީގެ އެކި ހިދުމަތްތައް ދެން ސީދާ ބަލަހައްޓަމުންދާނީ ސްޓެލްކޯއިންނެވެ.