އުރީދޫގެ މި ޕެކޭޖުން ދެމަފިރިން މައްސަލަނުޖެހި ވޯލްޑްކަޕް ބަލާލެވޭނެ!

ދުނިޔޭގެ ތައްޓަށްކުޅެވޭ އެންމެ ބޮޑު ކުޅިވަރު މުބާރާތްކަމުގައިވާ، ވޯލްޑްކަޕް 2022 މިރޭ ފޭށޭނެއެވެ.

32 ޓީމު ބައިވެރިވާ މި މުބާރާތުގައި 64 މެޗުކުޅެވޭނެއެވެ. އޭގެ ތެރެއިން ގިނަ މެޗުތައް ތާވަލުކުރެވިފައިވަނީ ރޭގަނޑުގެ ވަގުތުތަކަށެވެ. ރޭގަނޑުގެ މިވަގުތަކީ ރާއްޖޭގެ އަންހެންނުންގެ މެދުގައި މަޤުބޫލު ހިންދީ ސިލްސިލާ ޑްރާމާ އަންނަ ގަޑިކަމުން މިއީ ބައެއް ގޭބިސީތަކުގައި އަރައިރުންވާންޖެހޭ ކަމަށް ވަނީ ވެފައެވެ.

ނަމަވެސް އުރީދޫއިން މިވަނީ މިކަމަށް ނިމުމެއް ގެނެސް ވޯލްޑްކަޕްގެ ހުރިހާ މެޗެއް ހަމަޖެހިލައިގެން ބަލާލެވޭނެ މަގު ތަނަވަސްކޮށްދީފައެވެ.

ރާއްޖޭގައި ވޯލްޑްކަޕް ދެއްކުމުގެ ހުއްދަ ގަނެފައިވާ މީޑީއާނެޓާއި، އުރީދޫ ގުޅިގެން ތައާރަފްކޮށްފައިވާ ޕެކޭޖަކީ 250ރ.އަށް 100 ޖީބީ ލިބޭ ޕެކޭޖެކެވެ.

މީޑީއާނެޓްގެ އެޕްލިކޭޝަން ބޭނުންކޮށްގެން ވޯލްޑްކަޕްގެ ހުރިހާ މެޗެއް ބަލާލެވޭނެ މި ޕެކޭޖު އިތުރު އެއްވެސް އަގަކާ ނުލައި މީޑިއާނެޓް އެޕްލިކޭޝަނަށް ވެސް ސަބްސްކްރައިބް ކުރެވޭނެކަމަށް އުރީދޫއިން މައުލޫމާތުދެއެވެ.

"މި ޕެކޭޖު ގަތީމަ ލިބޭނެ މީޑިއާނެޓް އެމްއެސް ލައިޓް އަދި އެމްއެސް އެޕްލިކޭޝަނަށް ސަބްސްކްރައިބް ކުރެވޭ ކޯޑެއް. އެހެންވީމަ، މި ޕެކޭޖާ އެކު އިތުރު އެއްވެސް އަގަކާ ނުލައި މީޑިއާނެޓް އެޕްލިކޭޝަނަށް ވެސް ސަބްސްކްރައިބް ކުރެވޭނެ،" ނިޔާޒު ވިދާޅުވި އެވެ.

ނިޔާޒުު ވިދާޅުވީ އެ ޕެކޭޖުން ރާއްޖޭގައި ވޯލްޑް ކަޕްގެ މެޗުތައް ދައްކާ ތިން ޗެނަލް ކަމަށްވާ ރާއްޖެ ޓީވީ، އައިސް ޓީވީ އަދި ޕީއެސްއެމް ސްޓްރީމް ކުރެވޭނެ ކަމަށެވެ.

އެހެންކަމުން މިއީ މިފަހަރު އޫރިދޫއިން ދިވެހިންނަށް ދިން ވޯލްޑްކަޕް ބޮޑު ހަދިޔާއެވެ.

"ހެޕީ ވައިފް، ހެޕީ ލައިފް"