އިލެކްޝަންސް ކޮމިޝަންގެ ހިދުމަތްތައް އޮންލައިންކޮށް ލިބޭނެ ގޮތް ހަދައިފި
ފަސޭހަކަމާއެކު އިލެކްޝަންސް ކޮމިޝަން (އީސީ) ގެ ހިދުމަތްތައް ރައްޔިތުންނަށް ފޯރުކޮށްދިނުމަށްޓަކައި އެ ކޮމިޝަންގެ ޚިދުމަތްތައް އޮންލައިންކޮށް ލިބޭނެ ގޮތް ހަދައިފިއެވެ.
މިކަން ހާމަކޮށް އީސީގެ ނައިބު ރައީސް އިސްމާއިލް ހަބީބް އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ އީސީއިން އޮންލައިންކޮށް ހިދުމަތް ހޯދާ ފަރާތްތަކުން އީފާސް މެދުވެރިކޮށް އޮންލައިން ޕޯޓަލްއިން މިހާރު ހިދުމަތް ހޯދޭނެ ކަމަށެވެ.
އެގޮތުން އެ ކޮމިޝަންގެ ޚިދުމަތްތަކުގެ ތެރެއިން އިންތިހާބުތަކުގެ ރީ-ރަޖިސްޓްރޭޝަނާއި، ވޯޓުލާ މަރުކަޒުތަކުގެ އޮފިޝަލަކަށްވުމާއި، ރަޖިސްޓަރީވެފައިވާ ވޯޓުފޮށި ޗެކް ކުރުން އަދި ރަޖިސްޓަރީވެފައިވާ ސިޔާސީ ޕާޓީ ޗެކް ކުރުން ފަދަ ޚިދުމަތްތައް މިހާރު އޮންލައިންކޮށް ލިބިގެންދާނެ ކަމަށް އިލެކްޝަންސް ކޮމިޝަންގެ ނައިބްރައީސް ހަބީބް ކުރެއްވި ޕޯސްޓުގައި ވަނީ ވިދާޅުވެފައެވެ.
ކޮންމެ އިންތިޚާބަކާއި ދިމާކޮށް އިލްކެޝަންސް ކޮނިޝަންގެ އެކިއެކި ޚިދުމަތަތައް ގިނަ އަދަދެއްގެ ބަޔަކު ހޯދަމުން އަންނަ އިރު ރީ-ރެޖިސްޓަރ ކުރުމުގެ ކަންކަމާއި އެހެނިހެން ކަންކަމުގައި ގިނަ ބަޔަކު އެއްފަހަރާ ޚިދުމަތް ހޯދުމުގެ ސަބަބުން ބައެއް ފަހަރު އެ ޚިދުމަތްތައް ލަސްވާގޮތްވެއެވެ.
އަންނަ އަހަރު ބާއްވާ ރައްޔިތުންގެ މަޖިލިސް އިންތިހާބު ރޯދައިގެ ފަހުން ބާއްވަން އީސީއިން ބޭނުންވި ނަމަވެސް މި އިންތިހާބު ބާއްވާނެ ވަކި ތާރީހެއް އަދި އިއުލާނެއް ނުކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
