ހިޕް މަރުކާގެ ކުޑަކުދީންގެ ކާނާ ބޭނުން ނުކުރަން އަންގައިފި
ލިޔުންތެރިޔާ
އަހުމަދު ހަމީދު އާދަމް
ހިޕް މަރުކާގެ ކުޑަކުދީންގެ ކާނާ ބޭނުން ނުކުރަން އަންގައިފި އެވެ.
މޯލްޑިވްސް ފުޑް އެންޑް ޑްރަގް އޮތޯރިޓީން މިރޭ ނެރެފައިވާ އެލާޓެއްގައި ބުނެފައިވަނީ ޖަރުމަނުގެ ކުންފުންޏެއް ކަމަށްވާ ހިޕް އިން އޮސްޓްރިއާގެ ބާޒާރުގައި ހުރި އެ ކުންފުނީގެ "ހިޕް" މަރުކާގެ ކުޑަކުދީންގެ ކާނާގެ އުފެއްދުންތައް ބޭނުން ނުކުރަން އަންގައި ބާޒާރުން އަނބުރާ ނަގާފައިވާ ކަމަށެވެ.
އެގޮތަށް އަންގާފައިވަނީ މި އުފެއްދުންތަކުގައި ވިހަ މާއްދާއެއް ކަމަށްވާ ރޮޑެންޓްސައިޑް އެކުލެވިފައިވާ ކަމަށް ޝައްކުކުރެވޭތީ އެވެ.
މި މައްސަލައާ ގުޅިގެން އޮސްޓްރިއާގެ ފުލުހުން ވަނީ ތަހުގީގެއް ފަށާފަ އެވެ. މި އުފެއްދުމަކީ އެ އޮތޯރިޓީގައި ރަޖިސްޓްރީކޮށްފައިވާ އުފެއްދުމަަކަށް ނުވިނަމަވެސް އަމިއްލަ ބޭނުމަށް މި އުފެއްދުން ރާއްޖެއަށް އެތެރެކޮށް ބޭނުންކުރުމުގެ ފުރުސަތު އޮތް ކަމަށް ވަނީ ފާހަގަކޮށްފަ އެވެ.
އެހެން ކަމުން ރައްކާތެރިކަމުގެ ފިޔަވަޅެއްގެ ގޮތުން މިމަރުކާގެ އެއްވެސް އުފެއްދުމެއް ރާއްޖެއަށް އެތެރެނުކުރުމާއި ނުވިއްކުމަށާއި ބޭނުން ނުކުރުމަށް ވަނީ އިލްތިމާސް ކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
