ފޯލިކް އެސިޑް ހުހެއް ނުވޭ، ސްޓޭޓްފާމާއިން ލިބޭނެ

މާލޭގައި ފޯލިކް އެސިޑް ހުސްވެފައިވާ ކަމަށް ބުނެ ސޯޝަލް މީޑިއާގެ އެކި މަންސަތަކުގައި ދައުރުވަމުންދާ ވާހަކަތަކުގެ ހަގީގަތް ސަރުކާރުގެ ބޭސް ކުންފުނި، ސްޓޭޓްފާމާ އިން ސާފުކޮށްދީފި އެވެ.

އެ ކުންފުނިން ދެންމެ ބުނީ ސްޓޭޓްފާމާގެ މައި ސްޓޮކް ގައާއި އަދި ކުންފުނީގެ ބޭސް ފިހާރަތަކުން ފޮލިކް އެސިޑް ލިބެން ހުންނާނެ ކަމަށެވެ. އަދި ރާއްޖެއިން މި ބޭސް ހުސްނުވާ ކަމުގެ ފުރިހަމަ ޔަގީންކަން ދީފައިވެ އެވެ.

މީގެ އިތުރުން ދިވެހި ކޮންމެ ރައްޔިތަކަށް ވެސް ބޭނުންވާ އަސާސީ ބޭސްތައް، އެއްވެސް ދަތިކަމެއް ނެތި މެދުނުކެނޑި ފޯރުކޮށްދިނުމުގައި ސްޓޭޓްފާމާ އަބަދުވެސް ދެމިއޮންނާނެ ކަމަށް ވެސް ބުންޏެވެ.