ރައީސް ޑރ. މުޢިއްޒު އަޅުއްވާ ކޮންމެ ފިޔަވަޅަކުންވެސް ފެނިވަޑައިގަންނަވަނީ ރައްޔިތުންގެ މަސްލަހަތު: މުހައްމަދު

ރައީސުލްޖުމްހޫރިއްޔާ ޑރ މުހައްމަދު މުޢިއްޒު އަޅުއްވާ ކޮންމެ ފިޔަވަޅަކުންވެސް ފެނިވަޑައިގަންނަވަނީ ރައްޔިތުންގެ މަސްލަހަތު ކަމަށް ވިލިމާލޭ ދާއިރާގެ އިންތިޚާބީ މެންބަރު މުހައްމަދު އިސްމާއީލް ވިދާޅުވެއްޖެއެވެ.

މުހައްމަދު މިހެން ވިދާޅުވެފައި ވަނީ، ދަރުމަވަންތަ ހޮސްޕިޓަލުގައި ކިޔަވަމުންދާ މެޑިކަލް ސްކޫލުގެ ދަރުވަރުންގެ ކިޔެވުން މައި ކެމްޕަހަށް ބަދަލުކުރަން ނިންމުމާއި ގުޅިގެން އެ ދަރިވަރުން ކަންބޮޑުވުންފާޅުކުރެއްވުމާއިއެކު، މެޑިސިން ކިޔަވާ ދަރިވަރުންގެ ކިޔެވުމަށް ހުރަސްއެޅޭ ފަދަ އެއްވެސް ކަމެއް ނުކުރައްވާނެކަމުގެ ޔަޤީންކަން ރައީސުލްޖުމްހޫރިއްޔާ ދެއްވުމާއި ގުޅިގެންނެވެ.

‏އެގޮތުން މުހައްމަދު އިސްމާޢީލް ވިދާޅުވީ، ނިމިދިޔަ ރިޔާސީ އިންތިހާބުގައި ދިވެހީންރާއްޖޭގެ ނައުގެ ހުންގާ ރައީސް މުޢިއްޒަށް ހަވާލުކުރި ކުރުމަކީ މި ފަހުގެ ތާރީހެއްގަ ދިވެހިރައްޔިތުން ދިވެހި ގައުމަށްޓަކައި ނިންމި އެންމެ މުހިންމު ނިންމުންކަން މިއަދު ދިވެހި ރައްޔިތުން ހިތާ ރޫހުން ގަބޫލް ކުރާނެ ކަމަށެވެ.

ރައީސް ޑޮކްޓަރ މުއީއްޒު އަޅުއްވާ ކޮންމެ ފިޔަވަޅަކުންވެސް ފެނިވަޑައިގަންނަވަނީ ރައްޔިތުންގެ މަސްލަހަތު އިސްކުރުމާއެކު ގައުމީ މަސްލަހަތު ދަމަހައްޓަވާތަން

މުހައްމަދު އިސްމާޢީލް

މެޑިސިން ކިޔަވާ ދަރުވަރުންގެ ކަންބޮޑުވުމާއި އެކު ސަރުކާރުން ވަނީ މެޑިސިން ކިޔަވާ ދަރިވަރުންގެ ކިޔެވުމަށް ހުރަސްއެޅޭނެ ފަދަ އެއްވެސް ކަމެއް ނުކުރާނެ ކަމުގެ ޔަޤީންކަން ދީފައެވެ.

އެގޮތުން ދަރިވަރުންގެ ތަޢުލީމީ ހައްޤުތައް ރައްކާތެރިކުރުމުގައި ރައީސުލްޖުމްހޫރިއްޔާ ދެއްވާ އިސްކަން ފާހަކަ ކުރައްވާ، މިހާރަށްވުރެ ފުރިހަމަ ފެސިލިޓީތައް ޤާއިމުކޮށްދެއްވާނެކަމުގެ ޔަޤީންކަން ސަރުކާރުން ވަނީ މެޑިސިން ކިޔަވާ ދަރިވަރުންނަށް ދީފައެވެ.