4 މީހުންނާއި އެކު ދަތުރުކުރި ދޯންޏެއްގައި އަލިފާން ރޯވެ އަޑިއަށް ހިނގައްޖެ
4 މީހުންނާއި އެކު ދަތުރުކުރި ދޯންޏެއްގައި އަލިފާން ރޯވެ އެ ދޯނި އަޑިއަށް ހިނގައްޖެއެވެ.
އެމްއެންޑީއެފްއިން ބުނީ، ލ.މާވަށުގެ ދެކުނުން 7 ނޯޓިކަލް މޭލު ބޭރުން މަސްވެރިކަމަށް ނިކުމެ އުޅުނު "ނޫރު-2" ނަމަކަށްކިޔާ ދޯންޏެއްގައި އަލިފާން ރޯވި ކަމުގެ މައުލޫމާތު އެމްއެންޑީއެފް ސެންޓްރަލް އޭރިއާ ކޯސްޓްގާޑް ތާޑް ސްކޮޑްރަންއަށް މިއަދު ހެނދުނު 07:15 ހާއިރު ލިބިފައިވާ ކަމަށެވެ.
ހާދިސާގެ މަޢުލޫމާތު ލިބުމާ އެކު އެމްއެންޑީއެފް ސެންޓްރަލް އޭރިއާ ކޯސްޓްގާޑް ތާޑް ސްކޮޑްރަންގެ ސިފައިން އެ ސަރަހައްދަށް ދިޔައިރު ދޯނި ވަނީ އަޑިއަށް ގޮސްފައިވާ ކަމަށް ވެސް ބުުނެފައިވެއެވ.
ނަމަވެސް އެ ދޯނިން ދަތުރުކުރި 4 ފަޅުވެރިން (ދިވެއްސަކާއި ތިން ބިދޭސީން) ކަނޑުމަތިން (ލ.މާވަށުގެ ދެކުނުން 6 ނޯޓިކަލް މޭލު ބޭރުން ) އެމްއެންޑީއެފް ސެންޓްރަލް އޭރިއާ ކޯސްޓްގާޑް ތާޑް ސްކޮޑްރަންގެ އުޅަނދަށް ފެނިގެން އެމީހުން މިހާރު ލ.ގަން ރީޖަނަލް ހޮސްޕިޓަލަށް ގެންދެވިފައިވާ ކަމަށްވެސް އެމްއެންޑީއެފް އިން ބުުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
