މިއަހަރުގެ ރެހެންދި އެވޯޑް 7 ފަރާތަކަށް ހަވާލުކޮށްފި

މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އިން ރެހެންދި އެވޯޑް ދިނުމުގެ ހަފްލާ ބާއްވައިފިއެވެ.

ރޭ އުމަރު ޒާހިރު އޮފީސް އިމާރާތުގައި ބޭއްވުނު ރެހެންދި އެވޯޑް ދިނުމުގެ ހަފްލާއަކީ ބައިނަލްއަޤުވާމީ އަންހެނުންގެ ދުވަސް ފާހަގަކުރުމުގެ ގޮތުން ކޮންމެ އަހަރަކުވެސް އެ މިނިސްޓްރީއިން ބާއްވާ ހަފްލާއެކެވެ.

މިއަހަރުގެ ހަފްލާގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ވަނީ ރެހެންދި އެވޯޑު ޙާޞިލުކޮށްފައިވާ ފަރާތްތަކަށް، އެވޯޑު ހަވާލުކޮށްދެއްވާފައެވެ.

އަދި އެމަނިކުފާނުގެ އަނބިކަނބަލުން ފަޒްނާ އަޙުމަދު ވަނީ މިއަހަރުގެ ރެހެންދި އެވޯޑު ޙާޞިލުކޮށްފައިވާ ފަރާތްތަކަށް، ބުރޫޗު ހަވާލުކޮށްދެއްވާފައެވެ.

ރެހެންދި އެވޯޑް ދީފައިވަނީ 4 ދާއިރާއިން 7 ފަރާތަކަށެވެ.

އެގޮތުން ރެހެންދި އެވޯޑްތަކުގެ ތެރެއިން އަންހެނުން އާއްމުކޮށް ކޮށްނޫޅޭ މަސައްކަތްތައް ނުވަތަ ނޮން ޓްރެޑިޝަނަލް ރޯލް ކެޓަގަރީ އިން އެވޯޑް ލިބިފައި ވަނީ ހ. ތިޔަރަފަތް ޢާއިޝަތު ޝިމާނީ އަށެވެ.

އަދި ލީޑަރޝިޕް އަދި ގަވަރނަންސްގެ ކެޓަގަރީ އިން އެވޯޑް ހާސިލްކޮށްފައިވަނީ މ.ނަލަރީތިގެ، ކ.މާލެ ރުޤިއްޔާ އިބްރާހިމް އެވެ.

މިއާއިއެކު ޢިޖުތިމާއީގޮތުން ބާރުވެރިކުރުވުމުގެ ދާއިރާއިން އެވޯޑް ހާސިލްކޮށްފައިވަނީ:

-އައިމިނަތު އިބްރާހިމް، ހުޅުމާލެ ހިޔާ ފްލެޓް H-11-16-12

-ހުސްނާ ފަހުމީ، މ.އަފްޒާ

-ރަޝީދާ އިބްރާހިމް، ރިޔާ ސ.މީދޫ

-ޒީނާ ޒާހިރު، އަތިރީގެ ގދ. ގައްދޫ

މީގެ އިތުރުން އިންސްޓިޓިއުޝަނަލް ޖެންޑަރ މެއިންސްޓްރީމިންގ ވަޒީފާދޭ މުއައްސަސާ އަކަށް މޯލްޑިވްސް ޓްރާސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) ވަނީ ހޮވިފައެވެ.