ޝެއިޚް އަބްދުﷲ ސައުދާން
ޝެއިޚް އަބްދުﷲ ސައުދާން
ހަބަރު 19 Oct 2022 | 11:39

ދޫ އޮޅިގެން އެއްޗެއް ބުނެވުމާއި ސަރުކާރުން ކުރާ ލާދީނީ ކަންކަން ނުފެނުމާ ތަފާތު: ޝެއިޚް ސައުދާން

ދޫ އޮޅިގެން އެއްޗެއް ބުނެވުމާއި ސަރުކާރުން ކުރާ ލާދީނީ ކަންކަން ނުފެނުމާ ތަފާތު ކަމަށް ބުނެ ދީނީ ޢިލްމުވެރިޔާ ޝެއިޚް ސައުދާން ހޯމް މިނިސްޓަރ ޢިމްރާން އަށް ރައްދުދެއްވައިފިއެވެ.

ޝެއިޚް ސައުދާން މިފަދައިން ވިދާޅުވީ، ކުރީގެ ރައީސް އަދި އިދިކޮޅު ކޯލިޝަންގެ ރިޔާސީ ކެންޑިޑޭޓް ޔާމީން އަބްދުލް ގައްޔޫމް ބާރަށުގައި އޮތް ޖަލްސާގައި ވާހަކަދައްކަވަމުން، ޢީސާ ޢަލައިހިއްސަލާމް ފާސްދާނު ލެއްވިފައިވާ ކަމަށް ވިދާޅުވުމާއި ގުޅިގެން ޢިމްރާން އެމަނިކުފާނަށް ރައްދު ދެއްވައި ކުރެއްވި ޓުވީޓާއި ގުޅިގެންނެވެ.

ޔާމީން އެފަދައިން ވިދާޅުވުމާއި ގުޅިގެން، އެކަމަށް ރައްދު ދެއްވައި ޢިމްރާން ކުރެއްވި ޓުވީޓެއްގައި ވިދާޅުވީ، ޢީސާގެފާނުގެ ފަސްދާނު ލެވިފައިވާ ކަމަށް ގަބޫލު ކުރުމަކީ ޔަގީނުންވެސް ސުންނަތް ޖަމާޢަތުގެ އަގީދާއެއް ނޫން ކަމަށެވެ.

"މިއީ ރައީސް ޔާމީން ކޮންތާކުން ދަސްކުރެއްވި އަގީދާއެއް ބާ؟ މި ބޭފުޅާއަށް ބާރެއް ލިބިއްޖެނަމަ މި ގޮތަށް ދީނުގެ ކިތައް ކަންތައް ބަދަލު ކޮށްލައްވާނެބާ؟" ޢިމްރާން ސުވާލުކުރައްވާފައިވެއެވެ.

ޢިމްރާންގެ އެ ޓުވީޓަށް ރައްދު ދެއްވައި ސައުދާން ކުރެއްވި ޓުވީޓެއްގައި ވިދާޅުވީ، ދޫ އޮޅިގެން އެއްޗެއް ބުނެވުމާއި ސަރުކާރުން ކުރާ ލާދީނީ ކަންކަން ނުފެނުމާ ތަފާތު ކަމަށެވެ. އަދި ރައީސް ޔާމީންގެ ވެރިކަމުގައި ނުކުރާ ވަރަށް މި ސަރުކާރުން ލާދީނީ ކަންކަން ކުރަމުން އަންނަ ކަންވެސް އޭނާ ފާހަގަކުރެއްވިއެވެ.

"ޔާމީންގެ ވެރިކަމުގައި ނުކުރާ ވަރަށް، ލާދީނީ އެތައް ކަމެއް ވަނީ މަނިކުފާނު ގެނައި ކޯލިޝަނުން ކޮށްފައި. މި ސަރުކާރަށްވުރެ ލާދީނީ ސަރުކާރެއް އަދި ދިވެހި ފަސްގަނޑުން ފެނިފައި ނުވޭ." ޝެއިޚް ސައުދާން ޢިމްރާން އަށް ރައްދުދެއްވައި ކުރެއްވި ޓުވީޓުގައި ވެއެވެ.

ޢީސާގެފާނު ފަސްދާނުލެވުފައިވާ ކަމަށް ރައީސް ޔާމީން ދެއްކެވި ވާހަކަފުޅަށް ރައްޔިތުންގެ ކިބައިން މައާފަށް އެދި އެއީ އެމަނިކުފާނަށް ބުނެވުނު ކުށް ބަހެއް ކަމަށް އެފަހުން ބޭއްވި ޖަލްސާގައި ވަނީ ގަބޫލުކުރައްވާފައެވެ.

އެފަދައިން ވިދާޅުވެފައި ވަނިކޮށް، ޢިމްރާން ޔާމީންނަށް ބަހުގެ ހަމަލާތައް ފޮނުއްވާފައިވާއިރު، އިމްރާން ހޯމް މިނިސްޓަރ ކަމުގެ މަގާމުގައި ހުރެ، ލަދީނީ އެތައް ކަމެއް ރާއްޖޭގައި ހިނގަނުންދާއިރުވެސް އެކަންކަން އޭނާއަަށް ނުހުއްޓުވޭ ކަމަށްބުނެ ގިނަ ބަޔަކު އަންނަނީ ފާޑުކިޔަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޕާޓީން ކުރި ޚަރަދުތަކުގެ ތަފްސީލް އޮޑިޓް ރިޕޯޓްގައި ނުހިމެނުމުން ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފި
08 Nov 2026 ހަބަރު

ޕާޓީން ކުރި ޚަރަދުތަކުގެ ތަފްސީލް އޮޑިޓް ރިޕޯޓްގައި ނުހިމެނުމުން ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފި

ސިޔާސީ ޕާޓީގެ ޤާނޫނުގައި ބަޔާންކޮށްފައިވާ ގޮތަށް މާލީ ހިސާބުތަކުގެ ލިޔެކިޔުންތައް ފުރިހަމައަށް ބަލަހައްޓާފައި ނުވާތީ، ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފިއެވެ.