ޕީއެންސީީގެ 2028 ގެ ރިޔާސީ ޓިކެޓް ރައީސް މުޢިއްޒަށް އަރުވައިފި
ލިޔުންތެރިޔާ
އަހުމަދު ހަމީދު އާދަމް
ސަރުކާރު ހިންގާ މައި ޕާޓީ -- ޕީޕަލްސް ނެޝަނަލް ކޮންގްރެސްގެ 2028 ވަނަ އަހަރުގެ ރިޔާސީ ޓިކެޓް ރައީސުލްޖުމްހޫރިއްޔާ ޑރ. މުހައްމަދު މުޢިއްޒަށް އަރުވައިފި އެވެ.
އެމަނިކުފާނަކީ ޕީއެންސީގެ ރައީސް ވެސް މެ އެވެ. ރައީސް މުޢިއްޒަށް ޕީއެންސީގެ ރިޔާސީ ޓިކެޓް އެރުވުން އޮތީ މިރޭ އޮތް އެ ޕާޓީގެ މަތީ މަޖިލީސް ނިންމުމުގެ ޖަލްސާގަ އެވެ.
ޕީއެންސީގެ ރިޔާސީ ޓިކެޓް ރައީސް މުޢިއްޒަށް އެރުވީ, ޕީއެންސީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެވެ. ޓިކެޓް އެެރުވީ އެކަމަށް ޚާއްސަ ސްޓޭޖަށް ޕީއެންސީގެ ލީޑާޝިޕްގެ ހުރިހާ ބޭފުޅުން ވަޑައިގެންނެވެ.
ކުރިއަށް އޮތްް ރިޔާސީ އިންތިހާބުގައި ދެވަނަ ދައުރަކަށް ކުރިމަތިލައްވައި ވާދަކުރެއްވުމަށް ޕާޓީގެ އެންމެހައި މެންބަރުންގެ ފަރާތުން ދެންނެވުމަށްޓަކައި، މަތީ މަޖިލީހަށް ހުށައެޅި ގަރާރު ފާސްކޮށްފައިވަނީ ސެޕްޓެމްބަރު 17 ވަނަ ދުވަހު ބޭއްވި މަތީ މަޖިލީހުގެ ޚާއްޞަ ދަންފަޅީގައި ބައިވެރިވި 119 މެންބަރުންގެ އިއްތިފާޤުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
