ގޮނޑުދޮށްތަކާއި މޫދަށް ކުނިއަޅާ މީހުން ޖޫރިމަނާކުރަން ތައްޔާރުވަނީ
ކުރިއަށްއޮތް ތަނުގައި ގޮނޑުދޮށްތަކަށާއި މޫދަށް ކުނިއަޅާމީހުންނަށް ފިޔަވަޅު އަލަމުންދާނޭކަމަށް ތިމާވެއްޓާބެހޭ ވަޒީރު، ތޯރިގް އިބްރާހީމް ވިދާޅުވެއްޖެއެވެ.
ކުނި މެނޭޖްކުރުމަށް ތިމާވެއްޓާބެހޭ ވުޒާރާއިން ފަށާފައިވާ މަސައްކަތްތަކާ ގުޅޭގޮތުން ވަޒީރު ތާރިގް ވިދާޅުވީ، ރަށްރަށުގައި ކުނި އަޅަންނުޖެހޭ ތަންތަނަށް ކުނި އަޅަމުންދާކަން ފާހަގަކުރެވޭ ކަމަށާއި، އެގޮތުން ގޮނޑުދޮށާއި މޫދަށް ކުނިއަޅަމުންދާަކަމަށެވެ. މިކަން ހުއްޓުވުމަށް ފިޔަވަޅުތަކެއް އެޅުމަށް ނިންމަވާފައިވާކަމަށާއި، މިކަމަށް ގަވާއިދެއް ހަދައި ތަންފީޒުކުރުމަށް ނިންމާފައިވާކަމަށެވެ.
އެގޮތުން ގަވާއިދު އެކުލަވާލައި ނިމުމުން އަތިރިމައްޗާއި މޫދަށް ކުނިއަޅާ މީހުން ޖޫރިމަނާ ކުރަމުންދާނޭކަން ވަޒީރު ވިދާޅުވިއެވެ. ތާރިގް ވިދާޅުވީ މިކަމަކީ ވަރަށް ހަރުކަށިކޮށް އަޅުގަނޑުމެން ބަލަހައްޓަން ޖެހޭ ކަމެއް ކަމަށާއި، ރާއްޖޭގެ ތިމާވެށި ރައްކާތެރި ކުރުމާ އަދި އެއާ އެކު މި ރާއްޖޭގެ ގުދުރަތީ ވަސީލަތްތައް ބަލަހައްޓަން ޖެހޭކަމަށެވެ.
މިކަމަކީ އަޅުގަނޑުމެންގެ އިގްތިސާދާ ސީދާ ގުޅިފައިވާ ކަމަކަށް ވާތީ ކުނި މެނޭޖު ކުރުން ރައްކާތެރި ގޮތުގައި ބަލަހައްޓަންޖެހޭ
ތިމާވެއްޓާބެހޭ ވަޒީރު، ތޯރިގް އިބްރާހީމް
ވަޒީރު ވިދާޅުވީ ވެށި ހަލާކުވެދާގޮތަށް އަމަލުތައް ބަހައްޓައި މޫދަށް ކުނިއަޅާ މީހުން ޖޫރިމަނާކޮށް އެފަރާތްތަކުގެ އަތުން ޖޫޜިމަނާ ނަގަމުންދާނޭކަމަށެވެ. ދޭތެރެއަކުން މޫދަށް ކުނިއަޅާ މައްސަލަ ފެންމަތިވަމުން އަންނައިރު މިކަމަކީ ވަރަށް ހަރުކަށިކޮށް ބަލަހައްޓައި ފިޔަވަޅު އަޅަންޖެހޭ ކަމެއްކަމަށްވެސް ވަޒީރު ވިދާޅުވިއެވެ.
މާލެ ސަރަހައްދުގެ ފަޅުތަކަށް ކުނިއެޅުމަކީ ވަރަށް އާއްމުކަމެއްކަމަށް ގިނަ ބަޔަކު އަބަދުވެސް ފާަހަގަކުރާ ކަމެކެވެ. އެގޮތުން ހުޅުމާލޭ ފަޅުތެރެއާއި، އަދި ކަންނެލި ޖެޓީ ސަރަހައްދު ފަޅުގައި އާއްމުގޮތެއްގައި ވަރަށް ގިނައިން ޕްލާސްޓިކް ފުޅިއާއި އެފަދަ ތަކެތި މޫދަށް އުކާލާފައި ހުންނަތަން ފެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
