ނާޒިލްގެ ކަންބޮޑުވުން: ވޭޕް މަނާ ކުރުމުން، އޭގެ ވިޔަފާރިކުރާ މީހުންނަށް މިލިއަނުން ގެއްލުންވެއްޖެ!

ވޭޕް ގަނެ ވިއްކުން މަނާ ކުރުމުން، އޭގެ ވިޔަފާރިކުރާ މީހުންނަށް މިލިއަނުން ގެއްލުންވެފައިވާ ކަމަށް ވިދާޅުވެ، އިދިކޮޅު އެމްޑީޕީ ޕާލަމެންޓްރީ ގުރޫޕްގެ ލީޑަރ، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ކަންބޮޑުވުން ފާޅުކުރައްވައިފިއެވެ.

އިލެކްޓްރޯނިކް ސިނގިރޭޓާއި ވޭޕްކުރުމަށް ބޭނުންކުރާ އެފަދަ އާލާތްތަކާއި އެ އެއްޗެއްސާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތައް ދިވެހިރާއްޖެއަށް އެތެރެކުރުމާއި، ވިއްކުމާއި، ހިލޭ ބެހުމާއި، އެ ތަކެތި ބޭނުންކުރުން މި މަހުގެ 15 ވަނަ ދުވަހުން ފެށިގެން ވަނީ މަނާ ކޮށްފައެވެ.

އެކަމާއި ގުޅިގެން ވާހަކަދައްކަވަމުން، އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމުގައި ނާޒިލް ވިދާޅުވީ، ދުންފަތް މަނާ ކުރާ ގާނޫނަށް ގެނެވުނު އިސްލާޙާއެކު ވޭޕްގެ ވިޔަފާރިކުރުން މަނާވެގެން ގޮސްފައިވާކަމަށެވެ. އަދި އެކަމުގެ ސަބަބުން، އޭގެ ވިޔަފާރިކުރާ ފަރާތްތަކަށް ބޮޑެތި ގެއްލުންތަކެއް ވެފައިވާ ކަމަށެވެ.

ވޭޕްގެ ވިޔަފާރިކުރަމުން އައި ފަރާތްތަކަށް، ކިހާވަރެއްގެ އަގު ނުކުރެވޭހާ ބޮޑު ގެއްލުމެއްތޯ އެ ވެގެންދިޔައީ؟ ކޮންބަޔަކަށް އެކަން އެނގެނީ؟ ސާފުވަނީ ކާކަށް؟ ހަގީގަތަކީ މިލިއަނުން މިލިއަނުން ޑޮލަރުގެ ގެއްލުން އޭގެ ވިޔަފާރިކުރާ ފަރާތްތަކަށް ވި؟

އިދިކޮޅު އެމްޑީޕީ ޕާލަމެންޓްރީ ގުރޫޕްގެ ލީޑަރ، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް

ނާޒިލް ވިދާޅުވިގޮތުގައި، އޭނާގެ އެ ކަންބޮޑުވެލެއްވުމަކީ ސުކޫލް ކުދިން ވޭޕް ބޭނުން ކުރުމާއި، ނުވަތަ ވޭޕްގެ ފްލޭވާސްތަކަށް މަސްތުވާތަކެތިގެ ބާވަތްތައް އެޅުމަށް ތާއީދު ކުރައްވައި ދައްކަވާ ވާހަކައެއް ނޫނެވެ.

އެކަމަކު ވިޔަފާރި އަކީ، ހުއްދައާއި އެކީގައި، ހުއްދަ ނެގިގެން، ސަރުކާރުގެ އެ އޮންނަ ހުއްދަތަކާއެކު ބަރާބަރަށް މިބޭފުޅުން ކުރަމުން އައި ވިޔަފާރިއެއް. އެ ވިޔަފާރިއަށް އެ ގެންނަ މުދާ، ޑިޔުޓީ ދައްކައި، އެހުރިހާ ކަމެއްކޮށް، އެބޭފުޅުންގެ ސްޓާފުންނާއި މުވައްޒަފުންނާއި، ގޯޑައުންތަކާ، ސްޓޯރޭޖް ތަކާ، ޝޯވްރޫމް ތަކާއި، މި ހުރިހާ ތަންތަންހެދި، މިދިތަ 9 ނުނީ 10 އަހަރޔތެރޭގަްި ހިންގަމުން އައި ވިޔަފާރިތަކެއްގެ ވާހަކަ މި ދައްކަނީ

އިދިކޮޅު އެމްޑީޕީ ޕާލަމެންޓްރީ ގުރޫޕްގެ ލީޑަރ، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް

ނާޒިލް ވިދާޅުވިގޮތުގައި ވޭޕް މަނާކުރަންޖެހޭނީ މުއްދަތު ތަކެއްގެ ތެރޭގައި ކަމަށެވެ. އަދި އެކަން ކުރަންޖެހޭނީ، އެކަމުގެ ސަބަބުން ނުކުންނާނެ ނަތީޖާއާއި ގެއްލުމަށްވެސް ބަލާފައެވެ. އެއީ އެއްވެސް މަޝްވަރާއެއް ނެތި ކުރަން ރަނގަޅު ހެޔޮ ކަމެއް ނޫން ކަމަށްވެސް ވިދާޅުވިއެވެ.