ހަބަރު 20 Aug 2023 | 12:56

"އަލީ ރަމީޒުގެ އިމާމްކަން ކުރުމުގެ ހުއްދަ ހިފަހައްޓާފައިވަނީ މިނިސްޓަރު އަންގައިގެން"

ދާރިސް ޓީވީގެ ސްޓޭޝަން މެނޭޖަރު އަލީ ރަމީޒުގެ އިމާމުކަން ކުރުމުގެ ހުއްދަ ހިފަހައްޓާފައިވަނީ އިސްލާމިކް މިނިސްޓަރު ޑރ. އަހްމަދު ޒާހިރުގެ އެންގެވުމަށްކަމަށް އެ މިނިސްޓްރީގެ ކުރީގެ ޕާމަނަންޓް ސެކެރެޓަރީ ހަސީބް އިސްމާއިލް ވިދާޅުވެއްޖެއެވެ.

އިމާމުވެ ހުކުރުނަމާދު ކުރުމާއި އީދު ނަމާދު ކުރުމުގެ ހުއްދަ އަލީ ރަމީޒަށް ދީފައިވަނީ އޮކްޓޫބަރު 11، 2010 ވަނަ އަހަރު އެވެ. އެހެންނަމަވެސް، އޭނާ އިއްޔެ މީސްމީޑިއާގައި އާއްމު ކުރެއްވި ޕޯސްޓެއްގައި ވިދާޅުވީ އިސްލާމިކް މިނިސްޓްރީން އޭނާގެ އިމާމު ކަމުގެ ހުއްދަ ހިފަހައްޓާފައިވާތާ ފަސް އަހަރު ވެފައިވާ ކަމަށެވެ.

މިކަމާއި ގުޅިގެން ހަސީބު ފޭސްބުކުގައި ކުރެއްވި ޕޯސްޓެއްގައި ވިދާޅުވީ، އަލީ ރަމީޒުގެ އިމާމް ކަމުގެ ހުއްދަ ހިފެހެއްޓި މައްސަލާގައި ބައެއް ފަރާތްތަކުން އޭނާ އާއި ސުވާލު ކުރަމުން ގެންދާ ކަމަށެވެ.

އެހެންކަމުން އެކަން ވެފައި އޮތް ގޮތް ސާފުކޮށްދެއްވަމުން ހަސީބު ވިދާޅުވީ، މާލޭ އޭރިޔާގެ މިސްކިތްތަކުގައި އިމާމުވެ ނަމާދުކުރުމަށްޓަކައި އިސްލާމިކް މިނިސްޓްރީގައި ކަނޑައަޅާފައި އޮންނަ އިމާމުންގެ ޕޫލްގައި ރަޖިސްޓްރީވުމަށް އެދި 2019 ވަނަ އަހަރުގެ ތެރޭގައި އަލީ ރަމީޒް އެ މިނިސްޓްރީގައި އެދުނު އެދުމަށް އެ މިނިސްޓްރީން އެއްވެސް މަގުބޫލު ސަބަބެއް ނެތި 2021 ވަނަ އަހަރުގެ އޮގަސްޓްމަހާއި ޖެހެންދެންވެސް އެ މައްސަލައިގައި ވަކި ޖަވާބެއް ދީފައި ނުވާކަމަށެވެ.

އަދި އަލީއަށް އިމާމުކަން ކުރުމުގެ ފުރުސަތު ނުދީ އޮތީ އެ މިނިސްޓްރީގެ އެންމެ އިސް ފަރާތުގެ އެންގެވުމުގެ މަތިންކަން އޭރުގެ މިނިސްޓްރީގެ ކަންކަން ހިންގަން ހުރި ފަރާތުގެ ހައިސިއްޔަތުން އޭނާއަށް އެނގިފައިވާތީ އެކަން ރައްޔިތުންނަށް ސާފުކޮށްދޭން ބޭނުންވާކަމަށްވެސް ހަސީބު ވިދާޅުވެފައިވެއެވެ.

އިސްލާމީކަންތައްތަކާ ބެހޭ ވުޒާރާ ޑރ.އަޙްމަދު ޒާހިރު ޢަލީ ޢަލީ ރަމީޒް

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ނަން *

އީމެއިލް *

އީމެއިލް ނުފެންނާނެއެވެ

ކޮމެންޓް *

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

15 Oct 2026 ހަބަރު

ރާއްޖޭގެ ކްރެޑިޓް ރޭޓިންއަށް އައި ކުރިއެރުން އައިއެމްއެފުން ފާހަގަކޮށްފި

އައިއެމްއެފްގެ އަހަރީ ބައްދަލުވުމުގެ ހަވާސާގައި، އެ އިދާރާގެ އެގްޒެކެޓިވް ޑިރެކްޓަރު ޑރ. މުޙައްމަދު މާއިތު، ރާއްޖޭގެ މާލީ ވަޒީރު ހަސަން ޒަރީރާ ބައްދަލުކުރައްވައި، ރާއްޖޭގެ އިޤްތިޞާދީ އަދި މާލީ ޙާލަތު ހަމަމަގަށް އެޅުވުމަށް ސަރުކާރުން އަޅަމުންދާ ހަރުދަނާ ފިޔަވަޅުތަކާ ގުޅޭގޮތުން ވާހަކަ ދައްކަވާފައިވާކަމަށެވެ. އަދި ރާއްޖެއިން އަޅަމުންދާ ފިޔަވަޅުތަކަށް ތައުރީފްކޮށް އެންމެފަހުން މޫޑީސްއިން ރާއްޖޭގެ ރޭޓިންނަށް އައި ހެޔޮބަދަލު ފާހަގަކުރެއްވިކަމަށް މާލީ ވުޒާރާއިން ބުންޏެވެ.

15 Oct 2026 ހަބަރު

ކައުންސިލުގެ 14 ބިމެއް ސަރުކާރަށް ނަގައިފި

ވުޒާރާއިން ބުނީ ލާމަރުކަޒީ ޤާނޫނުގެ ދަށުން މި ބިންތައް ސަރުކާރުގެ ކަމާބެހޭ ވުޒާރާގެ ބެލުމުގެ ދަށަށް ގެނައުމަށް ނިންމީ، ރައްޔިތުންނަށް ބޭނުންވާ ޢުމްރާނީ ތަރައްޤީގެ މުހިންމު މަޝްރޫޢުތައް ހިންގުމަށާއި އަސާސީ ޚިދުމަތްތައް ހަރުދަނާކަމާއެކު ފޯރުކޮށްދީ ބެލެހެއްޓުމުގެ މަޤްޞަދުގައި ކަމަށެވެ.

15 Oct 2026 ހަބަރު

ކަނޑުވި މީހުން ސަލާމަތްކުރި ތިން ފުލުހަކަށް ރަން މެޑަލް އަރުވައިފި

ކ. ގާފަރު ކައިރިން ބަންޑުންޖެހި ކޮޅުވެއްޓިން ކަނޑުވި އަށް މީހެއްގެ ފުރާނަ ސަލާމަތްކުރި ތިން ފުލުހަކަށް ފުރާނަ ސަލާމަތްކުރުމުގެ ރަން މެޑަލް ކޮމިޝަނަރ އޮފް ޕޮލިސް އަރުވައިފިއެވެ.

15 Oct 2026 ހަބަރު

އިންޑިއާގެ މަސްބޯޓުތަކާއި މަސްވެރިން މިނިވަންކުރުމުގެ މަސައްކަތް ފަށައިފި

އިންޑިއާގެ ބައެއް މީޑިއާތަކުން ބުނެފައިވަނީ، މިދިޔަ އަންގާރަ ދުވަހުގެ ރޭ ރާއްޖޭގެ ކޯސްޓްގާޑުގެ ބެލުމުގެ ދަށަށް ގެނައި އެޤައުމުގެ ތިން މަސް ބޯޓާއި 26 މަސްވެރިން މިނިވަންކުރުމަށްޓަކައި ދިވެހި ސަރުކާރާ ގުޅިގެން ކުރަންޖެހޭ ޤާނޫނީ މަސައްކަތްތައް ކުރަމުންދާކަމަށެވެ. އެގޮތުން އެމީހުން ދޫކޮށްލުމަށް ކުރަންޖެހޭ މަސައްކަތުގައި އެހީތެރިކަން ފޯރުކޮށްދިނުމަށް ޓަމިލް ނާޑޫ ސްޓޭޓްގެ ޗީފް މިނިސްޓަރު ވިޖޭ، އެ ގައުމުގެ ހާރިޖީ ވަޒީރު، ޖައިޝަންކަރުގެ ކިބައިން އެދިވަޑައިގެންފައިވާކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ.