ފޮނި އެއްޗަކަށް ކާލަން މިވަރެއް ނޯންނާނެ؛ ތައްޔާރު ކޮށްލާ ކަހަލަދޯ؟

މި ހުކުރު "ވޮއިސް" ގެ ބަދިގެއިން މި ގެނެސްދެނީ ފޮނި އެއްޗެހި ކެއުމަށް ޝައުގުވެރިކަން ހުންނަ މީހުން ނުކައި ދޫކޮށްލާ ވަރުގެ އެއްޗެއް ނޫނެވެ. މިއީ ތައްޔާރު ކޮށްލަން ފަސޭހަ، އަނގަޔަށް އެހާމެ މީރު ޑެޒާޓެކެވެ.

ބޭނުންވާ ތަކެތި

މާރީ ބިސްކޯދު

3 ޕެޝަން ފުރުޓް

3 އަނބު (ދިވެހި އަނބު)

3 ދަޅު ނެސްލޭ ކްރީމް

1 ދަޅު ގެރި ކިރު

ތައްޔާރުކުރާނެ ގޮތް

1) ތައްޓެއްގެ ތެރޭގައި ނެސްލޭ ކްރީމް އާއި ގެރިކިރު ރަނގަޅަށް އެކުލަވާ ލާށެވެ.

2) ދެން، އަނބުގެ ތޮށި މަށާ ލުމަށްފަހު، އިތުރު ތައްޓެއްގެ ތެރެއަށް،  ކުދިކޮށް ކިޔުބްކޮށް ކޮށާލާށެވެ. އެ ތަށީގެ ތެރެއަށް ޕެޝަން ފުރުޓުވެސް އަޅާލާ ސަމުސަލަކުން އަނބާއި ފުރުޓުކޮޅު އެޅުލަވާލާށެވެ.

3) އެއަށްފަހު، ޓެރޭއެއްގައި، ލޭޔާސް ގޮތަށް އެތަކެތި އަތުރާލާނީއެވެ. އެންމެ ފުރަތަަމަ އަޅާނީ ނެސްލޭ ކްރީމް އިން ތައްޔާރުކުރި މިކްސްޗަރ ގެ ލެޔާރ އެކެވެ. ދެން އޭގެ މަތީގައި ރީތިކޮށް މާރީ ބިސްކޯދު ލެޔާރ އެއް އަތުރާލާނީ އެވެ. އެއަށްފަހު އަނެއްކާވެސް ނެސްލޭ ކްރީމް މިކްސްޗަރ ގެ ލެޔާރ އަޅާލާނީއެވެ. ދެން އޭގެ މަށްޗަށް ފުރުޓު ލެޔާރ އެއް އަޅާލާނީ އެވެ. މި ސްޓެޕް އަދި އެއް ފަހަރު ރިޕީޓް ކޮށްލާށެވެ. އެންމެ މަތީ ލެޔާރ އަކަށް އިންނާނީ ފުރުޓު މިކްސްޗަރ ލެޔަރ އެކެވެ.

4) ދެން އައިސް އަލަމާރި އަށްލައި ފިނި ކޮށްލުމަށް ފަހު ކާންވީއެވެ.

ނޯޓް: އަނބު ނުލިބޭ ނަމަ އަނބު ނުލާ ވެސް މި ޑެޒާޓް ތައްޔާރު ކޮށްލެވިދާނެއެވެ.