އަމާޒަކީ އިނގިލީގެ ނިޝާން ދިމާވާ ވަރަށް ބިދޭސީންގެ އަދަދު ބެލުން: ދާޚިލީ ވަޒީރު
އަމާޒަކީ ކުރިއަށްއޮތް އަހަރެއްތެރޭ ސީދާ އިނގިލީގެ ނަޝާނައި ދިމާވާ ވަރަށް ރާއްޖޭގައި ތިބި ބިދޭސީން ތިބި އަދަދު ކަށަވަރު ކުރުން ކަމުގައި ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ.
ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ފަރާތުން އިއްޔެ ނޫސްވެރިންނާއި ބައްދަލު ކުރައްވާ ދެއްކެވި ވާހަކަފުޅުގައި ވަޒީރު ވިދާޅުވީ، ރާއްޖޭގައި އުޅޭ ބިދޭސީންގެ އަދަދު އިންގިލީގެ ނިޝާނާއި ދިމާވާވަރަށް ކަށަޗަރުކުރުމުގެ އިތުރުން އެއީ ކޮންބައެއްކަން ސާފުކޮށް އެކްސްޕެކްޓް ސިސްޓަމްގެ އަދަދުތައް ދިމާކުރުމަކީ ކުރިއަށް އޮތް ދެ އަހަރުގެ އަމާޒެއްކަމުގައެވެ.
މީގެ އިތުރުން ވިދާޅުވީ މިވަގުތަށް ބަލާއިރު ފާއިރުވި އަހަރެއްހާ ދުވަހުގެ ތެރޭގައި ގަވާއިދުން ފައިސާ ދެއްކުމަށްފަހު، ގަވާއިދުން ނެގިފައިހުރި ވަރކް ޕާމިޓްގެ އަދަދަކީ ރާއްޖޭގައި މަސައްކަތް ކުރާ ބަންގްލަދޭޝް ބިދޭސީންގެ 50 އިންސައްތަކަމަށެވެ.
ބަރާބަރަށް ގަވާއިދުން ފައިސާ ދައްކަމުން އަންނަ އަދަދަކީ 30 ޕަސެންޓް
ޢަލީ އިޙްސާން
އެގޮތުން ވަޒީރުވިދާޅުވީ ފައިސާ ނުދައްކާ އިންސައްތައަސް ފެތޭ ބައެއްފަރާތްތަކަކީ މިވަގުތުވެސް ރާއްޖޭގައި ނެތް މީހުން ކަމަށެވެ.
ވުމާއެކު އެ އަދަދުތައް ދިމާކުރުމުގެ އަމާޒުގައި އެ ވުޒާރާއާއި ހަވާލުވީދުވަހުން ފެށިގެންވެސް ޚާއްސަ މަސައްކަތަކެއް ފަށާފައިވާނެކަމުގައި ވަޒީރު ވަނީ ވިދާޅުވެފައެވެ.
ދިވެހިރާއްޖޭގައި ބިދޭސީން ގިނަވުމުގެ މައްސަލައަކީ އެއްވެސް ސަރުކާރެއްގައި އެކަށީގެންވާ ހައްލެއް ގެނެވިފައިނުވާ މައްސަލައެކެވެ. އެގޮތުން ނިމިދިޔަ ސަރުކާރުގައިވެސް ވަރކް ޕާމިޓާއި ނުލައި ރާއްޖޭގައި ތިބި ބިދޭސީން ފޮނުވާލުމުގެ ޚާއްސަ މަސައްކަތްތަކެއް ފެށުނު ނަމަވެސް އެއްމެ އެކަށީގެންވާ ނަތީޖާއެއް ނިކުންނަ ވަރަށް އެކަން ކުރިއަށް ގެންދެވިފައިނުވާކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
